ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ

ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ - news201811151017363 - ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ
ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ - AGL banner - ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ

ຕາມ​ການ​ເປີດ​ເຜີຍ​ຂອງ ມີ​ເດຍ​ພາຣດ ​ເວັບ​ໄຊ​ຂ່າວສານ​ຂອງ​ປະ​ເທດ​ຝຣັ່ງວ່າ: ສະຫະພັນ​ບານ​ເຕະ​ສາກ​ົນ (ຟີ​ຟາ) ກຳລັງ​ພິຈາລະນາ​ຈະ​ຫ້າມ ​ເຊ​ລຊີ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ຊື້ນັກ​ເຕະ​ເປັນ​ເວລາ 2 ປີ ຈາກ​ການ​ທີ່​ພວກ​ເຂົາ​ອາດ​ເຮັດ​ຜິດ​ກົດ​ໃນ​ດ້ານ​ການ​ຊື້ນັກ​ເຕະ​ມາ​ຮ່ວມ​ທີ​ມນັບ​ແຕ່​ຕອນ​ທີ່​ນັກ​​ເຕະ​ເຫລົ່ານັ້ນອາຍຸ​ຍັງ​ບໍ່​ຮອດ​ເກນ.

ສື່​ດັ່ງກ່າວ​ລາຍ​ງານ​ເລື່ອງ​ນີ້ ​ໂດຍ​ອ້າງ​ອີງ​ຈາກ​ເອກະສານ​ຂອງ ​ເຕະບານ​ລີກ ​ເວັບ​ໄຊ​ລາຍ​ງານ​ເລື່ອງ​ລັບ​ໃນ​ວົງ​ການ​ບານ​ເຕະ ​ໂດຍ​ພວກ​ເຂົາ​ລະບຸ​ວ່າ: ​ເຈົ້າໜ້າ​ທີ່​ດ້ານ​ຈະລິ​ຍະ​ທຳ ​ແລະ ການ​​ເຮັດ​ຂໍ້​ຕົກລົງ​ຂອງ ຟີ​ຟາ ​ໃຊ້​ເວລາ​​ເຖິງ 3 ປີ ​ໃນ​ການກວດ​ສອບ​ເລື່ອງ​ທີ່​ວ່າ: ​ເຊ​ລຊີ ອາດ​ຈະລະ​ເມີດ​ກົດ​ດ້ານ​ການ​ດຶງ​ນັກ​ເຕະ​ຈາກ​ຕ່າງປະ​ເທດ​ໄປ​ຮ່ວມ​ທີ​ມນັບ​ແຕ່​ຕອນ​ທີ່​ພວກ​ເຂົາ​ຍັງ​ເປັນ​ພຽງ​ໄວ​ຮຸ່ນ ​ເຊິ່ງມີ​ນັກ​ເຕະ​ທີ່​ສົງ​ໄສ​ເຖິງ 14 ຄົນ.

ທັງ​ນີ້ ​ແບຣັກຕຣ໊ອງ ຕຣາ​ໂອ​ເຣ ຫົວ​ຫອກ​ຊາວບູກິ​ນາ​ຟາ​ໂຊ​ທີ ​ເຊ​ລຊີ ຂາຍ​ໄປ​ໃຫ້ ​ໂອ​ລິ​ມປິກ ລີ​ຍົງ ​ໃນ​ລະດູ​ການ​ປີ​ກ່ອນ ຢູ່​ໃນ​ກຸ່ມ​ນັ້ນ​ເຊັ່ນ​ກັນ ​ໂດຍ​ການ​ສືບສວນ​ຂອງ ຟີ​ຟາ ພົບ​ວ່າ​ຍອດ​ທີ​ມ​ແຫ່ງ​ຖິ່ນ ສະ​ແຕມ​ຟອດ ບຣິດ ​ເຊັນ​ສັນຍາ​ກັບ ຕຣາ​ໂອ​ເຣ ຄັ້ງທຳ​ອິດ​ຕອນ​ລາວ​ອາຍຸ 16 ປີ ​ແລະ ​ເອກະສານ​ຈາກ​ເຕະບານ ລີກ ຍັງ​ລະບຸ​ອີກ​ວ່າ: ​ເຊ​ລຊີ ຍອມຮັບ​ວ່າ​ພວກ​ເຂົາ​ຈ່າຍ​ເງິນ​ໃຫ້​ແມ່​ຂອງ ຕຣາ​ໂອ​ເຣ ​ເປັນ​ຈຳນວນ 155.000 ປອນ ​ໃນ​ໄລຍະ​ເດືອນ​ເມສາ 2011 ​ເພື່ອ​ຈະ​ໄດ້​ສິດ​ຫ້າມ​ໃຫ້ ຕຣາ​ໂອ​ເຣ ຍ້າຍ​ໄປ​ຢູ່​ກັບ​ທີ​ມອື່ນ ລວມທັງ​ຈ່າຍ​ເງິນ​ອີກ 13.000 ປອນ ​ໃຫ້ ​ເອຈີ​ອີ ​ໂບ​ໂບດິອູ​ລາສ​ໂຊ ທີ​ມ​ໃນ​ບູກິ​ນາ​ຟາ​ໂຊ​ທີ່​ຮັບ ຕຣາ​ໂອ​ເຣ ​ເຂົ້າມາ​ຝຶກ​ຊ້ອມ​ໃນ​ລະດັບ​ອາຄາ​ເດ​ມີ ​ໃນ​ຕອນ​ນັ້ນ.

ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ - Wave100S AD to Website 2020 0 - ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ

ສຳລັບ​ກົດ​ເລື່ອງ​ການ​ຊື້ນັກ​ເຕະ​ໄວ​ເດັກ​ຂອງ ຟີ​ຟາ ນັ້ນ ລະບຸ​​ໄວ້​ວ່າ: ທຸກ​ທີ​ມ​ໃນ​ທະວີບ​ເອີຣົບຫ້າມ​ຊື້ນັກ​ເຕະ​ຈາກ​ປະ​ເທດ​ນອກ​ທະວີບ​ເອີຣົບ​ໄປ​ຮ່ວມ​ທີ​ມ ຖ້າ​ນັກ​ເຕະ​ຄົນ​ນັ້ນຍັງ​ອາຍຸ​ບໍ່​ຮອດ 18 ປີ ​ໂດຍ​ມີ​ຂໍ້​ຍົກ​ເວັ້ນ ຄື​ຜູ້​ປົກຄອງ​ຂອງ​ນັກ​ເຕະ​ຄົນ​ນັ້ນ ຕ້ອງ​ອົບພະຍົບ​ໄປ​ຢູ່​ໃນ​ປະ​ເທດ​ຂອງ​ທີ​ມ​ໃໝ່ ດ້ວຍ​ເຫດຜົນ​ທີ່​ບໍ່​ກ່ຽວຂ້ອງ​ກັບ​ບານ​ເຕະ.

ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ - lattana 1 - ເຊລຊີ ເຮັດຜິດກົດ ອາດຖືກ ຟີຟາ ລົງໂທດຫ້າມຊື້ນັກເຕະ 2 ປີ
error: Alert: Content is protected !!