ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ

- 042509 2018 - ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ
- Untitled design - ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ

ສີຂອງແຂ້ວຈະຄ່ອຍໆປ່ຽນໄປຕາມທຳມະຊາດຂອງການໃຊ້ງານ ຈາກສີຂາວກາຍເປັນສີເຫລືອງທີ່ເຂັ້ມຂຶ້ນ ເພາະອາຫານ ບາງຊະນິດທີ່ເຮົາກິນເຂົ້າໄປໃນແຕ່ລະມື້ຈະຖິ້ມຄາບສີໄວ້ກັບແຂ້ວເຊັ່ນ : ຊາ, ກາເຟ, ຢາສູບ ແລະ ອື່ນໆ ຫລື ອາດລວມໄປເຖິງການດູແລຮັກສາຄວາມສະອາດໃນຜົ້ງປາກບໍ່ດີ ກໍເປັນສາເຫດຂອງແຂ້ວເຫລືອງໄດ້ເຊັ່ນກັນ.

ເຮົາສາມາດກຳຈັດແຂ້ວເຫລືອງດ້ວຍວິທີງ່າຍໆ ແລະ ປອດໄພໄດ້ດັ່ງນີ້ :

     – ຂູດຫີນປູນ : ຢ່າງໜ້ອຍປີລະ 2 ເທື່ອ ເພາະບາງຄາບເສດອາຫານທີ່ເຮົາເຮັດຄວາມສະອາດໄດ້ບໍ່ເຖິງ ອາດແຂງໂຕກາຍເປັນຫີນປູນ ແລະ ຖິ້ມຄາບສີເຫລືອງໆໄວ້ກັບແຂ້ວຂອງເຮົາ ດັ່ງນັ້ນເຮົາຈຶ່ງຄວນຂູດມັນອອກເພື່ອກຳຈັດແຂ້ວເຫລືອງ.

     – ຜັດຖູແຂ້ວ : ດ້ວຍວັດຖຸດິບຈາກທຳມະຊາດ ເຊັ່ນ : ເກືອ, ໝາກນາວ, ເປືອກກ້ວຍແລະອື່ນໆ ເພາະວັດຖຸດິບເຫລົ່ານີ້ສາມາດ ຊ່ວຍກຳຈັດຄາບສິ່ງເປິເປື້ອນທີ່ຈັບຢູ່ເທິງແຂ້ວໃຫ້ຫລຸດອອກໄດ້, ຊ່ວຍໃຫ້ແຂ້ວຂາວສົດໃສຂຶ້ນ, ແຕ່ບໍ່ຄວນຜັດຖູແຂ້ວແຮງຈົນເກີນໄປ ເພາະອາດທຳລາຍຊັ້ນເຄືອບແຂ້ວໃຫ້ເກີດຄວາມເສຍຫາຍໄດ້.

     – ຟອກສີແຂ້ວ : ປະຈຸບັນມີໃຫ້ ເລືອກໄດ້ 2 ແບບ ຄື : ແບບທີ່ໃຫ້ ທັນຕະແພດເຮັດໃຫ້ຢູ່ຄລີນິກ ຫລື ແບບທີ່ຊື້ກັບມາເຮັດເອງຢູ່ເຮືອນ ວິທີນີ້ເປັນວິທີທີ່ນິຍົມທີ່ສຸດ ເພາະເຫັນຜົນໄດ້ໃນເວລາພຽງ 30 ນາທີ ເຊິ່ງການຟອກສີແຂ້ວນັ້ນຈະມີສານຊ່ວຍດູດຊຶມທາດບາງຊະນິດທີ່ໃຫ້ສີເຫລືອງແກ່ແຂ້ວອອກມາເຮັດໃຫ້ແຂ້ວຂອງເຮົາຂາວສົດໃສຂຶ້ນໄດ້ທັນທີ.

- Wave100S AD to Website 2020 0 - ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ

ຈະເຫັນໄດ້ວ່າເຮົາສາມາດກຳຈັດແຂ້ວເຫລືອງໄດ້ຢ່າງບໍ່ຍາກຕາມວິທີຂ້າງເທິງ, ແຕ່ແນວໃດກໍຕາມ ເມື່ອເຮົາກຳຈັດແຂ້ວເຫລືອງໄດ້ແລ້ວ ກໍຄວນຫລີກເວັ້ນການກິນອາຫານທີ່ມີສ່ວນປະສົມຂອງກາເຟອີນ ເຊັ່ນ : ຊາ ແລະ ກາເຟ ລວມເຖິງຫລີກເວັ້ນການສູບຢາ ເພາະສິ່ງເຫລົ່ານີ້ເປັນຕົ້ນເຫດຂອງການເກີດຄາບເຫລືອງເທິງແຂ້ວ. ນອກຈາກຫລີກເວັ້ນສາເຫດຂອງແຂ້ວເຫລືອງແລ້ວ ເຮົາຍັງຕ້ອງເອົາໃຈໃສ່ໃນເລື່ອງຂອງການຮັກສາຄວາມສະອາດພາຍໃນຜົ້ງປາກຄຽງຄູ່ໄປນຳ ເປັນຕົ້ນແມ່ນຖູແຂ້ວມື້ລະ ຢ່າງໜ້ອຍ 2 ເທື່ອ ຫລື ຖູແຂ້ວທຸກຄັ້ງຫລັງຈາກກິນອາຫານແລ້ວ ທັງນີ້ກໍເພື່ອຮັກສາຄວາມສະອາດ, ປ້ອງກັນເສດອາຫານຕິດຢູ່ແຂ້ວ ອັນເປັນຕົ້ນເຫດທີ່ເຮັດໃຫ້ເກີດກິ່ນປາກທີ່ບໍ່ເພິງປະສົງ ແລະ ເປັນຜົນເຮັດໃຫ້ເກີດແຂ້ວເຫລືອງໄດ້ໃນເວລາບໍ່ດົນ.

- WhatsApp Image 2020 05 27 at 5 - ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ
- WhatsApp Image 2020 05 27 at 5 - ວິທີກຳຈັດແຂ້ວເຫລືອງໃຫ້ກັບມາຂາວສະອາດສົດໃສ
error: Alert: ເນື້ອຫາຂ່າວມີລິຂະສິດ !!