ມາດຣິດ ປະກາດປ່ຽນຜູ້ຈັດການທີມຄົນໃໝ່ ຫລັງເສຍໃຫ້ ບາເຊໂລນາ 1-5

ສະໂມສອນ ຣີລ ມາດຣິດ ປະກາດປົດ ຍູເລນໂລເປເຕກີ ອາຍຸ 52 ປີ ອອກຈາກຕໍາແໜ່ງຜູ້ຈັດການທີມແລ້ວ ຫລັງຈາກເຂົ້າຄຸມທີມໄດ້ພຽງ 3 ເດືອນ ໂດຍນັດຫລ້າສຸດທີ່ເສຍໃຫ້ ເອລາຊີໂກ້ ແລະ ທີມຄູ່ຮັກຄູ່ແຄ້ນ ບາເຊໂລນາ ເຖິງຖິ່ນຂາດລອຍ 1-5 ໃນທ້າຍອາທິດຜ່ານມາ.

ພ້ອມກັນນັ້ນ ມາດຣິດ ຍັງໄດ້ປະກາດແຕ່ງຕັ້ງຜູ້ຈັດການທີມຄົນໃໝ່ ຊານຕິອາໂກ້ ໂຊລາຣີ ອະດີດນັກເຕະສະໂມສອນ ຣີລ ມາດຣິດ  ແລະ ທີມຊາດອາເຈນຕິນາ ປັດຈຸບັນອາຍຸ 42 ປີເຂົ້າມາຄຸມທີມ.