10 ເຄັດລັບເພື່ອຄວາມສຳເລັດດ້ານການຮຽນ

- 032708 2018 - 10 ເຄັດລັບເພື່ອຄວາມສຳເລັດດ້ານການຮຽນ
- Untitled design - 10 ເຄັດລັບເພື່ອຄວາມສຳເລັດດ້ານການຮຽນ
  1. ຕັ້ງເປົ້າໝາຍໃນການຮຽນ : ການຕັ້ງເປົ້າໝາຍຕໍ່ການກະທຳນັ້ນ ຈະຊ່ວຍໃຫ້ກິດຈະກຳເຫລົ່ານັ້ນປ່ຽນແປງໄປໃນທາງທີ່ດີຂຶ້ນໄດ້ ກັບການຮຽນກໍຄືກັນ ກ່ອນອື່ນເລີຍເຮົາຕ້ອງບໍ່ດູຖູກຕົນເອງຈົນເກີນໄປ ແລະ ລອງຕັ້ງເປົ້າໝາຍ (ທີ່ບໍ່ແມ່ນເລື່ອງເພີ້ຝັນ) ວ່າເຮົາຮຽນໄປເພື່ອຫຍັງ ເຮົາຕ້ອງເຮັດແນວໃດຈຶ່ງຈະປະສົບຜົນສຳເລັດຕາມທີ່ຕັ້ງໄວ້ ຖ້າທ່ານຄິດວ່າເປົ້າໝາຍນັ້ນມັນດີສຳລັບທ່ານແລ້ວ ຂັ້ນຕໍ່ໄປກໍຄືການລົງມືເຮັດ ແລະ ພັດທະນາຕົນເອງໄປສູ່ເປົ້າໝາຍ.
  2. ວາງແຜນການຮຽນ : ເວລາເປັນສິ່ງມີຄ່າ ແລະ ຄົງຈະບໍ່ດີປານໃດຖ້າທ່ານເປັນຄົນທີ່ມາຮີບຟ້າວອ່ານໜັງສືໃນຄືນກ່ອນຈະສອບເສັງ ເພາະມັນຊ້າເກີນໄປແລ້ວ ສິ່ງໜຶ່ງທີ່ຈະຊ່ວຍທ່ານໄດ້ກໍຄື ການວາງແຜນໃຫ້ກັບການຮຽນຂອງທ່ານ ເພາະມັນຈະເຮັດໃຫ້ທ່ານຈັດລະບຽບໂຕເອງໄດ້ ເຮັດໃຫ້ທຸກຢ່າງຄ່ອງແຄ້ວຕາມເປົ້າໝາຍ ແລະ ເຮັດໃຫ້ທ່ານໝັ້ນໃຈໃນການສອບເສັງຫລາຍຂຶ້ນ.
  3. ຢຸດພັກແດ່ : ເຮົາບໍ່ແມ່ນຍອດມະນຸດ ມັນຈຶ່ງສຳຄັນທີ່ຈະຮູ້ໂຕເອງຢູ່ສະເໝີວ່າສາມາດເຮັດຫຍັງຕິດຕໍ່ກັນເປັນເວລາດົນໄດ້ດີ ພໍ ເພາະສະໝອງມະນຸດມັກຈະຈົດຈໍ່ກັບຫຍັງໄດ້ບໍ່ດົນ ດັ່ງນັ້ນ ທ່ານຄວນຈະຢຸດພັກເປັນຄັ້ງຄາວເພື່ອຜ່ອນຄາຍຈາກວຽກ ຫລື ການຮຽນ ເຊັ່ນ : ໄປຍ່າງຫລິ້ນ, ອອກກຳລັງກາຍ, ລົມກັບໝູ່ ຫລື ດື່ມຫຍັງອຸ່ນໆຈັກຈອກ ຈາກນັ້ນຈຶ່ງກັບເຂົ້າສູ່ການຮຽນຕໍ່ໄປ (ຢ່າລືມທີ່ຈະພັກເມື່ອເຖິງເວລາທີ່ສົມຄວນຈະຕ້ອງພັກ).
  4. ລອງໃຊ້ເຕັກໂນໂລຊີໃໝ່ໆ : ຊ່ວຍໃນເລື່ອງການຮຽນ ເຊັ່ນ : ອິນເຕີເນັດ, ວີດີໂອ, ແອັບເທິງມືຖື ລອງຫາໂຕຊ່ວຍທີ່ເໝາະສົມກັບທ່ານ ເພາະມັນມີປະໂຫຍດຫລາຍ ເຊັ່ນ : ເວັບໄຊການສຶກສາ ຫລື ແອັບຊ່ວຍບັນທຶກ ແລະ ວາງແຜນ Evernote, Easystudy, GoConqr ເປັນຕົ້ນ.
  5. ທົດສອງຕົນເອງ : ທ່ານເຄີຍສອບເສັງແລ້ວ ແລ້ວກໍລືມສິ່ງທີ່ຮຽນມາໝົດຫລືບໍ່ ? ນັ້ນເປັນເລື່ອງປົກກະຕິທົ່ວໄປ, ລອງທົດ ສອບວ່າໂຕເອງໝັ້ນໃຈ ຫລື ຮູ້ສິ່ງເຫລົ່ານັ້ນໄດ້ດີພໍຫລືຍັງ ໂດຍການຝຶກເຮັດບົດຝຶກຫັດຊຳ້ໄປຊຳ້ມາດ້ວຍຕົນເອງຈົນກ່ວາຮູ້ຜົນທີ່ພໍໃຈ ບໍ່ຕ້ອງກັງວັນຖ້າເທື່ອທຳອິດຍັງບໍ່ໄດ້ຜົນທີ່ດີພໍ ເພາະວ່າການຝຶກຝົນເທື່ອຕໍ່ໆໄປຕ່າງຫາກທີ່ຈະຊ່ວຍໃຫ້ທ່ານເກັ່ງຂຶ້ນໄດ້.
  6. ຢ່າເບິ່ງຂ້າມເລື່ອງສຸຂະພາບ : ທ່ານອາດຈະນອນຫລັບບໍ່ພຽງພໍ ຫລື ກິນແຕ່ອາຫານບໍ່ມີປະໂຫຍດ (ເພາະບໍ່ຄ່ອຍມີເວລາ) ຖ້າເປັນແບບນີ້ກໍຈົ່ງປ່ຽນແປງມັນ ແລ້ວຊີວິດທ່ານຈະຢູ່ໃນຈຸດດຸ່ນດ່ຽງ ທັງຮ່າງກາຍ ແລະ ຈິດໃຈເຊິ່ງມັນສົ່ງຜົນຕໍ່ການຮຽນທີ່ດີ.
  7. ຄິດບວກ : ທັດສະນະຄະຕິຂອງທ່ານແມ່ນປັດໄຈສຳຄັນໃນການຮຽນ ເພາະມັນສົ່ງຜົນຕໍ່ການກະທຳຂອງທ່ານ ຈົ່ງຄິດບວກໄວ້ ແລະ ປະເມີນວ່າທ່ານມີຈຸດແຂງຫຍັງແດ່ເພື່ອທີ່ຈະປະສົບຄວາມເລັດໃນການຮຽນ.
  8. ຮຽນຮູ້ຮ່ວມກັບໝູ່ : ໝູ່ແມ່ນຄົນທີ່ທ່ານຄວນເຮັດຄວາມຮູ້ຈັກໄວ້ໃຫ້ຫລາຍ ເພາະທ່ານຈະໄດ້ຮູ້ວ່າໃຜທີ່ທ່ານສາມາດເຮັດ ວຽກ ຫລື ຮຽນນຳໄດ້ຢ່າງຄ່ອງແຄ້ວ. ນອກຈາກນີ້ ການມີໝູ່ຮຽນຍັງຊ່ວຍກະຕຸ້ນເຊິ່ງກັນ ແລະ ກັນໃຫ້ຫ້າວຫັນກັບການຮຽນໄດ້.
  9. ສ້າງກິດຈະວັດໃນການຮຽນ : ການສ້າງສະພາບແວດລ້ອມໃຫ້ມິດງຽບເໝາະສົມທີ່ສຸດສຳລັບການຮຽນ.
  10. ປຶກສາອາຈານ : ຖ້າທ່ານມີຂໍ້ສົງໄສໃນການຮຽນ ຫລື ສົງໄສຂໍ້ສອບເສັງທີ່ທ່ານເຮັດໄປ ໃຫ້ລອງເຂົ້າໄປປຶກສາຜູ້ສອນເບິ່ງ ເພາະເຂົາຈະຊ່ວຍອະທິບາຍຂໍ້ສົງໄສໃຫ້ທ່ານໄດ້ຢ່າງຈະແຈ້ງ ທັງຍັງສະແດງໃຫ້ເຫັນວ່າທ່ານນັ້ນເອົາໃຈໃສ່ ແລະ ສົນໃຈວິຊານັ້ນຫລາຍປານໃດ.
- Wave100S AD to Website 2020 0 - 10 ເຄັດລັບເພື່ອຄວາມສຳເລັດດ້ານການຮຽນ
- WhatsApp Image 2020 05 27 at 5 - 10 ເຄັດລັບເພື່ອຄວາມສຳເລັດດ້ານການຮຽນ
- WhatsApp Image 2020 05 27 at 5 - 10 ເຄັດລັບເພື່ອຄວາມສຳເລັດດ້ານການຮຽນ
error: Alert: ເນື້ອຫາຂ່າວມີລິຂະສິດ !!