ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9

ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9 - advert banner 728 90 728x90 - ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9

ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືລະຫວ່າງສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ອິນເດຍ ຄັ້ງທີ 9 ໄດ້ຈັດຂຶ້ນໃນທ້າຍອາທິດຜ່ານມານີ້ຢູ່ນະຄອນຫລວງວຽງຈັນ, ໂດຍການເປັນປະທານຮ່ວມຂອງທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ແລະ ທ່ານນາງ ສຸດສະມາ ຊະວາຣາດ (Sushma SWARAJ) ລັດຖະມົນຕີກະຊວງການຕ່າງປະເທດອິນເດຍ, ໂດຍມີເຈົ້າໜ້າທີ່ກ່ຽວຂ້ອງຂອງທັງສອງປະເທດເຂົ້າຮ່ວມ.

ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9 - 46512267 2090689467908270 8228035077066457088 n - ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9

ກອງປະຊຸມຄັ້ງນີ້, ທ່ານ ສະເຫລີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບທ່ານນາງ ສຸດສະມາ ຊະວາຣາດ ທີ່ໄດ້ມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືລະຫວ່າງລາວ-ອິນເດຍ.

ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມທີ່ໄດ້ຮັບການພັດທະນາ ແລະ ເສີມຂະຫຍາຍຕະຫຼອດໄລຍະ 62 ປີ ແຫ່ງການສ້າງຕັ້ງສາຍພົວພັນການທູດນຳກັນ (ວັນທີ 2 ກຸມພາ 1956) ເຊິ່ງເຫັນໄດ້ຈາກຜົນສຳເລັດຂອງການແລກປ່ຽນການຢ້ຽມຢາມລະຫວ່າງການນໍາຂັ້ນສູງຂອງສອງປະເທດໃນໄລຍະຜ່ານມາ.

ພ້ອມດຽວກັນນີ້, ສອງຝ່າຍໄດ້ຮ່ວມກັນທົບທວນຄືນຜົນການຈັດຕັ້ງປະຕິບັດບົດບັນທຶກກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືລາວ-ອິນເດຍຄັ້ງຜ່ານມາ ແລະ ໄດ້ປຶກສາຫາລືແລກປ່ຽນຄວາມຄິດເຫັນກ່ຽວກັບທິດທາງ ແລະ ເເຜນການຮ່ວມມືໃນຊຸມປີຕໍ່ໜ້າ.

ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9 - 1 1 - ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9
ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9 - Tiger Head 728x90 - ກອງປະຊຸມຄະນະກຳມາທິການຮ່ວມວ່າດ້ວຍການຮ່ວມມືສອງຝ່າຍ ລາວ-ອິນເດຍ ຄັ້ງທີ 9

ສອງຝ່າຍເຫັນດີຈະສືບຕໍ່ເພີ່ມທະວີການຮ່ວມມືກັນໃນດ້ານຕ່າງໆໃຫ້ຫລາຍຂຶ້ນ, ໂດຍສະເພາະດ້ານວຽກງານການຕ່າງປະເທດ, ພະລັງງານ ແລະ ບໍ່ແຮ່, ຄົມມະນາຄົມຂົນສົ່ງ, ການຄ້າ ແລະ ການລົງທຶນ, ການພັດທະນາຊັບພະຍາກອນມະນຸດ, ກະສິກຳ ແລະ ອື່ນໆ. ພ້ອມນັ້ນ, ກອງປະຊຸມຍັງໄດ້ປຶກສາຫາລື ແລະ ແລກປ່ຽນຄຳຄິດເຫັນກ່ຽວກັບບັນຫາພາກພື້ນ ແລະ ສາກົນ ທີ່ສອງຝ່າຍມີຄວາມສົນໃຈຮ່ວມກັນ.

ໃນໂອກາດນີ້, ທ່ານລັດຖະມົນຕີ ສະເຫລີມໄຊ ກົມມະສິດ ໄດ້ຕາງໜ້າລັດຖະບານ ແລະ ປະຊາຊົນລາວ ສະແດງຄວາມຂອບໃຈ ແລະ ຮູ້ບຸນຄຸນຕໍ່ລັດຖະບານ ແລະ ປະຊາຊົນອິນເດຍ ທີ່ໄດ້ໃຫ້ການຊ່ວຍເຫລືອ ແລະ ສະໜັບສະໜູນ ສປປ ລາວ ໃນໄລຍະຜ່ານມາ ໃນຂອບສອງຝ່າຍແມ່ນດ້ານການພັດທະນາຊັບພະຍາກອນມະນຸດ, ໂດຍການສະໜອງທຶນຝຶກອົບຮົມໄລຍະສັ້ນ ແລະ ໄລຍະຍາວ ໃນຂະແໜງການຕ່າງໆປະມານ 200 ທຶນຕໍ່ປີ, ໂຄງການຊ່ວຍເຫລືອລ້າໃນການປະຕິສັງຂອນວັດພູຈຳປາສັກ (ໂຄງການທຳອິດໄດ້ສຳເລັດແລ້ວ), ໂຄງການເງິນກູ້ດອກເບ້ຍຕໍ່າໃນດ້ານກະສິກໍາ, ພະລັງງານ ແລະ ເຕັກໂນໂລຊີຂໍ້ມູນຂ່າວສານ (ICT) ເປັນຕົ້ນ. ນອກນັ້ນ, ສ.ອິນເດຍ ຍັງໄດ້ໃຫ້ການຊ່ວຍເຫລືອ ສປປ ລາວ ໃນຂອບຫລາຍຝ່າຍ, ໂດຍຜ່ານຂອບການຮ່ວມມືອາຊຽນ ກໍຄືການຮ່ວມມືແມ່ນ້ຳຂອງ-ແມ່ນ້ຳຄົງຄາ.

ໃນຂະນະດຽວກັນ, ທ່ານລັດຖະມົນຕີອິນເດຍ ສຸດສະມາ ຊະວາຣາດ ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ, ພ້ອມທັງສະແດງຄວາມຂອບໃຈຕໍ່ລັດຖະບານແຫ່ງ ສປປ ລາວ ທີ່ໄດ້ໃຫ້ການຮ່ວມມື ແລະ ຊ່ວຍເຫລືອສະໜັບສະໜູນອິນເດຍ ທັງໃນຂອບສອງຝ່າຍ ແລະ ຫລາຍຝ່າຍ. ຝ່າຍອິນເດຍໄດ້ສະແດງຄວາມຍິນດີທີ່ຈະສືບຕໍ່ສະໜັບສະໜູນ ແລະ ໃຫ້ການຊ່ວຍເຫຼືອ ສປປ ລາວ ຕໍ່ໂຄງການຕ່າງໆດັ່ງທີ່ເຄີຍໃຫ້ການຊ່ວຍເຫລືອຜ່ານມາໃຫ້ໄດ້ຮັບຜົນສຳເລັດຕາມການຕົກລົງຂອງສອງຝ່າຍ.

ໃນໂອກາດຢ້ຽມຢາມ ສປປ ລາວ ຄັ້ງນີ້, ທ່ານນາງ ສຸດສະມາ ຊະວາຣາດ ພ້ອມຄະນະ, ໄດ້ເຂົ້າຢ້ຽມຂ່ຳນັບທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ທີ່ຫ້ອງວ່າການສໍານັກງານນາຍົກລັດຖະມົນຕີ. ໃນໂອກາດດັ່ງກ່າວ, ທ່ານນາງ ສຸດສະມາ ຊະວາຣາດ ໄດ້ສະແດງຄວາມຍິນດີ ແລະ ຂອບໃຈຕໍ່ການຕ້ອນຮັບອັນອົບອຸ່ນຂອງທ່ານນາຍົກລັດຖະມົນຕີລາວ ແລະ ໄດ້ລາຍງານຜົນສຳເລັດຂອງກອງປະຊຸມດັ່ງກ່າວໃຫ້ທ່ານນາຍົກລັດຖະມົນຕີຊາບ. ໃນຂະນະດຽວກັນ, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການພົວພັນ ແລະ ຮ່ວມມືສອງຝ່າຍອັນເປັນມູນເຊື້ອດີງາມທີ່ມີມາແຕ່ດົນນານນີ້, ໂດຍສະ ເພາະການຊ່ວຍເຫລືອຂອງລັດຖະບານ ແລະ ປະຊາຊົນອິນເດຍໃນການພັດ ທະນາເສດຖະກິດ-ສັງຄົມຂອງ ສປປ ລາວ ໃນໄລຍະຜ່ານມາ ກໍຄືປັດຈຸບັນ.

error: Content is protected !!