ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ”

- advert banner 728 90 728x90 - ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ”

ແນວທາງການລ້້ຽງລູກ ຈະ “ລວຍ” ພຽງໃດກໍຕ້ອງລ້ຽງລູກແບບ “ທຸກ” ເພາະການລ້ຽງລູກສະໄໝນີ້ ມັນເປັນເລື່ອງທ້າທາຍຂອງຄົນເປັນພໍ່ເປັນແມ່ຫຼາຍຄົນ.

- pexels photo 377058 1024x681 - ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ”

            ສໍາລັບພໍ່ແມ່ມືໃໝ່ຫຼາຍຄົນ ອາດກັງວົນ ແລະ ຄິດວາງແຜນໄວ້ກ່ອນມີລູກວ່າ ຖ້າມີລູກແລ້ວຈະລ້ຽງແນວໃດດີ ເພື່ອໃຫ້ລູກໃຫຍ່ມາມີຊີວິດທີ່ດີ, ມິຄວາມສຸກ, ໃຊ້ຊີວິດຢູ່ໃນສັງຄົມປັດຈຸບັນໄດ້.

ພໍ່ແມ່ຫຼາຍໆຄົນຍ່ອມມີວິທີການລ້ຽງລູກທີ່ດີໃນແບບສະບັບຂອງຕົນເອງຢູ່ແລ້ວ ແຕ່ເພື່ອເປັນອີກໜຶ່ງແນວທາງດີໆ ໃນການລ້ຽງລູກ Amarin Baby & Kids ຈຶ່ງມີຂໍ້ຄິດດີໆ ເປັນແນວທາງໃນການລ້ຽງລູກ ເພື່ອໃຫ້ລູກໆຫັນມາຕອບແທນບຸນຄຸນຂອງພໍ່ແມ່ໄດ້ຢ່າງບໍ່ລັງເລໃຈ.

ຢາກໃຫ້ພໍ່ແມ່ອ່ານ ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ” ໂດຍເລື່ອງມີໃຈຄວາມວ່າ:

ມື້ໜຶ່ງ ພາລູກໄປຮ້ານຂາຍອຸປະກອນການຮຽນ, ລູກຢາກໄດ້ກັບ​ໃສ່​ສໍ ແລະ ເລືອກແບບລາຄາແພງ, ແຕ່ຂ້ອຍໃຫ້ຊື້ແບບທໍາມະດາທີ່ໃຊ້ງານໄດ້ດີຄືກັນ ແຕ່ລູກເຮັດໜ້າງໍຂຶ້ນທັນທີ, ຢາກໄດ້ໄມ້ບັນທັດພ້ອມ ແລະ ກໍຢາກໄດ້ແບບລາຄາແພງເຊັ່ນກັນ ຂ້ອຍໃຫ້ເລືອກແບບພື້ນຖານ ທີ່ໃຊ້ງານໄດ້ເໝືອນມາດຕະຖານທົ່ວໄປ ໜ້າກໍຍິ່ງງໍກວ່າເກົ່າ ແຕ່ຂ້ອຍກໍບໍ່ໄດ້ເວົ້າຫຍັງ ຕັ້ງໃຈກ່ອນນອນຄືນນີ້ ຈະຊີ້ແນະລູກດ້ວຍການເລົ່ານິທານປຽບທຽບໃຫ້ເຂົ້າໃຈ.

ຫຼັງຈາກໄດ້ເປັນພໍ່ຄົນແລ້ວ ຂ້ອຍຕັ້ງໃຈຈະລູກລ້ຽງ ບໍ່ໃຫ້ຄືແບບທີ່ຊາວອາຊີເຂົານິຍົມເຮັດ ທີ່ມັກບໍ່ຍອມໃຫ້ລູກລໍາບາກ, ເບິ່ງແຍງປົກປ້ອງຄືໄຂ່ໃນຫີນ ປະຄົບປະຄອງ ເກີນພໍດີ.

ຫຼາຍປີຜ່ານໄປ ຂ້ອຍຮູ້ສຶກວ່າ ການລ້ຽງລູກຂອງຂ້ອຍຈະລໍາບາກຫຼາຍທຸກວັນ ຈົນມາວັນໜຶ່ງ ຂ້ອຍໄດ້ອ່ານຈົດໝາຍສະບັບໜຶ່ງທີ່ໂພສລົງໃນເວັບຂອງມະຫາວິທະຍາໄລນານກິງ ຈົດໝາຍຈາກຜູ້ໃຊ້ນາມວ່າ “ພໍ່ຜູ້ຂົມຂື່ນ” ຂຽນເຖິງລູກເຂົາທີ່ເປັນນັກສຶກສາໃນມະຫາວິທະຍາໄລນັ້ນ ແຕ່ບໍ່ໄດ້ເປີດເຜີຍຊື່ລູກ ຈົດໝາຍສະບັບນີ້ມີຄຸນຄ່າຫຼາຍໃນສາຍຕາຂອງຂ້ອຍ.

000000000000000000000000000000000000000000000000000

ເນື້ອໃນຈົດໝາຍຂຽນວ່າ:

ເຖິງລູກຮັກຂອງພໍ່: ເຖິງລູກຈະເຮັດໃຫ້ພໍ່ທຸກໃຈເກີນບັນຍາຍ ແຕ່ລູກກໍເປັນລູກຂອງພໍ່ຢູ່, ຫຼັງຈາກທີ່ລູກສາມາດເສັງເຂົ້າມະຫາວິທະຍາໄລໄດ້ແລ້ວ ອາດເປັນພຽງຄົນດຽວຂອງຕະກຸນເຮົາໃນຮອບຫຼາຍຊົ່ວອາຍຸຄົນທີ່ເຮັດໄດ້ສໍາເລັດ, ຫຼັງຈາກນັ້ນ ພໍ່ບໍ່ແນ່ໃຈວ່າຕົກລົງໃຜເປັນພໍ່ ແລະ ໃຜເປັນລູກກັນແທ້. ພໍ່ຊ່ວຍແບກເຄື່ອງສໍາພາລະ ໄປສົ່ງລູກເຖິງຫໍພັກ, ຊ່ວຍກາງມຸ້ງ, ປູບ່ອນນອນ, ຊື້ຂອງຢູ່ຂອງກິນ, ຕ້ອງສອນຈົນກະທັງວິທີບີບຢາສີຟັນອອກຈາກຫຼອດ ທັງຫຼາຍທັງປວງ ເບິ່ງຄືວ່າມັນເປັນໜ້າທີ່ພໍ່ສົມຄວນຕ້ອງເຮັດໃຫ້ ບໍ່ໄດ້ຍິນຄໍາວ່າຂອບໃຈຈັກຄໍາຈາກລູກຕັ້ງແຕ່ຕົ້ນຈົນຈົບ. ພໍ່ຮູ້ສຶກວ່າເປັນກຽດອັນຍິ່ງໃຫຍ່ ທີ່ພໍ່ຜູ້ດ້ອຍຄວາມສາມາດຄົນນີ້ມີໂອກາດໄດ້ຮັບໃຊ້ລູກທູນຫົວ ທີ່ບັດນີ້ໄດ້ເປັນນັກສຶກສາຜູ້ຊົງກຽດໄປແລ້ວ.

- lattana 1 - ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ”
- 1 1 - ແນວທາງການລ້ຽງລູກ ດີໆ ເຖິງ “ຈະລວຍພຽງໃດ ກໍຕ້ອງລ້ຽງລູກແບບທຸກ”

ປີທໍາອິດ ທີ່ທາງບ້ານໄດ້ຮັບຈົດໝາຍຈາກລູກສາມສະບັບ ຂໍ້ຄວາມລວມກັນແລ້ວອາດຍາວກວ່າຂໍ້ຄວາມໃນໂທລະເລກໜຶ່ງສະບັບ ຂໍ້ຄວາມຍັບຍໍ້, ລາຍມືຫວັດອ່ານຍາກ ມີແຕ່ຄໍາວ່າ “ເງິນ” ນີ້ຕັ້ງໃຈຂຽນໄດ້ຊັດເຈນທີ່ສຸດ.

ພໍຂຶ້ນປີ​ທີ 2 ຈົດໝາຍມາ​ແບບ​ຖີ່ໆ ລ້ວນ​ຂໍ​ເງິນ​ເພີ່ມ ລີລາ​ການ​ເລັ່ງ​ເລົ້າ​ໃຫ້​ສົ່ງ​​ເງິນ ຂໍ້​ຄວາມ​ທີ່​ຮຽກຮ້ອງ​ຄວາມ​ເຫັນ​ໃຈ​ຮັບ​ຮູ້​ໄດ້​ເຖິງ​ວ່າ ຫາກ​ຮຽນຈົບ​ແລ້ວ ລູກ​ສາມາດ​ໄປ​ຢຶດອາຊີບ​ເປັນ ພວກ​ເຈົ້າໜ້າທີ່​ເລັ່ງຮັດໜີ້ສິນ​ໄດ້​ແນ່ນອນ.

​            ແຕ່​ສິ່ງ​ທີ່​ເຮັດ​ໃຫ້​ພໍ່​ເຈັບ​ປວດ​ທີ່​ສຸດ​ນັ້ນ ມາ​ຈາກ​ການ​ທີ່​ລູກ​ອາດ​ຫານ ​ເຖິງ​ຂັ້ນ​ປອມ​ແປງ​ຕົວ​ເລກ​ຈໍານວນ​ເງິນ ທີ່​ຕ້ອງ​ຈ່າຍ​ຄ່າໜ່ວຍກິດ ຂອງ​ມະຫາວິທະຍາ​ໄລ, ບໍ່ຄິດ​ວ່າ​ລູກ​ຈະ​ໃຊ້​ວິທີ​ນີ້ ມາຫຼອກລວງ​ເງິນ​ຄໍາ​ຈາກ​ຜູ້​ເປັນ​ພໍ່​ແມ່​ທີ່​ໃຫ້​ກໍາ​​ເນີ​ດ, ລ້ຽງດູ, ຮັກ​ໃຄ​ລູກ​ມາ​ຕະຫຼອດ ພຽງ​ເພື່ອ​ຢາກ​ໄດ້​ເງິນ​ເພີ່ມ​ໄປ​ທ່ຽວຜັບທ່ຽວບາ ​ແລະ ຮ້ອງ​ຄາ​ຣາ​ໂອ​ເກະ….ຄິດ​ເຖິງ​ເລື່ອງ​ນີ້ຕອນ​ໃດ ກໍ​ເຈັບ​ປວດ​ເມື່ອ​ນັ້ນ, ນອນ​ບໍ່ຫຼັບ ຈົນ​ກາຍ​ເປັນ​ໂຣກຊຶມ​ເສົ້າ ສາ​ເຫດ​ກໍ​ມາ​ຈາກ​ລູກ​ຄົນ​ທີ່​ພໍ່ລ້ຽງມາ​ດ້ວຍ​ມື​ຈົນ​ເຕີບ​ໃຫຍ່ ​ແຕ່​ກັບກາຍ​ເປັນ​ຄົນ​ແປກຫນ້າ​ໃນ​ຮ່າງ​ຂອງ​ນັກ​ສຶກສາ.

ຂໍ​ພາວະນາ​ໃນ​ໃຈ​ວ່າ ນອກຈາກ​ວິຊາ​ຄວາມ​ຮູ້​ຕ່າງໆທີ່​ລູກ​ຈະ​ຮຽນຮູ້​ຈາກ​ສະ​ຖາ​ບັນ​ການ​ສຶກສາ​ແລ້ວ ລູກ​ຈະ​ກະລຸນາ​ພັດທະນາ​ຈິດ​ໃຈ​ໃຫ້​ເປັນ​ຄົນ​ຊື່ສັດ ​ແລະ ກະຕັນຍູ​ຮູ້​ບຸນຄຸນ​ດ້ວຍ​ກໍ​ຈະ​ເປັນ​ເລື່ອງ​ທີ່​ດີ​ທີ່​ສຸດ…

0000000000000000000000000000000000000000000000000000000000

ຫຼັງຈາກ​ໄດ້​ອ່ານ​ຈົດໝາຍສະບັບ​ນີ້​ແລ້ວ ຂ້ອຍ​ຮູ້ສຶກ​ວ່າ​ຂ້ອຍ​ຕ້ອງ​ເດີນໜ້າ​ເຮັດ​ຕາມ​ນະ​ໂຍບາຍ​ການ​ເບິ່ງ​ແຍງ​ລູກ​ຕາມ​ທີ່​ຕັ້ງ​ໃຈ​ໄດ້​ແຕ່​ທໍ​າອິດ ​ເຖິງ​ວ່າ​ມັນ​ຈະຄ້ອນ​ຂ້າງ​ລໍາບາກ​ໃນ​ສັງຄົມ​ຂອງ​ເຮົາ.

ມີຢູ່​ມື້ໜຶ່ງ ໝູ່ສະ​ໄໝຮຽນທີ່​ຍ້າຍ​ໄປ​ອົດ​ສະຕຣາລີ​ມາ​ຢາມ​ບ້ານ ມີ​ໂອກາດ​ໄດ້​ນັ່ງ​ລົມ​ກັນ ລາວ​ເລົ່າ​ວ່າ ຄົນ​ອົດ​ສະຕຣາລີ​ນອກຈາກຈະ​ເຊື່​ອ​ໃນ​ພະ​ເຈົ້າ​ແລ້ວ ອີກ​ເລື່ອງໜຶ່ງທີ່​ພວກ​ເຂົາ​ຕ້ອງ​ເຊື່ອໝັ້ນກໍ​ຄື ວິທີ​ການ​ລ້ຽງລູກ​ແບບ “ຈະລວຍພຽງໃດ ກໍຕ້ອງລ້ຽງລູກແບບຈົນ” ພວກເຂົາເຊື່ອວ່າ ເດັກນ້ອຍທີ່ໃຫຍ່ຂຶ້ນມາພາຍໃຕ້ການເບິ່ງແຍງປົກປ້ອງຫຼາຍເກີນໄປຈາກພໍ່ແມ່ ເມື່ອໃຫຍ່ຂຶ້ນແລ້ວຈະບໍ່ມີປັນຍາທີ່ສາມາດ ຢືນດ້ວຍລໍາແຂ່ງຂອງຕົນເອງໄດ້ ແລະ ກໍຈະບໍ່ມີວັນສໍານຶກບຸນຄຸນຄົນອື່ນ ແມ້ກະທັ່ງພໍ່ແມ່ຕົນກໍຕາມ.

ພໍ່ແມ່ທຸກຄົນຮັກລູກ ແລະ ຢາກໃຫ້ລູກມີຄວາມສຸກ ແຕ່ພໍ່ແມ່ຢູ່ລ້ຽງລູກ, ຕາມໃຈລູກໄປຕະຫຼອດຊີວິດບໍ່ໄດ້ ຕ້ອງປ່ອຍໃຫ້ລູກຮູ້ຈັກໃຫຍ່, ຮູ້ຈັກເບິ່ງແຍງຕົນເອງ ແລະ ຮູ້ຈັກຄວາມລໍາບາກ.

“ລໍາບາກ” ບໍ່ແມ່ນປ່ອຍໃຫ້ຫິວ, ອົດຕາຍ, ອົດມື້ກິນມື້, ໃຫ້ລູກໄປເຮັດວຽກໜັກ ເພື່ອແລກກັບອາຫານ ແຕ່ເປັນການມອບຫຼາຍໜ້າທີ່ໃຫ້ຮັບຜິດຊອບ ແລະ ຝຶກໃຫ້ລູກຮູ້ຈັກຖ້າ. ໜ້າທີ່ທີ່ພໍ່ແມ່ມອບໝາຍຈະປູກຝັງລູກຕັ້ງແຕ່ຍັງນ້ອຍ ໃຫ້ເຂົາຮູ້ຈັກຄວາມຮັບຜິດຊອບ ໃຫ້ເຂົາຮຽນຮູ້ ແລະ ເຂົ້າໃຈວ່າບາງສິ່ງບາງຢ່າງບໍ່ໄດ້ຫາມາໄດ້ງ່າຍໆ ຕ້ອງໃຊ້ຄວາມພະຍາຍາມ ແລະ ອົດທົນ ຢ່າລ້ຽງລູກໃຫ້ສະບາຍວັນນີ້ ແລ້ວຈະລໍາບາກໄປທັ້ງຊີວິດ.

error: Content is protected !!