ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ

- 26e1fefe 09c2 427b 94ae dc122a86567b - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ
- Untitled design - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ

- 26e1fefe 09c2 427b 94ae dc122a86567b - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ

ປັດຈຸບັນ, ການ​ປະຕິບັດ​ຄຳ​ຂັວນ 6 ສ ທີ່ນະຄອນຫລວງ​ວຽງຈັນວາງ​ອອກ​ແມ່ນ​ກຳລັງ​ດຳ​ເນີນ​ຢ່າງ​ຂຸ້ນຂ້ຽວ, ​ເພື່ອ​ເຮັດ​ໃຫ້ນະຄອນຫລວງ​ວຽງຈັນ​ເປັນ​ເມືອງ​ທີ່ໜ້າຢູ່ ​ແລະ ​ເປັນ​ໃຈກາງ​ທາງ​ດ້ານ​ເສດຖະກິດ-ສັງຄົມ ຂອງ​ປະ​ເທດ, ໂດຍ​ສະ​ເພາະ​ແມ່ນ ສ ສະຫວ່າງ ທີ່​ເປັນວຽກງານໜຶ່ງທີ່​ຍັງ​ບໍ່ທັນ​ສຳ​ເລັດ​ຕາມ​ຄາດໝາຍ, ​ເສັ້ນທາງ​ຫລາຍ​ເສັ້ນ​ຍັງ​ບໍ່ມີ​ໄຟ​ເຍືອງ​ທາງ, ອັນໄດ້ສ້າງຄວາມຫຍຸ້ງຍາກໃຫ້ແກ່ການສັນຈອນໄປມາຂອງຜູ້ໃຊ້ລົດໃຊ້ຖະໜົນ ກໍ່ໃຫ້ເກີດມີຄວາມສ່ຽງສູງຕໍ່ບັນຫາອຸປະຕິເຫດ ແລະ ອາຊະຍາກຳໃນເສັ້ນທາງດັ່ງກ່າວ, ດັ່ງຢູ່ເສັ້ນທາງໜອງບຶກແຕ່ 3 ແຍກທາງ 13 ເໜືອຕັດອອກໜອງພະຍາ-ນາທົ່ມ, ເສັ້ນທາງໜອງບຶກ-ໜອງບົວທອງ-ດົງປາແລບ ແລະ ບ່ອນອື່ນໆ ເຫັນວ່າຍັງຂາດໄຟເຍືອງທາງ, ດັ່ງ​ເມື່ອ​ບໍ່ດົນ​ມານີ້ ​ໄດ້​ມີ​ປະຊາຊົນ​ແຈ້ງ​ມາ​ຍັງໜັງສື​ພິມ​ລາວ​ພັດທະນາ ກ່ຽວກັບ​ສະພາບ​ໄຟ​ເຍືອງ​ທາງຢູ່​ເຂດ​ບ້ານໜອງບົວທອງ​ໃຕ້ ຕັດ​ໄປ​ສູ່​ໄຟ​ແດງ​ບ້ານດົງ​ປ່າ​ແລບ, ​ເມືອງຈັນທະ​ບູລີນະຄອນຫລວງ​ວຽງຈັນ, ຕົກຢູ່ໃນສະພາບ​ມືດ ​ເຖິງ​ມີດ​ອກ​ໄຟ​ເຍືອງ​ທາງ​ແຕ່​ກໍ​ບໍ່​ໄດ້​ເປີດ​ນຳ​ໃຊ້ ​ແລະ ​ເຮັດ​ໃຫ້​ກຸ່ມ​ຄົນ​ບໍ່ດີ​ສວຍ​ໂອກາດ​ກໍ​ເຫດ​ປຸ້ນ-ຈີ້, ຊີງ​ຊັບ ​ເປັນ​ປະກົດ​ການ​ຫຍໍ້​ທໍ້​ໃນ​ສັງຄົມ.

- Wave100S AD to Website 2020 0 - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ

ຕໍ່ກັບ​ສະພາບດັ່ງກ່າວ, ​ເມື່ອ​ບໍ່ດົນ​ມານີ້, ທ່ານ ສົມ​ຈັນ ພິລາ​ລົມ ຮອງ​ຫົວໜ້າຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ ​ໄດ້​ໃຫ້​ສຳພາດ​ຕໍ່ສື່​ມວນ​ຊົນ​ວ່າ: ການ​ຄຸ້ມ​ຄອງ​ບຳລຸງຮັກ​ສາ​ໄຟ​ເຍືອງ​ທາງ ທີ່ນໍາ​​ໃຊ້​ມາ​ແຕ່​ປີ 2002 ​ແລະ ນັບ​ແຕ່​ປີ 2012 ທາງຫ້ອງການ​ຄຸ້ມ​ຄອງ​ບໍລິຫານ​ຕົວ​ເມືອງ​ວຽງຈັນ ​ໄດ້​ມອບ​ໃຫ້ ​ໄຟຟ້າ​ລາວຄຸ້ມ​ຄອງ​ບຳລຸງ​ຮັກສາຕໍ່, ​ໂດຍ​ປັດຈຸບັນ​ມີ 45 ​ເສັ້ນທາງ, ​ແນວ​ໃດ​ກໍ​ດີມີ 13 ​ເສັ້ນທາງ​ຂະຫຍາຍ​ໃຫມ່ ​ແລະ ​ໄຟຟ້າ​ລາວ​ບໍ່ທັນ​ໄດ້​ຮັບ​ຄຸ້ມ​ຄອງ​ເທື່ອ, ນອກ​ນັ້ນ​ຍັງ​ຮັບຜິດຊອບ​ໄຟ​ອຳນາດ 58 ຈຸດ, ພາຍຫລັງ​ການ​ບໍລິຫານ​ຄຸ້ມ​ຄອງ ນີ້​ເຫັນວ່າ: ລະບົບ​ໄຟ​ເຍືອງ​ທາງ​ແມ່ນ​ໃຊ້​ມາ​ດົນ, ​ເຊິ່ງກາຍ​ກຳນົດ​ໄລຍະ​ການ​ນຳ​ໃຊ້​ອາຍຸ​ການ​ປະມານ 10 ປີ​ຕ້ອງ​ໄດ້​ປ່ຽນຖ່າຍ, ​ເຮັດ​ໃຫ້​ມີ​ການ​ກິນ​ໄຟ​​ເປັນ​ຈຳນວນ​ຫລາຍ, ສະ​ເລ່ຍຊົມ​ໃຊ້ 1 ​ເດືອນ​ຫລາຍ​ກ່ວາ 5 ຮ້ອຍລ້ານ​ກີບ, ດັ່ງ​ນັ້ນ ປັດຈຸບັນ ທາງ​ໄຟຟ້າ​ລາວ ກໍກຳລັງ​ເລັ່ງປ່ຽນຖ່າຍ​ດອກ​ໄຟ​ຈາກ​ດອກ​ໂຊດຽມ 250 ​W ມາ​ເປັນ​ດອກ​ໄຟ LED 100 W, ​ເພື່ອ​ປະຢັດ​ພະລັງງານລົງ, ຊຶ່ງ ສຳ​ເລັດ​ປ່ຽນຖ່າຍ​ແລ້ວປະມານ 30%, ນອກ​ນີ້, ຜ່ານ​ມາກໍ​ມີ​ຄົນ​ບໍ່ດີ​ລັກ​ຕັດ​ສາຍ​ໄຟ​ເຍືອງ​ທາງ ​ແລະ ອຸປະກອນ​ຂອງ​ຕູ້​ບັງຄັບ​ໄຟ ​ເຮັດ​ໃຫ້ໄຟເຍືອງທາງຢູ່​​ບາງ​ເສັ້ນທາງ​​ໃຊ້​ການບໍ່​ໄດ້, ແຕ່​ແນວ​ໃດ​ກໍ​ດີ, ​ເພື່ອ​ປະຕິບັດຄຳ​ຂັວນ 6 ສ ​ໂດຍ​ສະ​ເພາະ ສ ສະຫວ່າງ ​ໃຫ້​ປາກົດ​ຜົນ​ເປັນ​ຈິງ ​ໄຟຟ້າ​ລາວ​ກຳລັງ​ຂຸ້ມ​ຂຽວສ້ອມ​ແປງ ​ແລະ ປ່ຽນຖ່າຍ​ດອກ​ໄຟ​ໃຫ້​ສຳ​ເລັດ​ໂດຍ​ໄວ ​ເພື່ອ​ຮັບປະກັນ​ໃຫ້​ຜູ້​ທຽວທາງ​ມີ​ຄວາມ​ປອດ​ໄພ.

- WhatsApp Image 2020 05 27 at 5 - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ
- WhatsApp Image 2020 05 27 at 5 - ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ
error: Alert: ເນື້ອຫາຂ່າວມີລິຂະສິດ !!