ຈີນປະກາດຕອບໂຕ້ຖ້າອາເມລິກາ ເກັບພາສີຮອບໃໝ່

- advert banner 728 90 728x90 - ຈີນປະກາດຕອບໂຕ້ຖ້າອາເມລິກາ ເກັບພາສີຮອບໃໝ່

ກະຊວງ​ຕ່າງປະ​ເທດ​ຈີນ ຖະ​ແຫລ​ງ​ໃນ​ວັນ​ທີ 10 ກັນຍາ​ວ່າ: ຈີນ​ຈະ​ຕອບ​ໂຕ້ ຖ້າ​ອາ​ເມ​ລິ​ກາດຳ​ເນີນ​ມາດ​ຕະການ​ທາງ​ພາສີ​ຄັ້ງ​ໃໝ່, ພາຍຫລັງ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ກ່າວ​ໃນ​ວັນ​ທີ 7 ກັນຍາ​ວ່າ: ພ້ອມ​ເກັບ​ພາສີ​ສິນຄ້າ​ນຳ​ເຂົ້າຈາ​ກຈີນ​ທັງ​ໝົດ.

- new3 - ຈີນປະກາດຕອບໂຕ້ຖ້າອາເມລິກາ ເກັບພາສີຮອບໃໝ່

​ໂຄສົກ​ກະຊວງ​ຕ່າງປະ​ເທດ​ຈີນ​ຕອບ​ຂໍ້​ຊັກ​ຖາມ​ເລື່ອງ​ຄຳ​ກ່າວ​ຂອງ​ຜູ້ນຳ​ອາ​ເມ​ລິ​ກາ ລະຫວ່າງ​ການ​ຖະ​ແຫລ​ງຂ່າວ​ຕາມ​ປົກກະຕິ ​ໃນ​ວັນ​ທີ 10 ກັນຍາ​ວ່າ: ຖ້າ​ອາ​ເມ​ລິ​ກາ​ຢືນຢັນ​ປະຕິບັດ​ຕາມ​ແນວທາງ​ຂອງ​ຕົນ ​ແລະ ​ເກັບ​ພາສີ​ຄັ້ງ​ໃໝ່​ກັບ​ຈີນ, ຈີນ​ກໍ​ຫລີກ​ເວັ້ນບໍ່​ໄດ້​ທີ່​ຈະ​ຕ້ອງ​ດຳ​ເນີນ​ມາດ​ຕະການ​ຕອບ​ໂຕ້ ​ເພື່ອ​ປົກ​ປ້ອງ​ສິດ​ອັນ​ຊອບ​ທຳ​ຂອງ​ຈີນ​ຢ່າງ​ແຂງ​ແກ່ນ.

ທັງ​ນີ້, ນັບ​ແຕ່​ເດືອນ​ກໍລະກົດ​ປີ​ນີ້, ອາ​ເມ​ລິ​ກາ ​ແລະ ຈີນ ​ເກັບ​ພາສີ​ຕອບ​ໂຕ້​ກັນ​ໄປ​ແລ້ວ​ຝ່າຍ​ລະ 50.000 ລ້ານ​ໂດ​ລາ​ສະຫະລັດ, ຕໍ່​ມາ​ເດືອນ​ຜ່ານ​ມາ ຈີນ​ໄດ້​ເປີດ​ເຜີຍ​ລາຍການ​ສິນຄ້າອາ​ເມ​ລິ​ກາ 5.207 ລາຍການ ມູນ​ຄ່າ 60.000 ລ້ານ​ໂດ​ລາ​ສະຫະລັດ ທີ່​ຈະ​ຖືກ​ເກັບ​ພາສີ 5-25% ຖ້າ​ອາ​ເມ​ລິ​ກາ​ເກັບ​ພາສີ 10-25% ກັບ​ສິນຄ້າ​ຈີນ​ອີກ 200.000 ລ້ານ​ໂດ​ລາ​ສະຫະລັດ.

- lattana 1 - ຈີນປະກາດຕອບໂຕ້ຖ້າອາເມລິກາ ເກັບພາສີຮອບໃໝ່

ຈີນ​​ເກັບ ຫລື ສະ​ເໜີ​ຈະ​ເກັບ​ພາສີ​ສິນຄ້າ​ອາ​ເມ​ລິ​ກາ​ທັງ​ໝົດ 110.000 ລ້ານ​ໂດ​ລາ​ສະຫະລັດ ຄວບ​ຄຸມ​ສິນຄ້າ​ນຳ​ເຂົ້າຈາກ​ອາ​ເມ​ລິ​ກາ​ເກືອບ​ທັງ​ໝົດ ຍົກ​ເວັ້ນນ້ຳມັນ​ດິບ ​ແລະ ​ເຮືອບິນ​ຂະໜາດ​ໃຫຍ່. ຂະນະ​ທີ່ ປະທານາທິບໍດີ ທຣຳ ຂູ່​ໃນ​ວັນ​ທີ 7 ກັນຍາ​ວ່າ: ອາດ​ຈະ​ເກັບ​ພາສີ​ສິນຄ້າ​ຈີນ​ອີກ 267.000 ລ້ານ​ໂດ​ລາ​ສະຫະລັດ ​ເຊິ່ງຈະ​ລວມທັງ​ໂທລະສັບ​ມື​ຖື ສິນຄ້າ​ນຳ​ເຂົ້າຫລາຍ​ທີ​່ສຸດ​ຈາກ​ຈີນທີ່​ຍັງ​ບໍ່​ຖືກ​ເກັບ​ພາສີ ຖ້າ​ອາ​ເມ​ລິ​ກາ​ປະຕິບັດ​ແທ້ ​ເທົ່າ​ກັບ​ສິນຄ້າ​ຈີນ​ຈະ​ຖືກ​ເກັບ​ພາສີ​ທັງ​ໝົດ 517.000 ລ້ານ​ໂດ​ລາ​ສະຫະລັດ ຫລາຍ​ກວ່າ​ທີ່​ອາ​ເມ​ລິ​ກາ​ນຳ​ເຂົ້າຈາກຈີນ​ລວມ 505.000 ລ້ານ​ໂດ​ລາ​ສະຫະລັດ​ໃນ​ປີ​ກ່ອນ.

error: Content is protected !!