ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ

ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ - 1541042514997 960x0 - ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ
ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ - Untitled design - ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ

ການກຳນົດເຂດຫ້າມບິນ ແລະ ການຫ້າມຊ້ອມຮົບໃກ້ຊາຍແດນ ສປປ ເກົາຫລີ ແລະ ສ.ເກົາຫລີ ມີຜົນແລ້ວໃນວັນທີ 1 ພະຈິກນີ້ ຕາມຂໍ້ຕົກລົງທາງທະຫານ ລະຫວ່າງທີ່ມີກອງປະຊຸມສຸດຍອດສອງເກົາຫລີໃນເດືອນກ່ອນ.

ປະທານາທິບໍດີ ມຸນ ແຈອິນ ຂອງ ສ.ເກົາຫລີ ຖະແຫລງຕໍ່ລັດຖະສະພາ ໃນວັນທີ 1 ພະຈິກວ່າ: ສ.ເກົາຫລີ ແລະ ສປປ ເກົາຫລີ ໄດ້ກຳຈັດອັນຕະລາຍເລື່ອງການປະທະທາງທະຫານສຳເລັດຮຽບຮ້ອຍແລ້ວ ຕາມຂໍ້ຕົກລົງທາງທະຫານ, ຕໍ່ຈາກນີ້ທັງສອງເກົາຫລີ ແລະ ອາເມລິກາ ຈະບັນລຸເລື່ອງການເຮັດໃຫ້ແຫລມເກົາຫລີປອດນິວເຄຼຍ ແລະ ສ້າງສັນຕິພາບແບບຍືນຍົງບົນພື້ນຖານຂອງຄວາມໄວ້ເນື້ອເຊື່ອໃຈກັນ. ກະຊວງປ້ອງກັນປະເທດ ສ.ເກົາຫລີ ຖະແຫລງວ່າ: ສປປ ເກົາຫລີ ໄດ້ດຳເນີນການຕາມຂໍ້ຕົກລົງໃນເດືອນກ່ອນເຊັ່ນກັນເຊັ່ນ: ເອົາຜ້າຄຸມປືນໃຫຍ່ບໍລິເວນແຄມຝັ່ງຕາເວັນຕົກທີ່ສ່ຽງເກີດການປະທະ, ກະຊວງຈະກວດສອບຢ່າງລະອຽດວ່າ ສປປ ເກົາຫລີ ໄດ້ປະຕິບັດຕາມຂໍ້ຕົກລົງເລື່ອງເຂດຫ້າມບິນ ແລະ ຫ້າມຊ້ອມຮົບ ຫລື ບໍ່.

ຂໍ້ຕົກລົງທາງທະຫານຂອງສອງເກົາຫລີ ລະບຸວ່າ: ຈະຢຸດການກະທຳທີ່ເປັນປໍລະປັກທັງໝົດ, ຈະທະຍອຍເກັບກູ້ທຸ່ນລະເບີດ ແລະ ຮື້ດ່ານຮັກສາຄວາມປອດໄພໃນເຂດປອດທະຫານ, ກຳນົດເຂດຫ້າມບິນສຳລັບສະໜາມບິນປີກຄົງທີ ໂດຍຕັ້ງຕົ້ນຈາກເສັ້ນແບ່ງເຂດທາງທະຫານໄປທາງເໜືອ ແລະ ໃຕ້ 40 ກິໂລແມັດ ໃນເບື້ອງຕາເວັນອອກ ແລະ 20 ກິໂລແມັດ ໃນເບື້ອງຕາເວັນຕົກ, ຫ້າມສະໜາມບິນປີກຄົງທີ ແລະ ອາວຸດຈາກອາກາດສູ່ພື້ນຊ້ອມຮົບດ້ວຍລູກປືນແທ້ໃນເຂດຫ້າມບິນ ເຊິ່ງເປັນການຊ້ອມຮົບທີ່ ສ.ເກົາຫລີ ແລະ ອາເມລິກາ ເຊັນຮ່ວມກັນເປັນປະຈຳ ຈົນລະງັບໄປໃນເດືອນມິຖຸນາ.

ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ - Wave100S AD to Website 2020 0 - ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ
ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ - WhatsApp Image 2020 05 27 at 5 - ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ
ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ - WhatsApp Image 2020 05 27 at 5 - ເຂດຫ້າມບິນ-ຫ້າມຊ້ອມຮົບ ໃກ້ຊາຍແດນສອງເກົາຫລີມີຜົນແລ້ວ
error: Alert: ເນື້ອຫາຂ່າວມີລິຂະສິດ !!