ເປີດສະໜາມມວຍຕະຫລາດຫ້ວຍຫົງ

- advert banner 728 90 728x90 - ເປີດສະໜາມມວຍຕະຫລາດຫ້ວຍຫົງ

ໃນວັນທີ 1 ກັນຍາ 2018 ທີ່ຕະຫລາດຫ້ວຍຫົງ ໄດ້ມີພິທີເປີດສະໜາມມວຍຕະຫລາດຫ້ວຍຫົງ ເພື່ອເປັນສະໜາມຝຶກຊ້ອມແກ່ນັກກິລານະຄອນຫລວງວຽງຈັນກຽມເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງ ໂດຍມີທ່ານ ສົມພອນ ສອນດາລາ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫລວງວຽງຈັນ, ພ້ອມດ້ວຍແຂກທີ່ຖືກເຂົ້າຮ່ວມ.

- new3 - ເປີດສະໜາມມວຍຕະຫລາດຫ້ວຍຫົງ

ທ່ານ ສົມພອນ ສອນດາລາ ໄດ້ກ່າວວ່າ: ສະໂມສອນມວຍອາຊີບນະຄອນຫລວງໄດ້ຮັບອະນຸຍາດສ້າງຕັ້ງຂຶ້ນແຕ່ປີ 2014 ເປັນຕົ້ນມາ ພາຍໃຕ້ການຊີ້ນໍາຂອງພະແນກສຶກສາທິການ ແລະ ກິລານະຄອນຫລວງວຽງຈັນ ແລະ ໄດ້ມີການເຄື່ອນໄຫວໃນຂອບເຂດນະຄອນຫລວງວຽງຈັນຈົນເຖິງປັດຈຸບັນ. ດັ່ງນັ້ນ, ເພື່ອໃຫ້ມີການຝຶກຊ້ອມ ແລະ ແຂ່ງຂັນຢູ່ຕະຫລອດເວລາ ຈຶ່ງສ້າງຕັ້ງສະໜາມມວຍຕະຫລາດຫ້ວຍຫົງນີ້ຂຶ້ນມາ. ນອກຈາກນັ້ນ, ຍັງເປັນການກະກຽມຄວາມພ້ອມຂອງນັກກິລານະຄອນຫລວງວຽງຈັນເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງເປັນເຈົ້າພາບ.

- lattana 1 - ເປີດສະໜາມມວຍຕະຫລາດຫ້ວຍຫົງ

ໃນພິທີເປີດສະໜາມມວຍຕະຫລາດຫ້ວຍຫົງຍັງມີການແຂ່ງຂັນຕີມວຍ 6 ຄູ່ດ້ວຍກັນ ເຊິ່ງຄູ່ທໍາອິດເປັນການພົບກັນລະຫວ່າງ ເພັດປະກາຍສີຟ້າ (ປກສ) ພົບ ເດັ່ນນະຄອນ ເພັດນະຄອນ ລຸ້ນນໍ້າໜັກ 50 ກິໂລ, ສ່ວນຄູ່ທີ 2 ເພັດສະຄາດ ບ້ານໂຄກສະອາດ ພົບ ສິງຊະນະ ສິດໂຕພາລຸ້ງ, ຄູ່ທີ 3 ຊົນຊາດລາວ ສິງໂຕພາລຸ້ງ ພົບ ຊູຊາດ ຕະຫລາດຫ້ວຍຫົງ, ຄູ່ທີ 4 ໄຊມອນ ລູກບ້ານດຸງ ພົບ ເພັດອາລຸນຂຸນວັງຫລວງ, ຄູ່ທີ 5 ເພັດສາຄອນ ເພັດນະຄອນ ພົບ ເພັດພັນແທ້ ປກສ, ຄູ່ທີ 6 ສຸກສາຄອນ ຂວັນໃຈ ຫລັກ 21 ພົບ ບິກວັນ ສໍຊຽງສານຝັນ.

error: Content is protected !!