ສາທາເມືອງໄຊພູທອງລົງປະເມີນບ້ານແບບຢ່າງທາງດ້ານສາທາ ແລະ ສ້າງຂະບວນການຕ້ານພະຍາດໄຂ້ຍຸງລາຍ
ວັນທີ 21 ສິງຫານີ້, ສາ ທາລະນະສຸກ ເມືອງໄຊພູທອງ ໄດ້ລົງເຄື່ອນໄຫວວຽກງານປະເມີນສ້າງບ້ານແບບຢ່າງ ສາທາລະນະສຸກ ໄດ້ລົງສົມ ທົບກັບອໍານາດການປົກ ຄອງບ້ານຂົວດໍາ ເມືອງໄຊ ພູທອງ ແຂວງສະຫວັນນະ ເຂດ, ນໍາໂດຍທ່ານ ສົມພົງ ບົວສົມພອນ ຮອງຫົວໜ້າ ຫ້ອງການສາທາະນະສຸກ ເມືອງ ພ້ອມດ້ວຍພະນັກງານ ວິຊາການ ແລະ ອໍານາດການ ປົກຄອງ ບ້ານທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.
+ ສາທາເພີ່ມທະວີວຽກງານເຝົ້າລະວັງ ແລະ ຄວບຄຸມເຊື້ອພະຍາດຕ້ານຕໍ່ຢາປະຕິຊິວະນະ
ຜ່ານການລົງໄປປະ ເມີນ ຕົວຈິງເຫັນວ່າພາຍໃນ ບ້ານ ຍັງບໍ່ທັນເປັນເຈົ້າການໃນ ການອະນາໄມ ເຮືອນຊານ ບ້ານຊ່ອງເປັນຕົ້ນແມ່ນຍັງ ເຮັດຄອກສັດຢູ່ກ້ອງລ່າງ ເຮືອນ ທາງຊອຍ ບ້ານເຫັນ ວ່າຍັງມີນໍ້າຖ້ວມຂັງ, ເປັນ ບວກເປັນຕົມຢູ່ ຈາກນັ້ນ, ຈິ່ງສາມາດຕີລາຄາ ແລະ ປະເມີນຜົນຕົວຈິງພຽງ80%.
ພ້ອມນີ້, ກໍໄດ້ ໂຄສະນາ ສຸຂະສຶກສາ, ສໍາຫຼວດ ໜອນນໍ້າ, ພ້ອມທັງແນະ ນຳ ໃຫ້ປະຊາຊົນເຝົ້າລະ ວັງ ໃນການລະບາດຂອງພະ ຍາດໄຂ້ຍຸງລາຍ ແລະ ໃຫ້ ເອົາໃຈໃສ່ກໍາຈັດແຫຼ່ງແຜ່ ພັນຂອງຍຸງລາຍທີ່ເປັນ ພາຫະນະໃນການນໍາເຊື້ອ ພະຍາດ ໄຂ້ເລືອດອອກ ໂດຍ ການທໍາລາຍ ບ່ອນທີ່ຍຸງ ມັກວາງໄຂ່ຢູ່ບໍລິເວນເຮືອນ ຂອງຕົນເຊັ່ນ: ຮ່ອງລະ ບາຍນໍ້າ, ພາຊະນະເກັບ ນໍ້າ, ໄຫນໍ້າ, ຂວ້ຳກະໂປະ, ກະປ໋ອງ ແລະ ພາຊະນະທີ່ ມີນໍ້າອື່ນໆ.
ທ່ານ ສົມພົງ ບົວສົມ ພອນ ຮອງຫົວໜ້າຫ້ອງ ການສາທາລະນະສຸກ ເມືອງໄຊພູທອງ ໄດ້ກ່າວ ວ່າ: ປັດຈຸບັນເມືອງ ໄຊພູ ທອງກວດພົບຜູ້ຕິດເຊື້ອ ພະຍາດໄຂ້ຍຸງລາຍ 4 ກໍ ລະນີ ມີຈໍານວນ 8 ບ້ານ ທີ່ ມີ ຄວາມສ່ຽງ./.
