ຕົວເລກການເຕີບໃຫຍ່ຂອງ GDP ຈີນ ຂະຫຍາຍຕົວຊ້າໃນໄຕມາດສາມ

- advert banner 728 90 728x90 - ຕົວເລກການເຕີບໃຫຍ່ຂອງ GDP ຈີນ ຂະຫຍາຍຕົວຊ້າໃນໄຕມາດສາມ

ລວມຍອດ​ຜະລິດ​ຕະພັນ​ພາຍ​ໃນ​ຂອງ​ຈີນ​ໃນ​ໄຕ​ມາດ​ທີ​ສາມ​ຂອງ​ປີ​ນີ້​ເຕີບ​ໃຫຍ່​ໃນ​ອັດຕາ 6,5% ​ເຖິງ​ວ່າ​ “ຍັງ​ຢູ່​ໃນ​ເກນ” ຂອງ​ລັດຖະບານ, ​ແຕ່​ຖື​ວ່າ​ໜ້ອຍ​ທີ່​ສຸດ​ນັບ​ແຕ່​ໄຕ​ມາ​ດທຳ​ອິດ​ຂອງ​ປີ 2009.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ສະຖິຕິ​ແຫ່ງ​ຊາດ​ຂອງ​ຈີນ (NBS) ອອກ​ຖະ​ແຫລ​ງການ​ກ່ຽວ​ກັບ​ສະຖານະ​ການ​ທາງ​ເສດຖະກິດ​ຂອງ​ປະ​ເທດ​ໃນ​ໄຕ​ມາດ​ທີ​ສາມ​ຂອງ​ປີ​ນີ້ວ່າ: ລວມຍອດ​ຜະລິດ​ຕະພັນ​ພາຍ​ໃນ (GDP) ຂະຫຍາຍຕົວ​ໃນ​ອັດຕາ 6,5% ​ເມື່ອ​ທຽບ​ໃສ່​​ແຕ່ລະ​ປີ ຫລຸດ​ລົງ​ຈາກ​ໄຕ​ມາດ​ທຳ​ອິດ ​ແລະ ​ໄຕ​ມາດ​ທີ​ສອງ​ຂອງ​ປີ​ນີ້ ​ເຊິ່ງບັນລຸ 6,8% ​ແລະ 6,7% ຕາມ​ລຳດັບ, ສ່ວນ​ຄ່າ​ສະ​ເລ່ຍຂອງ GDP ​ໃນ 3 ​ໄຕ​ມາດ​ບັນລຸ 6,7%.

- 1 1 - ຕົວເລກການເຕີບໃຫຍ່ຂອງ GDP ຈີນ ຂະຫຍາຍຕົວຊ້າໃນໄຕມາດສາມ
- lattana 1 - ຕົວເລກການເຕີບໃຫຍ່ຂອງ GDP ຈີນ ຂະຫຍາຍຕົວຊ້າໃນໄຕມາດສາມ

​ເຖິງ​ວ່າ​ສະຖິຕິ GDP ຂອງ​ໄຕ​ມາດ​ທີ​ສາມ​ປະຈຳ​ປີ​ນີ້​ຍັງ​ຖື​ວ່າ​ເປັນ​ໄປ​ຕາມ​ເປົ້າໝາຍ​ຂອງ​ລັດຖະບານ ຄື​ຕ້ອງການ​ໃຫ້​ເສດຖະກິດ​ຂອງ​ຈີນ​ໃນ​ປີ​ນີ້​ຂະຫຍາຍຕົວ “ປະມານ 6,5%” ​ແຕ່​ຖື​ເປັນ​ສະຖິຕິ​ການ​ເຕີບ​ໃຫຍ່​ທາງ​ເສດຖະກິດ​ລາຍ​ໄຕ​ມາດ​ຕໍ່າ​ທີ່​ສຸດ ນັບ​ແຕ່​ໄຕ​ມາດ​ທຳ​ອິດ​ຂອງ​ປີ 2009 ​ເຊິ່ງ​ເປັນ​ໄລຍະ​ທີ່​ວິ​ກິດ​ການ​ເງິນ​ໂລກ​ມີ​ຄວາມ​ຮຸນ​ແຮງ​ທີ່​ສຸດ.

error: Content is protected !!