ສະພາທາບທາມຮ່າງກົດໝາຍວ່າດ້ວຍທີ່ດິນ

- Land law - ສະພາທາບທາມຮ່າງກົດໝາຍວ່າດ້ວຍທີ່ດິນ
- Untitled design - ສະພາທາບທາມຮ່າງກົດໝາຍວ່າດ້ວຍທີ່ດິນ

ໃນກອງປະຊຸມສະໄໝສາມັນເທື່ອທີ VI ຂອງສະພາແຫ່ງຊາດ ຊຸດທີ VIII, ຄັ້ງວັນທີ 18 ທັນວານີ້, ໂດຍການເປັນປະທານຂອງທ່ານ ສົມພັນ ແພງຄໍາມີຮອງປະທານສະພາແຫ່ງຊາດ ແລະ ພາຍຫຼັງທ່ານ ສົມມາດ ພົນເສນາລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມໄດ້ສະເໜີຮ່າງກົດໝາຍວ່າດ້ວຍທີ່ດິນ ຕໍ່ກອງປະຊຸມວ່າ: ກົດໝາຍສະບັບປັບປຸງນີ້ ປະກອບມີ 15ພາກ, 28 ໝວດ ແລະ 160 ມາດຕາ. ກົດໝາຍວ່າດ້ວຍທີ່ດິນ ສະບັບປັບປຸງ ເລກທີ 04/ສພຊລົງວັນທີ 21 ຕຸລາ 2003 ປະກອບມີ 6 ພາກ 14 ໝວດ ແລະ 87 ມາດຕາ. ໃນການປັບປຸງກົດໝາຍວ່າດ້ວຍທີ່ດິນປີ 2003 ໄດ້ຍົກເລີກ 5 ມາດຕາ ຄື: ມາດຕາ 17, 18, 21, 22 ແລະ ມາດຕາ 42.

    ສ່ວນສາເຫດ ແລະ ຄວາມຈໍາເປັນໃນການປັບປຸງກົດໝາຍວ່າດ້ວຍທີ່ດິນ, ກົດໝາຍສະບັບນີ້ຖືກນໍາໃຊ້ ມາເປັນເວລາ 15 ປີ (2003), ຜ່ານການຈັດຕັ້ງປະຕິບັດກົດໝາຍດັ່ງກ່າວ ເຫັນໄດ້ວ່າ: ໂຄງສ້າງ ແລະ ເນື້ອໃນຂອງກົດໝາຍ ມາຮອດປັດຈຸບັນມີຊ່ອງຫວ່າງ, ບໍ່ທັນຄົບຖ້ວນ ແລະ ຈະແຈ້ງ ເຊິ່ງມີບັນຫາໃໝ່ຫຼາຍປະການເກີດຂຶ້ນ ຈຶ່ງເຮັດໃຫ້ມີຄວາມເຂົ້າໃຈແຕກຕ່າງກັນ ເປັນເຫດໃຫ້ການກໍານົດເອົາກົດໝາຍໄປຈັດຕັ້ງປະຕິບັດ ບໍ່ເປັນເອກະພາບກັນຫຼາຍດ້ານ. ຈາກສະພາບການດັ່ງກ່າວ, ຈຶ່ງເຫັນວ່າມີຄວາມຈໍາເປັນ ຕ້ອງໄດ້ມີການປັບປຸງກົດໝາຍປີ 2003 ໃຫ້ມີເນື້ອໃນລະອຽດ, ຈະແຈ້ງ ໂດຍໃຫ້ສອດຄ່ອງກັບສະພາບການຂະຫາຍຕົວຂອງເສດຖະກິດ-ສັງຄົມ ແລະ ມະຕິຂອງຄະນະບໍລິຫານງານສູນກາງພັກ ເລກທີ 026/ຄບສພ ລົງວັນທີ 3 ສິງຫາ 2017 ວ່າດ້ວຍການເພີ່ມທະວີການຄຸ້ມຄອງ ແລະ ພັດທະນາທີ່ດິນໄລຍະໃໝ່.

    ການປັບປຸງກົດໝາຍວ່າດ້ວຍທີ່ດິນຄັ້ງນີ້, ຈະເຮັດໃຫ້ການຄຸ້ມຄອງ-ບໍລິຫານທີ່ດິນຂອງອົງການລັດມີຄວາມຈະແຈ້ງ ແລະ ເປັນລະບົບຄົບຊຸດຍິ່ງຂຶ້ນ ເພາະໃນຮ່າງກົດໝາຍວ່າດ້ວຍທີ່ດິນສະບັບນີ້ ກໍານົດຫຼັກການ, ລະບຽບການ ແລະ ມາດຕະການ ກ່ຽວກັບຄຸ້ມຄອງ ແລະ ຕິດຕາມ ກວດກາວຽກງານທີ່ດິນ ເພື່ອເຮັດໃຫ້ວຽກງານດັ່ງກ່າວມີປະສິດທິຜົນ ແນໃສ່ຮັບປະກັບການນໍາໃຊ້ທີ່ດິນຖືກຕ້ອງຕາມເປົ້າໝາຍ ເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນ, ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຍຸຕິທໍາ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຊາດຕາມທິດສີຂຽວ ແລະ ຍືນຍົງ, ການປົກປັກຮັກສາສິ່ງແວດລ້ອມ ແລະ ເຂດນໍ້າແດນດິນ ຂອງສາທາລະນະລັດ ປະຊາຊນທິປະໄຕ ປະຊາຊົນລາວ ພ້ອມທັງເປັນການຜັນຂະຫຍາຍຈັດຕັ້ງປະຕິບັດມະຕິ ຂອງຄະນະບໍລິຫານງານສູນກາງພັກ ກ່ຽວກັບເພີ່ມທະວີການຄຸ້ມຄອງທີ່ດິນໄລຍະໃໝ່ ແລະ ເປັນເຄື່ອງມື ໃນການແກ້ໄຂສະພາບຫຍຸ້ງຍາກ, ຫຼໍ່ແຫຼມ ແລະ ປະກົດການຫຍໍ້ທໍ້ຕ່າງໆ ກໍຄືບັນດາກໍລະນີ້ຂໍ້ຂັດແຍ່ງກ່ຽວກັບທີ່ດິນໃຫ້ຖືກຕ້ອງຕາມກົດໝາຍ. ໃນກອງປະຊຸມ, ບັນດາສະມາຊິສະພາແຫ່ງຊາດໄດ້ພ້ອມກັນປະກອບຄໍາຄິດຄໍາເຫັນຢ່າງກົງໄປກົງມາໃສ່ຮ່າງກົດໝາຍວ່າດ້ວຍທີ່ດິນ, ເພື່ອໃຫ້ຮ່າງກົດໝາຍດັ່ງກ່າວ ມີເນື້ອໃນຄົບຖ້ວນ, ສົມບູນ ແລະ ຮັດກຸມກວ່າເກົ່າ.

- Wave100S AD to Website 2020 0 - ສະພາທາບທາມຮ່າງກົດໝາຍວ່າດ້ວຍທີ່ດິນ
- WhatsApp Image 2020 05 27 at 5 - ສະພາທາບທາມຮ່າງກົດໝາຍວ່າດ້ວຍທີ່ດິນ
- WhatsApp Image 2020 05 27 at 5 - ສະພາທາບທາມຮ່າງກົດໝາຍວ່າດ້ວຍທີ່ດິນ
error: Alert: ເນື້ອຫາຂ່າວມີລິຂະສິດ !!