ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ

ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ - Untitled design - ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ

ໂດຍ: ທິດກ່ຳ     

ໃນປະໂຫຍກທີ່ທິດກ່ຳ ໄດ້ ນຳເອົາມາເປັນກະທູ້ຂ້າງເທິງ ນີ້, ແມ່ນໄດ້ຍິບຍົກເອົາມາຈາກ ເນື້ອໃນກອງປະຊຸມຂອງຄະນະລັດຖະບານປະຈຳເດືອນຕຸລາ ໂດຍແມ່ນທ່ານ ນາຍົກລັດຖະ ມົນຕີ ທອງລຸນ ສີສຸລິດ ເປັນ ປະທານ ແລະ ທັງໄດ້ແນະນຳ ໃຫ້ຜູ້ເຂົ້າຮ່ວມໃນຄະນະລັດ ຖະບານຈົ່ງພ້ອມກັນນຳເອົາ ເນື້ອໃນຈິດໃຈຂອງກອງປະຊຸມ ດັ່ງກ່າວໄປຈັດຕັ້ງປະຕິບັດໃນ ເດືອນພະຈິກ ແລະ ໃນຕໍ່ໜ້າໃຫ້ ເກີດດອກອອກຜົນ, ໜຶ່ງໃນບັນ ດາໜ້າວຽກອັນສຳຄັນກໍແມ່ນ ຕ້ອງຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ.

 

ລັດຈະເພີ່ມທະວີການຄຸ້ມຄອງສື່ອອນລາຍ2018/

ຫັນສື່ອອນລາຍເປັນກະບອກສຽງສົ່ງເສີມວຽກງານໂພຊະນາການ2017/

ໃນຄວາມເປັນຈິງແລ້ວ, ຖ້າຈະຕັ້ງໂຈດກັນວ່າບັນຫາ ການຄຸ້ມຄອງນຳໃຊ້ສື່ອອນ ລາຍ ຢູ່ ປະເທດເຮົາໂດຍຜ່ານ ອິນເຕີເນັດ, ເຟສບຸກ, ຢູທູບ ແລະ ຕາມຊ່ອງອື່ນໆ ຂອງພວກເຮົາ ໃນຜ່ານມານັ້ນໄດ້ດີແລ້ວຫລື ບໍ່ ແລະ ກໍດີສ່ຳໃດ? ທິດກ່ຳ ໃນ ຖານະເປັນຄົນໃກ້ສິດຢູ່ໃນວົງ ການສື່ກໍຂໍຕອບຢ່າງຈິງໃຈວ່າ ໄດ້ດີສົມຄວນແຕ່ຍັງບໍ່ທັນດີ ອີ່ຫລີ, ອີ່ຫລໍ, ບໍ່ທັນເກ່ັງ ແລະ ກໍພວມຢູ່ໃນການພັດທະນາໃຫ້ ກ້າວໄປເລື້ອຍໆ.

ຍ້ອນຫຍັງ? ຈິ່ງວ່າແນວ ນັ້ນ? ດ້ວຍເຫດຜົນທີ່ວ່າຖ້າ ທຽບໃສ່ອາຊຽນດ້ວຍກັນພວກ ເຮົາກໍຍັງໄປຢືນຢູ່ແຖວຫລັງໝູ່.
ແນວໃດກໍຕາມ, ເມື່ອອີງ ໃສ່ ຄວາມເປັນຈິງແລ້ວ, ພັກ ແລະ ລັດຖະບານເຮົາກໍໄດ້ເອົາ ໃຈໃສ່ບັນຫານີ້ໂດຍຖືວ່າ ສື່ ອອນ ລາຍ ຫລື ວ່າສື່ໃໝ່ທີ່ພວມມາ ແຮງໃນຍຸກໂລກາພິວັດເປັນ ສ່ວນສຳຄັນທີ່ສຸດໃນພາລະກິດສ້າງສາ ແລະ ພັດທະນາປະ ເທດຊາດ.
ສິ່ງທີ່ສະແດງອອກໃຫ້ ເຫັນຄວາມເອົາໃຈໃສ່ຂອງພັກ ແລະ ລັດຖະບານເຮົາກໍຄືທາງ ກະຊວງກ່ຽວຂ້ອງເປັນຕົ້ນຄະ ນະໂຄສະນາອົບຮົມສູນກາງ ພັກ, ກະຊວງຖະແຫລງຂ່າວ ວັດທະນະ ທຳ ແລະ ທ່ອງທ່ຽວ ນັບທັງກະຊວງໄປສະນີໂທລະ ຄົມມະນາຄົມ ແລະ ການສື່ສານ ກໍໄດ້ຮ່ວມກັນຈັດການສຳມະ ນາພາຍໃຕ້ຫົວຂໍ້ “ການຄຸ້ມ ຄອງ, ນຳໃຊ້ ແລະ ພັດທະນາ ສື່ໃນໄລຍະໃໝ່” ຄັ້ງວັນທີ 24-25 ກັນຍາ ຜ່ານມາຢ່າງ ສົດໆຮ້ອນໆ.

ເຮົາຄິດວ່າ, ຜ່ານການຈັດ ສຳມະນາຄັ້ງນີ້ໃນຕໍ່ໜ້າ ແລະ ຍາວນານວົງການສື່ອອນລາຍ ໃນທຸກຂົງເຂດຢູ່ບ້ານເຮົາຈະ ກາຍເປັນກະບອກສຽງອັນ ສຳຄັນ ແລະ ແມ້ນຢຳໃນການ ນຳເອົາແນວທາງນະໂຍບາຍ ກໍຄືໝາກຜົນຂອງພາລະກິດ ການສ້າງສາພັດທະນາປະ ເທດຊາດພາຍໃຕ້ການນຳພາ ຂອງພັກ ແລະ ລັດຖະບານໄດ້ ເປັນຢ່າງດີ.

ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ - Wave100S AD to Website 2020 0 - ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ

ນອກຈາກນີ້ແລ້ວກໍຍັງ ເປັນການຕອບຕ້ານ, ຕອບໂຕ້ ແລະ ຕີຖອຍອິດທິກຳລັງປໍ ລະປັກທີ່ຍັງມີເຈດຕະນາຫັນ ປ່ຽນໂດຍສັນຕິ ແລະ ທັງຕ້ານ ບັນດາປະກົດການຫຍໍ້ທໍ້ຕ່າງໆ ທີ່ພວມເຊື່ອມຊຶມ, ແຊກແຊງ ຢູ່ພາຍໃນ ແລະ ພາຍນອກຢ່າງ ກວ້າງຂວາງ ແລະ ໜັກໜ້າ ໄປເລື້ອຍໆ.

ສະພາບປັດຈຸບັນ, ຕໍ່ຄວາມ ເປັນຈິງແລ້ວ ນັບແຕ່ມີຂະບວນ ວິວັດການຂະຫຍາຍຕົວທາງ ດ້ານເຕັກໂນໂລຊີຂອງໂລກກໍ ຄືການກຳເນີດເກີດຂຶ້ນຂອງ ສື່ໃນໄລຍະໃໝ່ໄດ້ສ້າງປັດໄຈ ແລະ ເງື່ອນໄຂໃຫ້ປະເທດຊາດ ຂອງພວກເຮົາຕ້ອງໄດ້ບຸກທະ ລຸກ້າວໄປໃຫ້ທັນກັບພາກພື້ນ ແລະ ການປ່ຽນແປງຂອງໂລກ ໄດ້ເປັນຢ່າງດີອັນສຳຄັນທີ່ສຸດ ແມ່ນໄດ້ເຮັດໃຫ້ຄົນລາວ ໃນ ທົ່ວປະເທດສາມາດເຂົ້າເຖິງ ຂໍ້ມູນຂ່າວສານຢ່າງວ່ອງໄວ ທັນໃຈ, ປະເທດຊາດກໍນັບມື້ມີ ການສ້າງສາພັດທະນາຢ່າງ ບໍ່ຢຸດຢັ້ງ.

ເຖິງຢ່າງໃດກໍດີ, ອີງໃສ່ ຄວາມຮຽກຮ້ອງຕ້ອງການ ຂອງສະພາບການໃໝ່ຢູ່ບ້ານ ເຮົາກໍຄື ການປ່ຽນແປງຂອງ ໂລກວົງການສື່ອອນລາຍເຮົາ ຍັງຕ້ອງມີການປັບປຸງ ແລະ ພັດ ທະນາ ໃນຫລາຍດ້ານເປັນຕົ້ນ ໃນດ້ານການສ້າງທຶນມະນຸດ, ສ້າງບັນດານັກຂ່າວ, ນັກຂຽນ, ນັກວິເຄາະໃຫ້ເກັ່ງ ແລະ ມີການ ແຂ່ງກັນເຮັດ, ແຂ່ງຂັນກັນທຳ ຈຶ່ງຖືວ່າພວກເຮົາມີການພັດທະ ນາຢ່າງຈິງຈັງເພາະໃນຜ່ານ ມາເຫັນວ່າພວກເຮົາເວົ້າຫລາຍ ເຮັດໜ້ອຍ, ເຮັດໜ້ອຍຢາກ ໄດ້ຫລາຍ, ນ້ຳບໍ່ຍ້ອຍຫອຍກໍ ບໍ່ໄຕ່ຈຶ່ງເປັນເຫດໃຫ້ວົງການ ສື່ຊັກຊ້າອຶດປານລົດໃສ່ນ້ຳມັນ ກາເຕົ່າ.

ເຫດເຂື່ອນແຕກຢູ່ເມືອງ ສະໜາມໄຊແຂວງອັດຕະປື ສ່ວນໜຶ່ງທີ່ເຮັດໃຫ້ພວກເຮົາ ຫາຍຍານະຍ້ອນວ່າການໃຫ້ ຂໍ້ມູນຂ່າວສານຊັກຊ້າຖືເບົາ ອັນເປັນເຫດໃຫ້ປະຊາຊົນໜີ ບໍ່ທັນ.
ເມື່ອເຫດເກີດຂຶ້ນແລ້ວ, ແຫລ່ງຂ່າວພາຍນອກພາກັນ ເວົ້າຢູ່ເປັ້ງໆວົງການຂ່າວລາວ ຈຶ່ງທະຍອຍອອກຕາມຫລັງ.
ນີ້ລະຄືສິ່ງທີ່ພິສູດຂໍ້ເທັດ ຈິງຂອງຄຳວ່າຄຸ້ມຄອງ, ນຳໃຊ້ ສື່ອອນລາຍໃຫ້ມີຜົນປະໂຫຍດ ສູງສຸດ./.

 

ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ - 25847 - ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ
(ພາບປະກອບ)
ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ - WhatsApp Image 2020 05 27 at 5 - ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ
ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ - WhatsApp Image 2020 05 27 at 5 - ຄຸ້ມຄອງນຳໃຊ້ສື່ອອນລາຍໃຫ້ມີຜົນປະໂຫຍດສູງສຸດ
error: Alert: ເນື້ອຫາຂ່າວມີລິຂະສິດ !!