ສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວປະເທດຈະຮັບນັກສຶກສາ 10-11 ພັນກວ່າຄົນ

- advert banner 728 90 728x90 - ສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວປະເທດຈະຮັບນັກສຶກສາ 10-11 ພັນກວ່າຄົນ

ໃນສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວ ປະເທດ ມີໂກຕ້າຮັບ ນັກສຶກສາປະມານ 10-11 ພັນກວ່າຄົນ, ໃນນັ້ນ, ມີມະ ຫາວິທະຍາ ໄລແຫ່ງຊາດ ຈະຮັບປະມານ 7.500 ກວ່າ ຄົນ, ມະຫາວິທະຍາໄລ ສຸ ພານຸວົງ ຮັບປະມານ 1.200 ກວ່າຄົນ, ສະຫວັນນະເຂດ 1.200 ກວ່າຄົນ, ມະຫາ ວິທະຍາໄລຈໍາປາສັກ ຍັງ ລໍຖ້າການອະນຸມັດຈາກກະ ຊວງສຶກສາທິການ ແລະ ກິລາ ແລະ ມະຫາວິທະຍາ ໄລ ວິທະຍາສາດ ສຸຂະພາບ ຈະຮັບປະມານ 300 ກວ່າ ຄົນ. ຂະນະທີ່ມີນັກຮຽນ ເຂົ້າ ສອບເສັງຄັດເລືອກເຂົ້າຮຽນ 20 ພັນກວ່າຄົນ.

- new3 - ສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວປະເທດຈະຮັບນັກສຶກສາ 10-11 ພັນກວ່າຄົນ

 

ຫ້ອງການສຶກສາທິການ ແລະ ກິລາ ເມືອງໄຊພູທອງ ມີຄວາມພ້ອມເປີດສົກຮຽນໃໝ່ສົກປີ 2018-2019

ສຶກສາທິການ ແລະ ກິລາແຂວງສາລະວັນຕ້ອງການຄູ 1.066 ຄົນ

ທ່ານ ອຸດົມ ພອນຄໍາເພັງ ຮອງອະທິການບໍດີຝ່າຍວິຊາ ການມະຫາວິທະຍາໄລແຫ່ງ ຊາດ ໄດ້ໃຫ້ຮູ້ເມື່ອວັນທີ 25 ສິງຫາ ຜ່ານມາວ່າ: ສົກຮຽນ 2018–2019 ມຊ ມີແຜນ ຮັບເອົານັກສຶກສາ ທັງໝົດ ຈຳນວນ 7.575 ຄົນ, ເຊິ່ງ ມີນັກຮຽນມາລົງທະບຽນ ອອນລາຍທັງໝົດ 19.262 ຄົນ, ແຕ່ມີໜ້າເຂົ້າສອບເສັງ ຕົວຈິງທັງໝົດ 14.490 ຄົນ.

ເມື່ອບໍ່ດົນຜ່ານມາ, ທ່ານ ວິໄຊ ຈັນສະຫວ່າງຮັກສາ ການອະທິການບໍດີມະຫາ ວິທະຍາໄລສຸພານຸວົງ ແຂວງ ຫຼວງພະບາງ ໃຫ້ຮູ້ວ່າ: ໃນ ສົກປີ 2018-2019 ມີນັກ ຮຽນມາເຂົ້າຮ່ວມສອບເສັງ ຄັດເລືອກເຂົ້າຮຽນມະຫາ ວິທະຍາໄລດັ່ງກ່າວ, ເມື່ອວັນ ທີ 8 ສິງຫາ 2018 ປະມານ 2.600 ກວ່າຄົນ, ແຕ່ຈະຮັບ ພຽງ 1.200 ກວ່າຄົນ.
ທ່ານ ບຸນເຮືອງ ນິນຈະ ເລີນ ຮອງອະທິການບໍດີ ມະ ຫາວິທະຍາໄລສະຫວັນນະ ເຂດ ໃຫ້ຮູ້ວ່າ: ເມື່ອວັນທີ 1 ສິງຫາ ຜ່ານມາ, ມະຫາວິທະ ຍາໄລດັ່ງກ່າວ ໄດ້ເປີດການ ສອບເສັງຄັດເລືອກເອົານັກ ສຶກສາໃໝ່ສົກຮຽນ 2018-2019 ໂດຍມີນັກຮຽນເຂົ້າ ຮ່ວມສອບເສັງ 2.200 ກວ່າ ຄົນ, ເຊິ່ງນັກຮຽນສ່ວນ ຫຼາຍ ເລືອກຮຽນສາຍໄອທີ, ວິສາ ວະກໍາໄຟຟ້າ ແລະ ບໍລິຫານ ທຸລະກິດ. ສໍາລັບການຮັບນັກ ສຶກສາໃນສົກນີ້, ແມ່ນຈະຮັບ ປະມານ 1.200 ກວ່າຄົນ.

- lattana 1 - ສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວປະເທດຈະຮັບນັກສຶກສາ 10-11 ພັນກວ່າຄົນ

ທ່ານ ພູໂຂງ ອິນທະປັນ ຍາ ວິຊາການມະຫາ ວິທະຍາ ໄລຈໍາປາສັກ ໃຫ້ຮູ້ວ່າ: ສໍາ ລັບຈໍານວນນັກສຶກສາທີ່ ຈະຮັບເຂົ້າຮຽນມະຫາວິທະຍາໄລ ຍັງລໍຖ້າຕົວເລກອະ ນຸມັດຈາກກະຊວງສຶກສາ ທິການ ແລະ ກິລາ, ເຊິ່ງ ໃນ ສົກຮຽນ 2016-2017 ມະຫາວິທະຍາໄລ ຈໍາປາສັກ ຮັບນັກສຶກສາ 1.370 ຄົນ ແລະ ສົກຮຽນ 2017-2018 ແມ່ນ 1.745 ຄົນ. ສໍາລັບສົກ ຮຽນປີນີ້, ມີນັກສອບເສັງ ຄັດເລືອກເຂົ້າຮຽນ ເມື່ອວັນທີ 15 ສິງຫາ ຜ່ານມາ ຈໍານວນ 2.000 ກວ່າຄົນ.

ທ່ານ ຄໍາປະສົງ ເສດຖາ ວັນໄຊ ຮອງຫົວໜ້າ ຫ້ອງ ການມະຫາວິທະຍາໄລ ວິທະ ຍາສາດສຸຂະພາບ ໃຫ້ຮູ້ວ່າ: ສົກຮຽນ 2018-2019 ນີ້, ມະຫາວິທະຍາໄລພວກເຮົາ ຈະຮັບນັກສຶກສາພຽງແຕ່ 379 ຄົນເທົ່ານັ້ນ, ໃນນີ້, ລະບົບປະລິນຍາຕີຈະຮັບ 324 ຄົນ ແລະ ອະນຸປະລິຍາ ຈະຮັບພຽງ 55 ຄົນ. ໂດຍໄດ້ ຈັດຕັ້ງການສອບເສັງຄັດ ເລືອກໃນວັນທີ 28 ກໍລະກົດ ຜ່ານມາ, ເຊິ່ງມີນັກຮຽນ ເຂົ້າຮ່ວມສອບເສັງ 5.700 ກວ່າຄົນ.

- 9632 - ສົກຮຽນ 2018-2019 ມະຫາວິທະຍາໄລ 5 ແຫ່ງທົ່ວປະເທດຈະຮັບນັກສຶກສາ 10-11 ພັນກວ່າຄົນ

error: Content is protected !!