ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້

ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້ - news20181120101575 - ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້
ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້ - AGL banner - ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້

ມິ​ຊາ​ເອລ ຊອກ ຜູ້ອຳນວຍການ​ກິລາ ​ໂບຣຸສ​ເຊຍ ດອດ​ມຸນ ຢືນຢັນ ຄຣິສຕຽນ ພູລິ​ຊິ ປີກ​ດາວຮຸ່ງ ຈະ​ບໍ່​ຍ້າຍ​ທີ​ມ​ເດືອນ​ມັງກອນ​ນີ້ ​ແລະ ຈະ​ຢູ່​ກັບ ດອດ​ມຸນ ຕໍ່​ໄປ​ຢ່າງ​ໜ້ອຍ​ຈົນ​ຈົບ​ລະດູ​ການ ຫລັງ​ດາວ​ເຕະ​ທີ​ມຊາດ​ອາ​ເມ​ລິ​ກາ ຫາ​ກໍ​ເປີດ​ໃຈ​ຢາກ​ຍ້າຍ​ໄປ​ຫລິ້ນ​ໃນ ພຣີ​ເມຍ​ລີກ.

ມິ​ຊາ​ເອລ ຊອກ ຜູ້ອຳນວຍການ​ກິລາ ​ໂບຣຸສ​ເຊຍ ດອດ​ມຸນ ສະ​ໂມ​ສອນ​ແຫ່ງ ບຸນ​​ເດ​ສລິ​ກາ ອອກ​ມາ​ຢືນຢັນ​ໃນ​ວັນ​ທີ 20 ພະຈິກ​ວ່າ: ຄຣິສຕຽນ ພູລິ​ຊິ ປີກ​ຄົນ​ເກັ່ງ​ຂອງ​ທີ​ມ ຈະ​ຢູ່​ກັບຕົ້ນສັງກັດ​ຕໍ່​ໄປ​ຢ່າງ​ໜ້ອຍ​ຈົນ​ຈົບ​ລະດູ​ການ​ນີ້.

ພູລິ​ຊິ ທີ່​ເປັນ​ເປົ້າໝາຍ​ຂອງ ​ເຈີ​ເກັ້ນ ຄລ໊ອບ ຜູ້​ຈັດການ​ທີ​ມ ລິ​ເວີ​ພູລ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ມາ​ຢ່າງ​ຍາວ​ນານ ຈະ​ເຂົ້າສູ່​ປີ​ສຸດ​ທ້າຍ​ໃນ​ສັນຍາ​ກັບ ດອດ​ມຸນ ​ເມື່ອ​ຈົບ​ລະດູ​ການ​ນີ້ ​ແລະ ຍັງ​ບໍ່​ມີ​ທ່າ​ທີ​ວ່າ​ຈະ​ຕໍ່​ອອກ​ໄປ.

ນັກ​ເຕະ​ທີ​ມຊາດ​ອາ​ເມ​ລິ​ກາ ​ໄວ 20 ປີ ຕ້ອງ​ເຂົ້າໆ​ອອກໆ​ໃນ​ທີ​ມຂອງ ລູຊຽງ ຟາ​ຟ ​ໃນ​ລະດູ​ການ​ນີ້ ຫລັງ​ຈາກ​ປະສົບ​ບັນຫາ​ອາການ​ບາດ​ເຈັບ ​ແລະ ການ​ແຈ້ງ​ເກີດ​ຂອງ ຈາດ​ອນ ຊານ​ໂຊ່ ລວມທັງ ຢາ​ຄ໊ອບ ບຣູນ ລາ​ເຊັນ. ຂະນະ​ທີ່ ລິ​ເວີ​ພູລ ​ເຄີຍ​ຍື່ນ​ຊື້​ໃນ​ລາຄາ 11 ລ້ານ​ປອນ ​ໃນ​ຊ່ວງ​ຊຳ​ເມີ້​ປີ 2016 ​ແລະ ຍັງ​ໃຫ້​ຄວາມ​ສົນ​ໃຈ​ນັກ​ເຕະ​ມາ​ຕະຫລອດ​ນັບ​ແຕ່​ນັ້ນ.

ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້ - Wave100S AD to Website 2020 0 - ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້

​ເຖິງ​ຢ່າງ​ໃດ​ກໍ​ຕາມ, ຫລ້າ​ສຸດ ຊອກ ຢືນຢັນ​ວ່າ: ດອດ​ມຸນ ຈະ​ບໍ່​ປ່ອຍ ພູລິ​ຊິ ອອກ​ໄປ​ໃນ​ຊ່ວງ​ເປີດ​ຕະຫລາດ​ຊື້-ຂາຍ​ນັກ​ເຕະ​ເດືອນ​ມັງກອນ​ນີ້​ຢ່າງ​ແນ່ນອນ.

ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້ - lattana 1 - ດອດມຸນ ຢືນຢັນບໍ່ປ່ອຍ ພູລິຊິ ຍ້າຍທີມມັງກອນນີ້
error: Alert: Content is protected !!