ຂົວທາງຕອນເໜືອອີຕາລີຖະຫລົ່ມ ມີຜູ້ເສຍຊີວິດຢ່າງໜ້ອຍ 26 ຄົນ
ສຳນັກຂ່າວຕ່າງປະເທດລາຍງານຈາກເມືອງເຈນົວ ປະເທດອີຕາລີ ໃນວັນທີ 15 ສິງຫາວ່າ: ນາຍົກລັດຖະມົນຕີ ຈຸຍເຊບເປ ຄອນເຕ ແຫ່ງອີຕາລີ ກ່າວວ່າ: ເປັນຫາຍະນະຮ້າຍແຮງທີ່ເກີດຂຶ້ນຢ່າງເຫລືອເຊື່ອໃນລະບົບທີ່ທັນສະໄໝຄືອີຕາລີ ເຊິ່ງເປັນປະເທດທີ່ທັນສະໄໝ ນັ້ນຄືຂົວທາງຫລວງອາຍຸ 51 ປີ ສາຍເອ 10 ພັງຖະຫລົ່ມລົງມາ ໃນວັນທີ 14 ສິງຫາ ທ່າມກາງສະພາບອາກາດທີ່ມີຝົນຕົກ ເຮັດໃຫ້ມີຜູ້ເສຍຊີວິດແລ້ວ 26 ຄົນ ແລະ ບາດເຈັບອີກ 16 ຄົນ, ແຕ່ຕົວເລກຜູ້ເສຍຊີວິດອາດຈະສູງກວ່ານີ້ ເພາະທີມກູ້ໄພຍັງຄົ້ນຫາຜູ້ເຄາະຮ້າຍທີ່ອາດຕິດຢູ່ກ້ອງຊາກຫັກພັງ.
ສ່ວນສາເຫດທີ່ເຮັດໃຫ້ຂົວໂມຣັນດີພັງຖະຫລົ່ມລົງມານັ້ນຍັງບໍ່ຮູ້ແນ່ນອນ ເຊິ່ງທາງສຳນັກງານໄອຍະການຈະເຂົ້າມາສອບສວນເລື່ອງນີ້, ແຕ່ຍັງບໍ່ໄດ້ກຳນົດເປົ້າໝາຍຈະແຈ້ງ ແລະ ທ່ານ ດານິໂລ ໂທນິເນລລີ ລັດຖະມົນຕີຄົມມະນາຄົມຂອງອີຕາລີ ກ່າວວ່າ: ຂົວພັງຖະຫລົ່ມເປັນສິ່ງທີ່ຍອມຮັບບໍ່ໄດ້ ເຊິ່ງຖ້າກວດສອບແລ້ວພົບວ່າເປັນເພາະຄວາມປະໝາດ. ດັ່ງນັ້ນ ໃຜກໍຕາມທີ່ເຮັດຜິດກໍຕ້ອງເປັນຜູ້ຮັບຜິດຊອບເລື່ອງນີ້, ແຕ່ຈາກການຕີລາຄາໃນເບື້ອງຕົ້ນອາດຈະເນັ້ນໃສ່ໂຄງສ້າງຂອງຂົວນັ້ນບໍ່ແຂງແຮງ.
https://twitter.com/BattelliSergio/status/1029306695586066433
