ອະຫິວາໝູອາຟຣິກາໃນຈີນ ອາດລະບາດຂ້າມປະເທດ

- advert banner 728 90 728x90 - ອະຫິວາໝູອາຟຣິກາໃນຈີນ ອາດລະບາດຂ້າມປະເທດ

ອົງການ​ອາຫານ ​ແລະ ກະສິກຳ​ແຫ່ງ​ສະຫະ​ປະຊາ​ຊາດ ສະ​ແດງ​ຄວາມ​ກັງວົນ​ວ່າ: ສະຖານະ​ການ​ການ​ແຜ່​ລະບາດ​ຂອງ​ພະຍາດ​ອະຫິວາ​ໝູ​ອາ​ຟຣິກາ (​ASF) ​ໃນ​ຈີນ​ອາດ​ຂ້າມ​ຊາຍ​ແດນ​ສູ່​ອີກ​ຫລາຍ​ປະ​ເທດ​ໃນ​ອາຊີ​ຕາ​ເວັນ​ອອກ ​ແລະ ອາຊີ​ຕາ​ເວັນ​ອອກສຽງ​ໃຕ້.

- F1 - ອະຫິວາໝູອາຟຣິກາໃນຈີນ ອາດລະບາດຂ້າມປະເທດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ອົງການ​ອາຫານ ​ແລະ ກະສິກຳ ​ແຫ່ງ​ສະຫະ​ປະຊາ​ຊາດ (FAO) ອອກ​ລາຍ​ງານ​ໃນ​ວັນ​ທີ 28 ສິງຫາ ກ່ຽວ​ກັບ​ສະຖານະ​ການ​ການ​ແຜ່​ລະບາດ​ຂອງ​ພະຍາດ​ອະຫິວາ​ໝູ​ອາ​ຟຣິກາ (ASF) ​ໃນ​ຈີນ​​ໄລຍະ​ເວລາ 1 ​ເດືອນ​ຜ່ານ​ມາ​ວ່າ: ​ເປັນ​ສາຍ​ພັນ​ດຽວ​ກັບ​ພົບ​ໃນຣັດ​ເຊຍ​ໃນ​ປີຜ່ານມາ ​ແລະ ປັດຈຸບັນ ພົບຢ່າງ​ໜ້ອຍ​ໃນ 4 ​ແຂວງ​ຂອງ​ຈີນ ໜຶ່ງ​ໃນ​ນັ້ນຄື​ແຂວງ​ຫລຽວ​ໜິງທີ່ຢູ່​ທາງ​ຕາ​ເວັນ​ອອກສຽງ​ເໜືອ ສົ່ງ​ຜົນ​ໃຫ້​ທາງ​ການ​ຈີນ​ຕ້ອງ​ຂ້າ​ໝູ​ໄປ​ແລ້ວ​ຫລາຍ​ກວ່າ 24.000 ​ໂຕ ​ເພື່ອ​ຄວບ​ຄຸມ​ສະຖານະ​ການ.

- Tiger Head 728x90 - ອະຫິວາໝູອາຟຣິກາໃນຈີນ ອາດລະບາດຂ້າມປະເທດ
- 1 1 - ອະຫິວາໝູອາຟຣິກາໃນຈີນ ອາດລະບາດຂ້າມປະເທດ

​ເຖິງ​ຢ່າງ​ໃດ​ກໍ​ຕາມ, ການ​ທີ່​ເສັ້ນທາງ​ການ​​ແຜ່​ລະບາດ​ຂອງ​ເຊື້ອ​ໄວຣັສ ​ເຊິ່ງກວດ​ພົບ​ໃນ​ພື້ນທີ່​ຫ່າງ​ກັນ​ຫລາຍ​ກວ່າ 1.000 ກິ​ໂລ​ແມັດ ​ໃນ​ຈີນ ໝາຍ​ຄວາມ​ວ່າ​ມີ​ຄວາມ​ເປັນ​ໄປ​ໄດ້​ທີ່​ການ​ແຜ່​ລະບາດ​ອາດ​ຂ້າມ​ຊາຍ​ແດນ​ໄປ​ສູ່​ປະ​ເທດ​ໜຶ່ງ “​ໄດ້​ທຸກ​ເວລາ” ບົ່ງ​ບອກ​ຄວາມ​ອັນຕະລາຍ​ຂອງ​ເຊື້ອພະຍາດ​ດັ່ງກ່າວ ​ໂດຍ FAO ຕີ​ລາຄາ​ພື້ນທີ່​ສ່ຽງ​ຄື​ປະ​ເທດ​ທີ່​ມີ​ຊາຍ​ແດນ​ຕິດ​ກັບ​ຈີນ ​ເຊິ່ງລວມທັງ​​ແຫລມ​ເກົາຫລີ ​ແລະ ຫລາຍ​ປະ​ເທດ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້, ​ເຖິງ​ວ່າ ASF ​ເປັນ​ພະຍາດ​ທີ່​ບໍ່​ມີ​ຄວາມ​ສ່ຽງ​ຕໍ່​ມະນຸດ ​ແຕ່​ຈະ​ສົ່ງ​ຜົນ​ກະທົບ​ຢ່າງ​ໜັກ​ຕໍ່​ອຸດສາຫະກຳ​ຊີ້ນ​ໝູ​ໃນ​ພາກພື້ນ, ຍິ່ງ​ໄປ​ກວ່າ​ນັ້ນ ນັກວິທະຍາສາດ​ຍັງ​ບໍ່​ປະສົບ​ຜົນສຳ​ເລັດ​ໃນ​ການ​ພັດທະນາ​ວັກ​ແຊງ​ປ້ອງ​ກັນ​ພະຍາດ​ອະຫິວາ​ໝູ​ອາ​ຟຣິກາ​ນຳ​ອີກ.

ທັງ​ນີ້, ລາຍ​ງານ​ຂອງ FAO ລະບຸ​ອີກ​ວ່າ: ສຳນັກງານ​ໃນ​ອາຊີ​ກຳລັງ​ປະສານ​ງານ​ຢ່າງ​ໃກ້ຊິດ​ກັບ​ລັດຖະບານ​ຈີນ ​ແລະ ອີກ​ຫລາຍ​ປະ​ເທດ ​ເພື່ອ​ຮ່ວມ​ກັນຫາ​ທາງ​ຄວບ​ຄຸມ​ການ​ແຜ່​ລະບາດ​ຂອງ​ພະຍາດ, ​ແຕ່​ເຕືອນ​ວ່າ: ການ​ໃຊ້ “ມາດ​ຕະການ” ຫ້າມ​ການ​ລຳລຽງ​ໝູ ​ແລະ ຈຳກັດ​ການ​ຂົນ​ສົ່ງ​ຜະລິດ​ຕະພັນ​ຊີ້ນ​ໝູ ອາດ​ຍິ່ງ​ກະ​ຕຸ້ນ​ການ​ຂົນ​ສົ່ງ​ຜະລິດ​ຕະພັນ​ຢ່າງ​ຜິດ​ກົດໝາຍ​ແທນ.

error: Content is protected !!