ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້

ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້ - 031311 2018 - ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້
ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້ - AGL banner - ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້
  1. ກຽມເລື່ອງບ່ອນພັກ : ບ່ອນພັກຖືວ່າເປັນເລື່ອງສຳຄັນສຳລັບການເດີນທາງທ່ອງທ່ຽວ ຄົງບໍ່ມີໃຜຢາກໄປທ່ຽວແລ້ວຕ້ອງ ນອນກ້ອງຕົ້ນໄມ້, ສາລາແຄມທາງ ຫລື ນອນວັດ (ຍົກເວັ້ນຜູ້ທີ່ມັກການພະຈົນໄພແບບ  backpack ໄປເລື້ອຍໆ ຄໍ່າໄສນອນ ນັ້ນ) ດັ່ງນັ້ນ ຄວນຕິດຕໍ່ປະສານງານເລື່ອງການຈອງບ່ອນພັກໄວ້.
  2. ກຽມແຜນການເດີນທາງ: ສຳຄັນບໍ່ໜ້ອຍສຳລັບແຜນການເດີນທາງ ເຮົາຈະໄປເຖິງສະຖານທີ່ທີ່ເຮົາຕ້ອງການຈະໄປໄດ້ແນວໃດ ຖ້າຕ້ອງໄປດ້ວຍເຮືອບິນ, ລົດໄຟ ຫລື ລົດທົວ ກໍຄວນຈັດການເລື່ອງການຈອງປີ້ເຮືອບິນໄວ້ໃຫ້ຮຽບຮ້ອຍ, ແຕ່ຖ້າເດີນທາງໄປແຂວງທີ່ໃກ້ໆທີ່ມີລົດແລ່ນໝົດມື້ ກໍສາມາດໄປຊື້ປີ້ກ່ອນເດີນທາງໄດ້, ແຕ່ຖ້າໃຜມັກ backpack ແບບໂບກລົດ ຮອດຍາມໃດກໍຕາມ ຂໍມ່ວນໄວ້ກ່ອນກໍຕາມສະບາຍ, ແຕ່ກໍຢ່າລືມແຜນທີ່. ສຳລັບຜູ້ທີ່ຈະເດີນທາງໄປທ່ຽວຕ່າງປະເທດກໍຕ້ອງກຽມຕື່ມໃນເລື່ອງໜັງສືຜ່ານແດນ, ວີຊ່າ ແລະ ສຶກສາເລື່ອງກົດລະບຽບຂອງປະເທດທີ່ຈະໄປ.
  3. ກຽມລົດໃຫ້ພ້ອມ : ໃນກໍລະນີຕ້ອງການຂັບລົດໄປເອງກໍຄວນກຽມລົດໃຫ້ພ້ອມຫລາຍທີ່ສຸດຄືຄວນເອົາລົດເຂົ້າກວດສະພາບໃຫ້ຮຽບຮ້ອຍ, ຈັດການເລື່ອງນຳ້ມັນ ແລະ ຄວາມພ້ອມຕ່າງໆໃຫ້ຮຽບຮ້ອຍ ຖ້າຕ້ອງການເດີນທາງເຂົ້າປ່າ ຄວນມີນຳ້ມັນ ແລະ ຢາງສຳຮອງໄປນຳ ເປັນຕົ້ນ.

     4.​ ກຽມຮ່າງກາຍຕົນເອງໃຫ້ພ້ອມ : ແນ່ນອນວ່າຖ້າທຸກຢ່າງພ້ອມ ແຕ່ຖ້າຜູ້ຈະເດີນທາງນອນຕື່ນສວາຍຈົນໄປບໍ່ທັນເວລາຕາມທີ່ຈອງປີ້ໄວ້ ທຸກຢ່າງກໍຈະຈົບທັນທີ. ດັ່ງນັ້ນ ຄືນກ່ອນຈະເດີນທາງຄວນນອນແຕ່ຫົວຄໍ່າ ຕື່ນເຊົ້າໆ ກວດຄວາມພ້ອມອີກເທື່ອໜຶ່ງ, ເຮັດກິດຈະວັດຕ່າງໆໄວ້ໃຫ້ຮຽບຮ້ອຍ ເຊັ່ນ : ເຂົ້າຫ້ອງນຳ້ ຫລື ດື່ມກາເຟ ເມື່ອພ້ອມຈຶ່ງເລີ່ມອອກເດີນທາງ. ສຳລັບຜູ້ທີ່ຕ້ອງຂັບລົດເອງດ້ວຍໄລຍະທາງໄກໆ ຫລື ຫົນທາງທຸລະກັນດານຈຳເປັນຢ່າງຍິ່ງທີ່ຈະຕ້ອງເຂົ້ານອນໄວ ເພື່ອກຽມຄວາມພ້ອມຂອງຮ່າງກາຍ.

  1. ກຽມຂອງໃຊ້ສ່ວນໂຕໃຫ້ພ້ອມ : ສຳລັບຜູ້ທີ່ເດີນທາງຕະຫລອດ ຂອງໃຊ້ສ່ວນໂຕນັ້ນຄວນກຽມໄວ້ເປັນຊຸດ, ແຍກໃສ່ກະເປົ໋ານ້ອຍໆຕ່າງຫາກ ເຊັ່ນ : ແປງຖູແຂ້ວ, ຢາຖູແຂ້ວ, ຢາສະຜົມ, ມີດແຖໜວດ, ຄຣີມບຳລຸງຜິວຕ່າງໆ. ສ່ວນເຄື່ອງນຸ່ງ, ເກີບ, ໄຟສາຍ ແລະ ອື່ນໆສາມາດໃສ່ໃນກະເປົ໋າເດີນທາງຫລັກໄດ້. ບາງຄົນມັກຄິດວ່າສິ່ງຂອງເຫລົ່ານີ້ໄປຊື້ເອົາທາງໜ້າກໍໄດ້, ແຕ່ຮູ້ຫລືບໍ່ວ່າແຫ່ລງທ່ອງທ່ຽວສ່ວນຫລາຍຈະຂາຍສິ່ງຂອງເຫລົ່ານີ້ແພງຫລາຍ ໂດຍສະເພາະບ່ອນທ່ອງທ່ຽວທີ່ເປັນເກາະເປັນດອນ, ບ່ອນທ່ອງທ່ຽວນ້ອຍໆທີ່ຫາຊື້ບໍ່ໄດ້.
  2. ກຽມກະເປົ໋າເດີນທາງ : ຄວນກຽມກະເປົ໋າເດີນທາງໃຫ້ເໝາະສົມກັບປະລິມານສິ່ງຂອງທີ່ ກຽມໄປ ແລະ ຄວນເໝາະສົມກັບພາຫະນະທີ່ໃຊ້ນຳ ຖ້າຂັບລົດໄປເອງກໍບໍ່ມີໃຜວ່າຖ້າຈະຂົນເຄື່ອງໄປໝົດເຮືອນ, ແຕ່ຖ້າເດີນທາງໂດຍເຮືອບິນ ຫລື ລົດໂດຍສານຄວນເລືອກຂະໜາດກະເປົ໋າໃຫ້ເໝາະສົມ, ນຳ້ໜັກກະເປົ໋າບໍ່ຄວນເກີນທີ່ກຳນົດ ບໍ່ແມ່ນວ່າຈັດກະເປົ໋າໜ່ວຍໃຫຍ່ສຸດໃນຊີວິດ ເພື່ອຂຶ້ນເທິງລົດຕູ້ເດີນທາງໄປທ່ຽວຕ່າງແຂວງໃກ້ໆ ແບບນີ້ຄົນຂັບລົດຕູ້ ແລະ ໝູ່ຜູ້ໂດຍສານຮ່ວມເດີນທາງອາດຈະບໍ່ມັກປານໃດ ແລະ ທ່ານເອງກໍອາດຈະບຽດກະເປົ໋າໄປຕະຫລອດທາງແນ່ນອນ.
  3. ກຽມຢາປະຈຳໂຕ : ຢາປະຈຳໂຕຖືວ່າເປັນສິ່ງທີ່ສຳຄັນທີ່ສຸດ ສິ່ງໜຶ່ງໃນການເດີນທາງທ່ອງທ່ຽວ ຫ້າມຄິດເດັດຂາດວ່າຈຶ່ງໄປຫາຊື້ເອົາທາງໜ້າກໍໄດ້ ຕ້ອງກຽມໄວ້ໃຫ້ພ້ອມກ່ອນເດີນທາງ ແລະ ຕ້ອງເປັນສິ່ງທຳອິດທີ່ຕ້ອງກວດກ່ອນອອກເດີນທາງທຸກເທື່ອ.
  4. ກຽມເງິນ : ສຳຄັນຫລາຍ ຖ້າບໍ່ມີເງິນ ການເດີນທາງຄົງລຳບາກ ຍົກເວັ້ນທ່ານຈະໃຊ້ວິທີລັດລົດ, ນອນສາລາ, ກິນເຂົ້າວັດ. ຄວນກຽມເງິນສົດໃຫ້ພຽງພໍຕໍ່ການເດີນທາງ ຍົກເວັ້ນວ່າປາຍທາງຂອງເຮົາເປັນເມືອງໃຫຍ່, ມີທະນາຄານ, ມີຕູ້  ATM  ຫລື ຮັບບັດເຄຣດິດ ແບບນີ້ເຮົາກຽມໄປພຽງແຕ່ກະເປົ໋າເພື່ອຊື້ນຳ້ຊື້ເຂົ້າໜົມກໍໄດ້, ແຕ່ຖ້າບໍ່ແມ່ນ ເຮົາຕ້ອງຄຳນວນໃຫ້ດີວ່າເຮົາຕ້ອງໃຊ້ເງິນເທົ່າໃດ ແລະ ຄວນກຽມໄວ້ໃຫ້ພໍ ແຍກມ້ຽນເງິນຫລາຍບ່ອນ ເຊັ່ນ : ແຍກໄວ້ໃນກະເປົ໋າເງິນບາງສ່ວນ, ແຍກມ້ຽນໃນກະເປົ໋າໃຫຍ່, ແຍກມ້ຽນໃນກະເປົ໋ານ້ອຍສຳລັບຂອງໃຊ້ສ່ວນໂຕ, ແຍກເປັນເງິນສົດໃສ່ຖົງໂສ້ງຖົງເສື້ອ ຢ່າງໜ້ອຍຕ້ອງໝັ້ນໃຈວ່າຖ້າກະເປົ໋າໜ່ວຍໃດໜ່ວຍໜຶ່ງເສຍ ເຮົາຈະຍັງມີເງິນເຫລືອພໍສຳລັບທ່ອງທ່ຽວ ຫລື ສຳລັບການເດີນທາງກັບເຮືອນ.
  5. ສະສາງວຽກ ຫລື ພາລະກິດຕ່າງໆກ່ອນເດີນທາງ : ການທ່ອງທ່ຽວຄົງບໍ່ມ່ວນຖ້າຕ້ອງເດີນທາງທ່ອງທ່ຽວໄປ ຮັບໂທລະສັບໄປ, ມີວຽກເຂົ້າມາຕະຫລອດເວລາ, ສະມາທິຂອງທ່ານຈະສູນເສຍໄປທັງໝົດກັບວຽກທີ່ເຂົ້າມາ ດັ່ງນັ້ນຄວນສະສາງວຽກຕ່າງໆໃຫ້ຮຽບຮ້ອຍກ່ອນເກີນທາງສະເໝີ ຈະໃຊ້ວິທີປິດໂທລະສັບມືຖືເລີຍກໍໄດ້, ແຕ່ຕ້ອງມີຊ່ອງທາງ ຫລື ເບີໃໝ່ສຳລັບໃຫ້ຄົນໃນຄອບຄົວ ຫລື ຄົນທີ່ເຮົາສະໜິດສາມາດຕິດຕໍ່ໄດ້, ຍົກເວັ້ນຫົວໜ້າ.
  6. ກຽມອາຫານ : ສຳລັບການໄປທ່ຽວເມືອງໃຫຍ່ຄົງບໍ່ຈຳເປັນປານໃດ ແຕ່ຖ້າທ່ານໄປທ່ຽວຕາມພູຜາປ່າໄມ້, ນຳ້ຕົກ ຫລື ສະຖານທີ່ໄກໆ ທ່ານອາດຈະບໍ່ສາມາດຊອກຫາຮ້ານມິນິມາດ, ຮ້ານຂາຍເຄື່ອງຍ່ອຍໄດ້ ດັ່ງນັ້ນຄວນກຽມຂອງກິນຍາມວ່າງ, ເຂົ້າໜົມ ຫລື ແມ່ນແຕ່ແຈ່ວສຳເລັດຮູບໄປນຳ ສຳລັບຜູ້ທີ່ໄປຕັ້ງແຄັມຍິ່ງຈຳເປັນຫລາຍ ຄວນກຽມອາຫານສົດ, ອາຫານແຫ້ງ, ນຳ້ປາ, ຊະອິວ, ຫົວຜັກບົ່ວແດງ, ຜັກທຽມ, ເຕົາແກ໊ສປິກນິກ, ຖ້ວຍບ່ວງໄປໃຫ້ຄົບ ບໍ່ດັ່ງນັ້ນຄົງຕ້ອງຫຸງເຂົ້າໃສ່ໄມ້ໄຜ່ ແລະ ເອົາເຂົ້າໃສ່ໃບຕອງກິນແນ່ນອນ.
ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້ - lattana 1 - ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້
ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້ - Wave100S AD to Website 2020 0 - ກ່ອນອອກເດີນທາງທ່ອງທ່ຽວ ທ່ານຕ້ອງກຽມ 10 ຢ່າງນີ້
error: Alert: Content is protected !!