ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018

- 48195688 1988107961269913 4026660066248622080 n - ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018
- Untitled design - ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018

          ມື້ສຸດທ້າຍຂອງການແຂ່ງຂັນບານສົ່ງໃນຮົ່ມຍິງ-ຊາຍທົ່ວປະເທດ ຊີງຂັນປະທານສະຫະພັນບານສົ່ງແຫ່ງຊາດລາວ ປະຈຳປີ 2018 ທີ່ເດີ່ນກິລາໃນຮົ່ມ ສະໜາມກິລາແຫ່ງຊາດ ຫລັກ 16 ໃນວັນທີ 9 ທັນວານີ້ ເປັນການແຂ່ງຂັນຮອບຊີງຊະນະເລີດ ແລະ ຊີງທີ 3 ທີມຍິງ ແລະ ທີມຊາຍ.

          ຄູ່ຊີງທີມຍິງ-ທີມຊາຍປີນີ້ ເປັນຄູ່ຊີງໜ້າເກົ່າໃນປີຜ່ານມາ, ທີມຍິງ ກະຊວງປ້ອງກັນປະເທດ ແຊ້ມເກົ່າ ເອົາຊະນະ ກົມວິທະຍາສາດ-ປະຫວັດສາດການທະຫານ ຮອງແຊ້ມປີຜ່ານມາ ແບບສຸດມັນ: 3-2 ເຊັດ: 21-25, 25-21, 25-16, 11-25 ແລະ 15-8 ປ້ອງກັນແຊ້ມໄດ້ສຳເລັດ, ຂະນະທີ່ ຄູ່ຊີງທີ 3 ກອງພົນທະຫານຮາບທີ 5 ຊະນະ ກະຊວງປ້ອງກັນຄວາມສະຫງົບ 3-1 ເຊັດ: 14-25, 25-20, 25-18 ແລະ 25-13.

          ສ່ວນຄູ່ຊີງຊະນະເລີດທີມຊາຍ ແຊ້ມເກົ່າ ກະຊວງປ້ອງກັນປະເທດ ຊະນະ ສະໂມສອນ ລາວເດີນອາກາດ (Lao Sky Way) ຮອງແຊ້ມປີຜ່ານມາ 3-0 ເຊັດ: 28-26, 25-22 ແລະ 25-22 ປ້ອງກັນແຊ້ມໄດ້ສຳເລັດເໝືອນທີມຍິງ, ສ່ວນຄູ່ຊີງທີ 3 ກອງພົນທະຫານຮາບທີ 5 ຊະນະ ເຫລົ່າຮົບລົດຕັງ-ຍານເກາະ 3-2 ເຊັດ: 25-23, 25-21, 22-25, 26-28 ແລະ 15-11.

          ການພະຍາຍາມສູ້ຊົນ ເພື່ອປ້ອງກັນແຊ້ມຂອງຄະນະບານສົ່ງທີມຍິງ-ຊາຍ ກະຊວງປ້ອງກັນປະເທດໃນຄັ້ງນີ້ ເພື່ອສ້າງຜົນງານຕ້ອນຮັບສະເຫລີມສະຫລອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ຈະມາເຖິງໃນວັນທີ 20 ມັງກອນ 2019 ຢ່າງຟົດຟື້ນມ່ວນຊື່ນ. ເຂົ້າຮ່ວມມອບລາງວັນຄັ້ງນີ້ມີ ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ກະຊວງສຶກສາທິການ ແລະ ກິລາ, ທັງເປັນຮອງປະທານ ແລະ ເລຂາທິການຄະນະກຳມະການໂອແລມປິກແຫ່ງຊາດລາວ, ມີປະທານສະຫະພັນບານສົ່ງແຫ່ງຊາດ ພ້ອມດ້ວຍຜູ້ໃຫ້ການອຸປະຖໍາ ແລະ ຄະນະຈັດການແຂ່ງຂັນ.

- Wave100S AD to Website 2020 0 - ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018

          ທີມຊະນະເລີດຍິງ-ຊາຍ ໄດ້ຮັບຂັນແຊ້ມພ້ອມເງິນສົດ 8 ລ້ານກີບ, ຮອງແຊ້ມ 5 ລ້ານກີບ, ທີສາມ 3 ລ້ານກີບ ແລະ ທີສີ່ 1,5 ລ້ານກີບ.

- WhatsApp Image 2020 05 27 at 5 - ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018
- WhatsApp Image 2020 05 27 at 5 - ກະຊວງປ້ອງກັນປະເທດ ປ້ອງກັນແຊ້ມ ບານສົ່ງຍິງ-ຊາຍທົ່ວປະເທດ 2018
error: Alert: ເນື້ອຫາຂ່າວມີລິຂະສິດ !!