ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ

- 554777 - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ
- Untitled design - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ

ໂດຍ: ທິດກ່ຳ      

ບັນຫາການບໍລິການຂາຍນ້ຳມັນໃນແຕ່ລະປ້ຳຢູ່ບ້ານເຮົາ ປັດຈຸບັນທິດກ່ຳເຫັນວ່າມີອັນ ແຕກຕ່າງກັນໄປຫລາຍແງ່ ຫລາຍມູມ ແລະ ຫລາຍຮູບແບບ.

ເຜີຍແຜ່ຄວາມຮູ້ສະກັດກັ້ນ ແລະ ຕ້ານອັກຄີໄພໃຫ້ຜູ້ປະກອບການປ້ຳນ້ຳມັນໃນແຂວງບໍລິຄຳໄຊ2017/

ມີຫລາຍປັດໄຈພາໃຫ້ລາຄາ​ນ້ຳມັນເຊື້ອໄຟເໜັງ​ຕິງ2018/

ຍ້ອນວ່າເທົ່າທີ່ເຫັນຕົວ ຈິງບາງປ້ຳກໍເຖິງຂັ້ນປິດກິດ ຈະການ, ບາງປ້ຳເບິ່ງພາບລວມ ກໍຍັງພໍໄປພໍມາ ແລະ ບາງປ້ຳ ກໍສົດໄສໄປໃນທາງທີ່ດີທັງມີ ຫລາຍສີສັນໃຫ້ລູກຄ້າໄດ້ ເລືອກໃຊ້ບໍລິການຕາມອັດທະ ຍາໄສຄືນອກຈາກຂາຍນ້ຳມັນ ໂດຍກົງແລ້ວຍັງມີຮ້ານຄ້າ, ຮ້ານກິນດື່ມ, ມີທັງຫ້ອງສຸຂາ ທີ່ມາດຕະຖານສະອາດສະ ອ້າງໃຫ້ລູກຄ້າໄດ້ແວ່ຊື້ສິ່ງ ຂອງ, ແວ່ພັກເຊົາດື່ມກາເຟ ໃຫ້ຫາຍເມື່ອຍຜ່ອນຄາຍອາ ລົມໃນເວລາເດີນທາງໄກ ຫລື ບໍ່ກໍພໍມີ ບ່ອນປົດທຸກໃນເວລາ ອາການອັນຈຳເປັນມັນມາ ຮອດມາເຖິງ.
ນີ້ຄືສິ່ງທີ່ໄດ້ສຳພັດຕົວຈິງ ແລະ ໄດ້ເຫັນທຸລະກິດຂາຍ ນ້ຳມັນຢູ່ບ້ານເຮົາບໍ່ວ່າຢູ່ນະຄອນ ຫລວງວຽງຈັນກໍຄືເດີນທາງ ໄປທາງເໜືອ, ທາງໃຕ້ກໍຂ້ອນ ຂ້າງເຫັນລັກສະນະ ຄ້າຍຄືກັນ.

ນອກຈາກບັນຫາທີ່ໄດ້ ກ່າວມາຂ້າງເທິງນີ້ແລ້ວ, ບາງ ປ້ຳກໍມັກໄດ້ຍິນຫາງສຽງບໍ່ ຄ່ອຍມ່ວນຫູຍ້ອນຄວາມບໍ່ໂປ່ງ ໃສໃນການບໍລິການຂາຍໂດຍ ຜູ້ຂາຍໃຊ້ວິທີກິນຫົວຜູ້ໄປໃຊ້ ບໍລິການດ້ວຍຮູບການຕ່າງໆ ນາໆ ສຸດແລ້ວແຕ່ກາລະໂອ ກາດ ແລະ ຊ່ອງຫວ່າງ, ຊ່ອງ ໂວ່ຂອງພະນັກງານຂາຍຫລາຍ ອັນຫລາຍຢ່າງເຊັ່ນວ່າ:ໃນ ເວລາມີຄົນໄປໃຊ້ບໍລິການຖ້າ ລູກຄ້າທ່ານໃດບໍ່ສົນໃຈຕິດ ຕາມກົງເຕີໄປນຳມົວເມົາແຕ່ ເພີນໄປທາງອື່ນກໍມີຫວັງຖືກ ພະນັກງານຂາຍນ້ຳມັນໂກງ ບັງພັນແບບ ຕາຫລັກໄດ້ຕາໄບ້ ເສຍທັນທີ ແລະ ຕໍ່ກໍລະນີນີ້, ມີຫລາຍຄົນເຄີຍຍົກມາເປັນ ປະເດັນ ທີ່ໄດ້ປະສົບພົບພໍ້ເອົາ ມາເວົ້າມາວ່າ ຕາມກະແສສັງ ຄົມ ຫລື ແມ່ນແຕ່ກະທັ້ງຢູ່ໃນ ສະພາກາເຟກໍເຄີຍໄດ້ຍິນມາ ແລ້ວຫລາຍຕໍ່ຫລາຍ.

ຕໍ່ປະກົດການຫຍໍ້ທໍ້ທີ່ວ່າ ມານີ້ອາດເປັນຍ້ອນພະນັກ ງານຂາຍນ້ຳມັນໂກງກິນເຈົ້າ ຂອງປ້ຳ ຫລື ອາດເປັນນຳເຈົ້າ ຂອງປ້ຳເຮັດແບບໄກ່ເຫັນຕີນ ງູ, ງູກໍເຫັນຕີນໄກ່ພາກັນຫົວ ໄສພ້ອມກັນເຮັດໃນເຊີງທຸລະ ກິດເຫັນແຕ່ຜົນໄດ້, ຕໍ່ປະກົດ ການຫຍໍ້ ທໍ້ທີ່ວ່າ ນີ້ກໍຍັງບໍ່ທັນ ມີຜູ້ໃດກ້າອອກມາເປີດເຜີຍ ຫລືຕຳນິວິຈານກັນແບບອອກໜ້າອອກຕາແຕ່ກໍ ເຊື່ອແນ່ວ່າ ມີຫລາຍຄົນຕົກຢູ່ໃນກໍລະນີນີ້, ມາຫລາຍລາຍແລ້ວ.

- Wave100S AD to Website 2020 0 - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ

ໃນອາທິດຜ່ານມາ, ທິດ ກ່ຳ ໄດ້ລົງໄປແຖວໃຕ້ເຂດ ບ້ານ ນ້ຳທອນໄດ້ແວ່ໃສ່ນ້ຳມັນຢູ່ທີ່ ປ້ຳ ບ້ານດັ່ງກ່າວມາຫລາຍ ຄັ້ງໄດ້ເຫັນຄວາມຮັບຜິດຊອບ ຂອງພະນັກງານຂາຍ ນ້ຳມັນ ບໍ່ຄ່ອຍເອົາໃຈໃສ່ຕໍ່ໜ້າທີ່ການ ບໍລິການຂອງປ້ຳເທົ່າທີ່ຄວນ ຕົວຢ່າງວ່າ: ເວລາເຮົາພວມ ແລ່ນລົດເຂົ້າໄປຈະໃສ່ນ້ຳມັນ ແທນທີ່ເພິ່ນຕ້ອງໄດ້ໂບກມືສັນ ຍານເພື່ອອຳນວຍຄວາມສະ ດວກແກ່ລູກຄ້າວ່າ ໃຫ້ຈອດ ຈຸດໃດ, ຕູ້ໃດເພິ່ນພັດຍັງນັ່ງກົ້ມ ໜ້າຫລິ້ນໂທລະສັບເສີຍໆ ຢູ່ ແຕ່ພໍລົດຈອດປັບເພິ່ນຈິ່ງລຸກ ຈາກບ່ອນແລ້ວກໍຊີ້ໃຫ້ເຮົາຖອຍ ລົດໄປຈອດຢູ່ຕູ້ອື່ນອັນເປັນການ ລຳຄານຕໍ່ຜູ້ໄປໃຊ້ບໍລິການ.

ນອກຈາກທີ່ກ່າວມານີ້ ແລ້ວ, ກໍສັງເກດເຫັນໃນເວລາ ປີບຫົວສິດກໍຄ່ອຍໆປີບ, ປີບບໍ່ ຈຳເຄິກເມື່ອສັງເກດເຫັນເຮົາ ຕິດຕາມຫລາຍ ຈຶ່ງທຳທ່າປິບ ຈຳແລ້ວກໍຍ່າງໜີໄປທາງອື່ນ ຈົນກວ່າມັນຕັດເອງ.

ນີ້ຄືບາງປະກົດການທີ່ ທິດກ່ຳເຫັນມາຫລາຍຄັ້ງສຳ ລັບປ້ຳນ້ຳມັນຢູ່ບ້ານນີ້ເພາະ ມັກໄປໆມາໆຫລາຍຄັ້ງໃນເຂດນັ້ນ, ສ່ວນວ່າຄ່ານ້ຳມັນທີ່ໄດ້ ເຕີມເພີ່ມຕື່ມເຕັມຖັງນັ້ນກໍເພີ່ມ ຂຶ້ນຈົນຕົກສະເງີ້ຜິດປົກກະຕິ ທັງໆທີ່ໄລຍະທາງສ່ຳເກົ່າ, ລົດ ຄັນເກົ່າ ແລະ ທຽບໃສ່ປ້ຳອື່ນ ທີ່ເຄີຍໃຊ້ບໍລິການມັນກໍບໍ່ເປັນ ຄືພາບແບບນີ້.

ແນວໃດກໍຕາມ, ການທີ່ຍົກ ບັນຫາ ນີ້ຂຶ້ນມາກໍເພື່ອເປັນອຸ ຫາຫອນກໍຍ້ອນວ່າປີນີ້ ເປັນ ປີທ່ອງທ່ຽວແຂກໄປໄທມາຖ້າ ເຫັນສະພາບການບໍລິການບໍ່ດີ ຫລາຍຄົນກໍຈະເສຍຄວາມຮູ້ ສຶກບໍ່ຫລາຍກໍໜ້ອຍ.

ດີແທ້ເຈົ້າຂອງປ້ຳຄວນ ໄດ້ຕິດຕາມ, ຕັກເຕືອນ, ທັງມີ ກົດລະບຽບ, ມີຂໍ້ບັງຄັບສຶກສາ ອົບຮົມຈັນຍາບັນຂອງພະນັກ ງານປ້ຳຢ່າງເຄັ່ງຄັດຖ້າບໍ່ດັ່ງ ນັ້ນ ເຂົາກໍຈະວ່າພວກເຮົາບໍ່ມີ ການພັດທະນາ, ການບໍລິການ ບໍ່ດີນັບທັງບໍ່ມີຄວາມໂປ່ງໃສ, ໄຮ້ຜູ້ໃຊ້ບໍລິການສຸດທ້າຍມາ ທຸລະກິດຂາຍນ້ຳມັນກໍເຈັ້ງໄປ ໃນຕົວຕາມວ່າ!./.

- 554777 - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ
(ພາບປະກອບ)
- WhatsApp Image 2020 05 27 at 5 - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ
- WhatsApp Image 2020 05 27 at 5 - ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ
error: Alert: ເນື້ອຫາຂ່າວມີລິຂະສິດ !!