ວຽງໄຊຍັງຢູ່ໃນດວງໃຈຂອງນັກຮົບປະຕິວັດ

ວຽງໄຊຍັງຢູ່ໃນດວງໃຈຂອງນັກຮົບປະຕິວັດ - advert banner 728 90 728x90 - ວຽງໄຊຍັງຢູ່ໃນດວງໃຈຂອງນັກຮົບປະຕິວັດ

ໂດຍ: ທິດກ່ຳ

ບັນດານັກຮົບປະຕິວັດ ຮຸ້ນອາວຸໂສຕັ້ງແຕ່ສະໄໝ ຊຸມ ປີ 1950 ຈົນມາຮອດ ປັດ ຈຸບັນ, ມີຫລາຍທ່ານຫລາຍ ສະຫາຍໄດ້ເສຍສະຫລະ ຊີວິດ ແລະ ອຸທິດເນື້ອກາຍ ຂອງຕົນເພື່ອພາລະກິດຕໍ່ສູ້ ກູ້ຊາດ ແລະ ບາງສະຫາຍ ກໍຍ້ອນອາຍຸສັງຂານເຖົ້າແກ່ ຫລາຍປີ ໄດ້ຈາກກັນໄປຕາມ ກົດເກນຄົງຍັງເຫລືອແຕ່ ຮຸ້ນສືບທອດທີ່ມີຊີວິດລອດ ພົ້ນມາ ເຖິງປັດຈຸບັນ, ຕ່າງກໍ ເຖົ້າແກ່ຊະລາການອາຍຸສັງ ຂານ 60-70 ກວ່າປີ ຍັງຄົງ ພາກັນຈົດຈຳລຳລຶກອະດີດ ເກົ່າຄາວຫລັງທີ່ເຄີຍດຳ ລົງຊີວິດ ຢູ່ທີ່ເມືອງວຽງໄຊ ອັນເປັນຖານທີ່ໝັ້ນຂອງການ ປະຕິວັດລາວ.

 

ສະພາຮັບຮອງຮ່າງກົດໝາຍວ່າດ້ວຍສະຫະພັນນັກຮົບເກົ່າລາວ2018/

ສະຫະພັນນັກຮົບເກົ່າແຫ່ງຊາດສະຫລຸບຜົນງານ 1 ປີຜ່ານມາ2018

ໃນຄວາມຊົງຈຳເຫລົ່າ ນັ້ນຍັງກາຍມາເປັນພາບ ແຫ່ງຄວາມຫລັງຂອງທຸກ ຄົນທັງຜູ້ຕາຍໄປແລ້ວ ແລະ ທັງຜູ້ຍັງມີຊີວິດທີ່ຍືນຍົງ ຄົງຕົວມາເຖິງປັດຈຸບັນ.

ໃນຍຸກການຕໍ່ສູ້ທີ່ເອົາ ເປັນເອົາຕາຍລະຫວ່າງສອງ ເສັ້ນທາງ, ສອງແນວຄິດ, ສອງກຳລັງ ແລະ ສອງອຸດົມ ການຂອງຄົນໃນປະເທດ ໄດ້ດຳເນີນໄປຢ່າງດຸເດືອດ, ຮຸນແຮງ ແລະ ຂ້ຽວຂາດ. ອັນສາເຫດຕົ້ນຕໍຍ້ອນວ່າ, ກຳລັງໜຶ່ງຫັນໜ້າໄປເຫັນ ດີເຫັນພ້ອມກັບສັກດີນາ ແລະ ຈັກກະພັດຜູ້ຮຸກຮານ ຢ່າງຫລົ້ມຫົວຈົມທ້າຍກໍ ເລີຍຫາທຸກ ວິທີເພື່ອປາບ ປາມກຳລັງອີກຝ່າຍໜຶ່ງທີ່ມີ ອຸດົມການ ແລະ ເປົ້າໝາຍ ແຫ່ງຂະບວນການຕໍ່ສູ້ເພື່ອ ປົດປ່ອຍປະເທດຊາດອອກ ຈາກແອກຄອບຄອງຂອງ ພວກຈັກກະພັດຜູ້ຮຸກຮານ, ເຊິ່ງຍາມໃດຝ່າຍກຳລັງປະ ຕິວັດກໍຢຶດໝັ້ນເດັດດ່ຽວຕໍ່ ສູ້ແບບບໍ່ຍອມຈຳນົນ ເພື່ອ ແລກເອົາປະເທດຊາດໃຫ້ ຫລຸດພົ້ນອອກຈາກແອກ ຄອບຄອງຂອງຈັກກະພັດ ຕ່າງດ້າວ.

ດ້ວຍປັດໄຈ ແລະ ເງື່ອນ ໄຂທີ່ກ່າວມານີ້, ຝ່າຍກຳລັງ ປະຕິວັດຈຶ່ງຢຶດໝັ້ນເອົາ ເມືອງ ວຽງໄຊ ໃຫ້ເປັນຖານ ທີ່ໝັ້ນຍຸດທະສາດອັນສຳ ຄັນຂອງຕົນເພື່ອເປັນທີ່ ຈັ້ງຂອງກຳລັງປະຕິວັດ. ນັບ ແຕ່ມື້ນັ້ນມາ, ວຽງໄຊ ກໍເລີຍ ເປັນຖານທີ່ໝັ້ນອັນແໜ້ນ ແກ່ນ ຫລື ອາດເວົ້າໄດ້ວ່າ ເປັນນະຄອນຫລວງຂອງ ເຂດປົດປ່ອຍທີ່ໝັ້ນຄົງ ຄະນົງແກ່ນ.

ວຽງໄຊຍັງຢູ່ໃນດວງໃຈຂອງນັກຮົບປະຕິວັດ - lattana 1 - ວຽງໄຊຍັງຢູ່ໃນດວງໃຈຂອງນັກຮົບປະຕິວັດ
ວຽງໄຊຍັງຢູ່ໃນດວງໃຈຂອງນັກຮົບປະຕິວັດ - 1 1 - ວຽງໄຊຍັງຢູ່ໃນດວງໃຈຂອງນັກຮົບປະຕິວັດ

ນັບແຕ່ເມືອງວຽງໄຊ ໄດ້ສະຖາປະນາຂຶ້ນໃນວັນ ທີ 31 ພະຈິກ 1968 ໄດ້ກາຍ ເປັນສູນກາງທາງການ ເມືອງ, ການທະຫານ ແລະ ພື້ນຖານເສດຖະກິດ-ສັງຄົມ ໃນເຂດປົດປ່ອຍຂອງຝ່າຍ ແນວລາວຮັກຊາດ.

ໃນໄລຍະມີການ ຕໍ່ສູ້ ກັນລະຫວ່າງສອງກຳລັງ ໃນຍຸກນັ້ນ, ເຖິງວ່າກຳລັງ ຂອງ ຝ່າຍ ສັດຕູ ຫລື ວ່າຝ່າຍ ກົງກັນຂ້າມຈະຊອກຫາ ທຸກວິທີທາງ ແລະ ເຮັດທຸກ ສິ່ງທຸກຢ່າງເພື່ອປາບປາມ ແລະ ທຳລາຍມ້າງເພແຕ່ ເມືອງວຽງໄຊກໍຍັງກາຍ ເປັນຖານທີ່ໝັ້ນອັນແໜ້ນ ແກ່ນຂອງ ກຳລັງປະຕິວັດ ໄດ້ຢ່າງໝັ້ນຄົງຈົນມາ ເຖິງມື້ໄດ້ຮັບໄຊຊະນະໃນ ຄັ້ງສຸດທ້າຍ.

ຜ່ານຂະບວນການຕໍ່ສູ້ທີ່ ຍຶດເຍື້ອຍາວນານຕະຫລອດ ທົດສະວັດກວ່າ ຈົນມາຮອດ ປີ 1975 ຝ່າຍກຳລັງປະຕິວັດ ຈຶ່ງສາມາດປົດປ່ອຍໄດ້ໃນ ທົ່ວປະເທດຢ່າງສົມບູນ ແລະ ນີ້ຄືສິ່ງທີ່ພິສູດຄວາມເປັນ ຈິງຢ່າງສັດຈະທຳໃນບັ້ນ ປະຫວັດສາດທີ່ ພວກເຮົາຄົນ ລາວທຸກຄົນຕ້ອງຍອມຮັບ.
ຖ້າພວກເຮົານັບຖອຍ ຫລັງນັບແຕ່ມື້ນີ້ເປັນຕົ້ນໄປ ຮອດວັນທີ 31 ຂອງເດືອນ ພະຈິກ 2018 ນີ້ ກໍຍັງເຫລືອ ບໍ່ພໍເທົ່າໃດວັນ, ບັນດານັກຮົບ ປະຕິວັດ, ຊາວເມືອງວຽງໄຊ, ປະຊາຊົນບັນດາເຜົ່າແຂວງ ຫົວພັນ ກໍຄືປະຊາຊົນລາວໃນ ທົ່ວປະເທດ ກໍຈະໄດ້ພ້ອມ ກັນສະເຫລີມສະຫລອງວັນ ຄົບຮອບ 50 ປີແຫ່ງການ ສ້າງຕັ້ງເມືອງວຽງໄຊອັນ ເປັນຖານທີ່ໝັ້ນຂອງການ ປະຕິວັດລາວນັບແຕ່ມື້ເກີດ ຈົນມາຮອດມື້ເຕີບໃຫຍ່.

ຕາມທິດກ່ຳຄິດ, ໃນມື້ ສະເຫລີມສະຫລອງວັນຄົບ ຮອບ 50 ປີນີ້, ບັນດາສະ ຫາຍພະນັກງານ, ທະຫານ, ຕຳຫລວດ ແລະ ບັນດານັກ ຮົບປະຕິວັດຮຸ້ນອາວຸໂສຜູ້ ທີ່ຍັງມີຊີວິດຕະຫລອດລອດ ຝັ່ງກໍຈະໄດ້ສຳພັດເຫັນໜ້າ ເຫັນຕາກັນ, ພ້ອມກັນລະ ບາຍຄວາມຮູ້ສຶກເລົ່າສຸກ, ເລົ່າ ທຸກ, ຜູ້ຕາຍໄປກໍບໍ່ເຫັນໜ້າ ກັນ, ສ່ວນຜູ້ຍັງກໍຈະໄດ້ເວົ້າ ວ່າພົບປະກັນໃນເງື່ອນໄຂອັນ ໃໝ່, ເຊິ່ງບາງທ່ານບາງສະ ຫາຍກໍມີສະຖານະທີ່ແຕກ ຕ່າງກັນ, ບາງຄົນກໍເປັນຜູ້ ຮັ່ງຜູ້ມີ,ບາງສະຫາຍກໍຍັງ ທຸກຢູ່, ເປັນຊາວໄຮ່ຊາວນາ, ຫລາຍທ່ານຫລາຍສະຫາຍ ກໍເປັນເຈົ້າເປັນນາຍ, ມີຜູ້ ຂີ່ລົດຖີບ, ຂີ່ລົດຈັກ, ຂີ່ລົດ ໃຫຍ່ຫລູຫລາຄັນໃໝ່ຄັນ ງາມດ້ວຍຖານະຕຳແໜ່ງ ໜ້າທີ່ແຕກຕ່າງກັນ.

ແຕ່ເຖິງຢ່າງໃດກໍດີ, ຕາມທິດກ່ຳຄິດ ສິ່ງທີ່ທຸກຄົນ ປະຕິເສດບໍ່ໄດ້ນັ້ນຄືຄວາມ ເຖົ້າແກ່ສະລາການ, ມີລູກ ເຕັມບ້ານ, ມີຫລານເຕັມ ເຮືອນ, ກາຍເປັນຄົນຫົວ ຫງອກດອກຄູນໄປເຫັນ ເມືອງ ວຽງໄຊ ໃນເວລານີ້ມັນ ກໍບໍ່ຄືແຕ່ເກົ່າຄາວຫລັງ ເພາະວ່າຕະຫລອດໄລຍະ 40 ກວ່າປີແຫ່ງການສ້າງ ສາ ແລະ ພັດທະນາປະເທດ ຊາດເມືອງວຽງໄຊກາຍເປັນ ຕົວເມືອງທີ່ມີການພັດທະນາ ກ້າວໄປ ແລະ ສວຍງາມຂຶ້ນ ກວ່າເກົ່າຕັ້ງຫລາຍເທົ່າ, ປັດ ຈຸບັນ, ຖ້ຳຜູ້ນຳໄດ້ກາຍເປັນ ແຫລ່ງທ່ອງທ່ຽວປະຫວັດ ສາດ, ບັນດາປົດຄ້າຍ, ສຳນັກ ງານອົງການທີ່ເປັນບ່ອນ ເຄີຍຢູ່, ເປັນອູ່ເຄີຍນອນ, ບ່ອນຊຸບຫລໍ່ພວກເຮົານັ້ນ ໄດ້ປ່ຽນແປງໄປເປັນຢ່າງ ອື່ນທີ່ຄັກກວ່າ, ງາມກວ່າ. ແຕ່ສິ່ງເຫລົ່ານັ້ນຍັງຄົງເປັນ ພາບໃນອະດີດທີ່ນັກຮົບປະ ຕິວັດທຸກສະຫາຍໄດ້ຝັງໄວ້ ໃນດວງໃຈ.

ໂອກາດ ສະເຫລີມສະ ຫລອງເມືອງວຽງໄຊຖານທີ່ໝັ້ນຂອງການປະຕິວັດຄົບ ຮອບ 50 ປີ ທິດກ່ຳຄິດຫວນ ຄືນ ເຖິງອະດີດເກົ່າ, ຢາກໄປ ກິນເຂົ້າໄກ່ນ້ອຍກັບອົ່ວເພ້ຍ, ຈ້ຳແຈ່ວປາບ້ຳ, ຟັງຂັບຊຳ ເໜືອ, ແອ່ວສາວໄຕດຳ, ໄຕ ແດງ, ກິນແກງໜໍ່ລັນໜໍ່ ຂົມ, ນັ້ນລະຄືຄວາມສຸກ, ຄວາມມີຊີວິດຊີວາຂອງນັກ ຮົບປະຕິວັດໃນອະດີດ.

ວຽງໄຊຍັງຢູ່ໃນດວງໃຈຂອງນັກຮົບປະຕິວັດ - 32658 - ວຽງໄຊຍັງຢູ່ໃນດວງໃຈຂອງນັກຮົບປະຕິວັດ
(ພາບປະກອບ)
error: Content is protected !!