ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ

ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ - advert banner 728 90 728x90 - ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ

ກະຊວງ ​ໄປສະ​ນີ​ໂທລະ​ຄົມມະນາຄົມ ​ແລະ ການ​ສື່ສານ ​ໄດ້​ຈັດ​ກອງ​ປະຊຸມ​ສຳ​ມະ​ນາ ພາຍ​ໃຕ້​ໂຄງການ AEAN ICT ການ​ສຶກສາ​ຄວາມ​ແຕກ​ໂຕນ, ການ​ໃຫ້​ຄຳ​ແນະນຳສົ່ງ​ເສີມ ການ​ພັດທະນາ ​ແລະ ນຳ​ໃຊ້​ລະບົບ​ບໍລິການ​ແບບ​ທັນ​ສະ​ໄໝ ​ໃນ​ກຸ່ມ​ປະ​ເທດ​ອາຊຽນ, ຂຶ້ນ​ໃນ​ວັນ​ທີ 20 ພະຈິກ ນີ້, ຢູ່ ນະຄອນຫລວງ​ວຽງຈັນ ​ໂດຍ​ການ​ເຂົ້າ​ຮ່ວມ​ຂອງ​ຜູ້ຕາງໜ້າຈາກ​ບັນດາ​ປະ​ເທດ​ສະມາຊິກ​ອາຊຽນ

ທ່ານ ຫົວໜ້າສູນ​ບໍລິການ​ລັດ​ດ້ວຍ​ເອັກ​ໂຕ​ນິກ ກະຊວງ ​ໄປສະນີ​ໂທລະ​ຄົມມະນາຄົມ ​ແລະ ການ​ສື່ສານ ​ໃຫ້​ສຳພາດ​ຕໍ່ນັກ​ຂ່າວໜັງສື​ພິມ​ລາວ​ພັດທະນາ​ວ່າ:  ວຽກງານ​ໄອ​ຊີ​ທີ ​ມີ​ບົດບາດ​ສຳຄັນຫລາຍ​ໃນ​ການ​ມີ​ສ່ວນ​ຮ່ວມ​ພັກ​ດັນ​​ໃຫ້​ເສດຖະກິດ​ມີ​ຄວາມ​ເຕີບ​ໃຫຍ່ຂະຫຍາຍຕົວ, ​​ໃນ​ຂະນະທີ່​ຫລາຍໆ ປະ​ເທດ​ກຳລັງ​ກະກຽມຫັນ​ໄປ​ສູ່​ເສດຖະກິດ​ດິຈີ​ຕອນ, ​ແຕ່ພວກ​ເຮົາ​ເຫັນ​ວ່າ​ຍັງ​ມີ​ຄວາມ​ແຕກ​ໂຕນ​ກັນ​ຫລາຍລະຫວ່າງ​ປະ​ເທດ​ສະມາຊິກ​ອາຊຽນນຳ​ກັນ​ໃນ​ການ​ກ້າວ​ສູ່​ຍຸກ​ດັ່ງກ່າວ, ສະ​ນັ້ນ ມັນ​ຈຶ່ງ​ມີ​ຄວາມສຳຄັນ​ຫລາຍ​ທີ່ຈະ​ຕ້ອງ​ເຂົ້າ​ເຖິງ​ຄວາມ​ແຕກ​ໂຕນ​ເຫລົ່ານີ້, ​ເພື່ອ​ຈະ​ກຳນົດ​ແນວທາງ​ພັດທະນາ​ລະບົບ ການ​ໃຫ້​ບໍລິການ​ທີ່​ທັນ​ສະ​ໄໝ ​ເຊັ່ນ​ດຽວກັບ​ການ​ພັດທະນາ​ການ​ບໍລິການ​ຂອງ​ລະບົບ​ບໍລິຫານ​ລັດ​ດ້ວຍ​ເອ​ເລັກ​ໂຕ​ນິກ ​ເພື່ອ​ເຂົ້າ​ເຖິງ​ຄວາມ​ຕ້ອງການ​ຂອງ​ຜູ້​ຊົມ​ໃຊ້​ໃຫ້​ຫລາຍ​ຂຶ້ນ​ເພື່ອ​ປັບປຸງ​ຄຸນ​ນະພາ​ບຊີວິດການ​ເປັນ​ຢູ່​ຂອງ​ປະຊາ​ຄົມ​ອາຊຽນ​ໃຫ້​ດີຂຶ້ນ.

ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ - lattana 1 - ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ
ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ - 1 1 - ລາວຫວັງ​ເຊື່ອມ​​​ໄອ​ຊີ​ທີກັບ​ອາຊຽນ

ກະຊວງ ​​ໄປສະນີ​ໂທລະ​ຄົມມະ​ນາ​ຄົມ ​ແລະ ການ​ສື່ສານ ​ໃຫ້​ຮູ້​ວ່າ: ປັດຈຸບັນ ການ​ພັດທະນາ ​ໄອ​ຊີ​ທີ ຢູ່​ລາວ ​ເຖິງ​ວ່າ​ມີ​ການ​ຂະຫຍາຍຕົວ​ແຕ່ກໍ​ຍັງ​ມີ​ສິ່ງ​ທ້າ​ທາຍຫລາຍ​ຢ່າງ ​ໂດຍ​ສະ​ເພາະ​ລະບົບ​ການ​ບໍລິການ​ໄອ​ຊີ​ທີ ຍັງ​ບໍ່ທັນ​ຫລາກ​ຫລາຍ ​ເພື່ອ​ຂັບ​ເຂື່ອນ​ວຽກງານ​ໃຫ້​ມີ​ຄຸນ​ນະພາ​ບ, ສະ​ນັ້ນ ຈຶ່ງ​ຕ້ອງມີການ​ພັດທະນາ ​ຍົກ​ລະດັບ​ເພື່ອ​ຈະ​ເຊື່ອມ​ໂຍງ​ກັບ​ອາຊຽນ​ໃຫ້​ສົມບູນ​ຂຶ້ນ.

error: Content is protected !!