4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ

- 020312 2018 - 4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ
- Untitled design - 4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ

     “ສິ່ງທີ່ທ້າທາຍທີ່ສຸດກໍຄື ການເປັນໃຫ້ໄດ້ທຸກສິ່ງທີ່ເຮົາຢາກຈະເປັນ” – ຈິມ ໂຣນ ນັກທຸລະກິດ, ນັກຂຽນ ແລະ ນັກເວົ້າສ້າງແຮງບັນການໃຈສັນຊາດອາເມລິກາ ເພິ່ນມັກກ່າວໄວ້ສະເໝີວ່າ “ທ່ານຍັງມີໂອກາດໄດ້ຮັບຫຍັງອີກຢ່າງຫລວງຫລາຍ ເພາະໂຕທ່ານເອງຍັງສາມາດເປັນຫຍັງໄດ້ຫລາຍກ່ວາທີ່ເປັນຢູ່, ແຕ່ຖ້າຍັງບໍ່ປ່ຽນແປງໂຕເອງ ທ່ານກໍໄດ້ແຕ່ສິ່ງທີ່ມີຢູ່ແລ້ວເທົ່ານັ້ນ”.

ການໄດ້ຊຸກຍູ້ຕົນເອງໃຫ້ເຮັດຫຍັງຈົນສຸດຄວາມສາມາດນັ້ນເປັນຄວາມຮູ້ສຶກທີ່ດີເລີດ ແລະ ຕໍ່ໄປນີ້ແມ່ນ 4 ພະລັງທີ່ຈະສ້າງຄຸນຄ່າໃຫ້ແກ່ຊີວິດຂອງເຮົາໄດ້ :

  1. ຊີວິດຈະມີຄຸນຄ່າຫາກທ່ານໄດ້ຮຽນຮູ້ : ການຮຽນຮູ້ແມ່ນສິ່ງສຳຄັນຕໍ່ການດຳລົງຊີວິດ ບໍ່ແມ່ນຄວາມສຳເລັດ. ສິ່ງທີ່ທ່ານບໍ່ຮູ້ອາດເປັນບັນຫາໃຫ້ທ່ານໄດ້ສະເໝີ ສະນັ້ນ ຈົ່ງຮຽນຮູ້ຈາກປະສົບການຂອງໂຕເອງ ທັງດ້ານດີ ແລະ ບໍ່ດີ, ການເຮັດຜິດໃນເທື່ອທຳອິດ ເຮັດໃຫ້ເທື່ອຕໍ່ໄປຮູ້ວ່າເຮັດສິ່ງໃດຈຶ່ງຈະຖືກ ຫລື ທີ່ເວົ້າກັນວ່າ ຜິດເປັນຄູ ນັ້ນເອງ. ການໄດ້ຮຽນຮູ້ຈາກປະສົບການໂດຍກົງຂອງຜູ້ທີ່ເຄີຍລົ້ມເຫລວ ແລະ ເຮັດພາດມາກ່ອນ ເຮັດໃຫ້ໄດ້ຮູ້ວ່າສິ່ງໃດບໍ່ຄວນເຮັດ ໂດຍທີ່ເຮົາບໍ່ຕ້ອງລົງທຶນລົງແຮງເຮັດຜິດພາດດ້ວຍຕົນເອງ. ການຮຽນຮູ້ເກີດຈາກການໄດ້ເຫັນ ແລະ ໄດ້ຍິນ ດັ່ງນັ້ນ ຈົ່ງຕັ້ງໃຈເບິ່ງ ແລະ ເປັນຜູ້ຟັງທີ່ດີ (ແຕ່ກໍຄວນຮູ້ຈັກເປັນຄົນເລືອກຮັບຟັງນຳຄືກັນ) ນອກຈາກນັ້ນ ການຮຽນຮູ້ກໍມາຈາກການອ່ານນຳ. ດັ່ງນັ້ນ ຈົ່ງເລີ່ມເປີດໜັງສືອ່ານໃຫ້ຫລາຍ, ຮຽນຮູ້ຈາກການບັນລະຍາຍ, ບົດເພງ, ການເທດສະໜາ ຫລື ຮຽນຮູ້ຈາກການໂອ້ລົມກັບຜູ້ຄົນທີ່ສົນໃຈ ແລະ ສິ່ງສຳຄັນຈົ່ງຢ່າຢຸດຮຽນຮູ້.

ການຮຽນຮູ້ແມ່ນຕົ້ນກຳເນີດແຫ່ງຄວາມຮັ່ງມີ, ສຸຂະພາບທີ່ດີ ແລະ ການເຕີບໃຫຍ່ທາງຈິດວິນຍານ. ສິ່ງມະຫັດສະຈັນໃນຊີວິດມີຈຸດເລີ່ມຕົ້ນມາຈາກການສະແຫວງຫາ ແລະ ຮຽນຮູ້ນັ້ນເອງ – ຈິມ ໂຣນ.

- Wave100S AD to Website 2020 0 - 4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ
  1. ຊີວິດຈະມີຄຸນຄ່າຫາກທ່ານໄດ້ລອງ : ການຮຽນຮູ້ຢ່າງດຽວນັ້ນຄົງບໍ່ພໍ ຫາກປາສະຈາກການລອງລົງມືເຮັດ, ລອງສ້າງຄວາມປ່ຽນແປງ ຫລື ສ້າງຄວາມກ້າວໜ້າຫຍັງບາງຢ່າງ, ລອງຝຶກທັກສະ ຫລື ກິລາທີ່ບໍ່ເຄີຍລອງ ເຖິງຈະບໍ່ສຳເລັດໄປໝົດທຸກຢ່າງ ກໍຕ້ອງມີອີກຫລາຍໆຢ່າງແນ່ນອນທີ່ທ່ານເຮັດໄດ້ ຂໍພຽງແຕ່ທ່ານລອງເຮັດເບິ່ງ, ທຸ້ມເທໃຫ້ສຸດກຳລັງ, ພະຍາຍາມໃຫ້ສຸດຄວາມສາມາດ ຖ້າຖາມວ່າຕ້ອງລອງໄປອີກດົນປານໃດ ? ກໍຈົນກ່ວາທ່ານຈະເຮັດໄດ້ນັ້ນເອງ.
  2. ຊີວິດຈະມີຄຸນຄ່າຫາກທ່ານເຝົ້າລໍ : ຈົ່ງຢູ່ເຝົ້າລໍໄປຈົນກ່ວາຈະເຖິງລະດູເກັບກ່ຽວ ນັ້ນສະແດງວ່າ ຖ້າຕອນນີ້ທ່ານກຳລັງຕັດສິນໃຈເຮັດຫຍັງທີ່ສຳຄັນຈັກຢ່າງທ່ານກໍຄວນຈະອົດທົນເຮັດຈົນກ່ວາຈະລຸລ່ວງ ແລະ ຈົ່ງຢ່າຟ້າວຍົກເລີກໄປກາງທາງ ຖ້າໄດ້ຕັດສິນໃຈເຮັດໄປແລ້ວ ກໍຈົ່ງເຮັດມັນໃຫ້ດີນຳ.

     “ບາງຄົນລົງມືປູກພືດໃນລະດູໃບໄມ້ປົ່ງ ແລະ ຈາກໄປເມື່ອລະດູຮ້ອນມາເຖິງ ຫາກທ່ານວາງແຜນຈະເຮັດບາງສິ່ງໃນຊົ່ວໄລຍະເວລາໜຶ່ງ ກໍບໍ່ມີຄວາມຈຳເປັນທີ່ຈະຕ້ອງຢູ່ເຮັດດົນກ່ວານັ້ນ ຂໍພຽງແຕ່ຢ່າງໜ້ອຍກໍໃຫ້ເຝົ້າລໍຈົນກ່ວາຈະເຮັດຈົນສຳເລັດລຸລ່ວງ – ຈິມໂຣນ.

  1. ຊີວິດຈະມີຄຸນຄ່າຫາກທ່ານເອົາໃຈໃສ່ : ຫາກທ່ານລອງເອົາໃຈໃສ່ຈັກໜ້ອຍ ຜົນຈາກສິ່ງທີ່ເຮັດກໍຍ່ອມງົດງາມ ແລະ ຖ້າເອົາໃຈໃສ່ຫລາຍພໍ ມັນກໍຈະຜະລິດດອກອອກໝາກໃຫ້ທ່ານໄດ້ຊື່ນຊົມ. ເອົາໃຈໃສ່ຫລາຍພໍທີ່ຈະສ້າງສິ່ງໃໝ່, ເອົາໃຈໃສ່ຫລາຍພໍເພື່ອການປ່ຽນແປງຄັ້ງໃຫຍ່ ເພື່ອເປັນສຸດຍອດໃນສາຍອາຊີບ, ເພື່ອໃຫ້ເປັນທີ່ຈົດຈຳ ແລະ ເອົາໃຈໃສ່ໃຫ້ຫລາຍພໍເພື່ອຍາດມາເຊິ່ງໄຊຊະນະ. ຍິ່ງເອົາໃຈໃສ່ຫລາຍເທົ່າໃດ ທ່ານກໍຈະຍິ່ງແຂງແກ່ນຂຶ້ນໄດ້ຫລາຍເທົ່ານັ້ນ – ຈິມ ໂຣນ.
- WhatsApp Image 2020 05 27 at 5 - 4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ
- WhatsApp Image 2020 05 27 at 5 - 4 ປະໂຫຍກສັ້ນໆແຕ່ມີພະລັງທີ່ຈະຊ່ວຍເຮັດໃຫ້ຊີວິດທ່ານມີຄຸນຄ່າຍິ່ງຂຶ້ນ
error: Alert: ເນື້ອຫາຂ່າວມີລິຂະສິດ !!