ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018

ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018 - advert banner 728 90 728x90 - ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018

  ປີ 2018 ເປັນປີໜຶ່ງທີ່ປະເທດເຮົາໄດ້ມີຫລາຍເຫດການທາງການເມືອງພົ້ນເດັ່ນ, ອັນໄດ້ເຮັດໃຫ້ບົດບາດ ແລະ ຊື່ສຽງຂອງປະເທດໂດດເດັ່ນຂຶ້ນໃນເວທີພາກພື້ນ ແລະ ສາກົນ ຄື:

   (1) ໃນວັນທີ 11 ເມສາ 2018 ບັນດາການນໍາພັກ-ລັດ ແລະ ມວນ​ຊົນ​ລາວໄດ້ຈັດພິທີແຫ່ແຄນເຊີດຊູກຽດຕໍ່ບັນພະບູລຸດລາວຢູ່ສະຖານຮູບປັ້ນເຈົ້າຟ້າງຸ່ມ, ອານຸສາວະລີນັກຮົມນີລະນາມ ແລະ ຮູບປັ້ນຂອງທ່ານປະທານ ໄກສອນພົມວິຫານ ແລະ ສະຖານທີ່ສໍາຄັນອື່ນໆ. ພາຍຫລັງ​ສຽງແຄນລາວໄດ້ຖືກຮັບຮອງ​ໃຫ້ເປັນມໍລະດົກໂລກຈາກອົງການອຸຍແນັສໂກ ເມື່ອເດືອນທັນວາ 2017 ຜ່ານມາ, ອັນໄດ້​ເຮັດ​ໃຫ້​ສຽງແຄນ​ລາວ, ຊຶ່ງເປັນມໍ​ລະ​ດົກວັດທະນະທຳ​ອັນ​ລໍ້າ​ຄ່າ​ຂອງ​ຄົນ​​ລາວ​​ໄດ້​ຮັບ​ການ​ຮັບຮອງ​ເປັນ​ມໍລະດົກ​ໂລກຢ່າງເອກອ້າງທະນົງໃຈ.

ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018 - 30595230 1706041606154116 9104998228461355008 n - ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018

  (2) ສປປ ລາວ ໄດ້ປະກາດສ້າງຕັ້ງ 3 ນະຄອນຄື: ນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນປາກເຊ ເພື່ອສ້າງບັນດານະຄອນເຫລົ່ານີ້ໃຫ້ມີການພັດທະນາຮອບດ້ານ ເຊັ່ນເສດຖະກິດ-ສົງຄົມ, ເປັນຕົວເມືອງສີຂຽວ, ສະອາດງາມຕາ, ໜ້າຢູ່ ແລະ ໜ້າທ່ຽວຊົມ ຕິດພັນກັບການປົກປັກຮັກສາສິ່ງແວດລ້ອມທີ່ຍືນຍົງ.

  (3) ໃນລະຫວ່າງວັນທີ 21-24 ເມສາ 2018 ທ່ານ ກາຣູ ຈາຍາສຸຣິຍາ ປະທານລັດຖະສະພາແຫ່ງສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ (ສສປ ສີລັງກາ) ໄດ້ມາຢ້ຽມຢາມສັນຖະວະໄມຕີ ສປປ ລາວ ເພື່ອເສີມຂະຫຍາຍການພົວພັນຮ່ວມມືສອງຝ່າຍລະຫວ່າງລາວ ແລະ ສີລັງກາ ໃຫ້ແໜ້ນແຟ້ນຍິ່ງຂຶ້ນ. ໂດຍສອງຝ່າຍເຫັນດີເພີ່ມທະວີການຮ່ວມມືຊ່ວຍເຫລືອເຊິ່ງກັນ ແລະ ກັນ, ທັງສະໜັບສະໜູນກັນໃນເວທີລັດຖະສະພາສາກົນ ແລະ ພາກພື້ນ ເພື່ອປະກອບສ່ວນເສີມສ້າງສັນຕິພາບ, ສະຖຽນລະພາບ, ມິດຕະພາບ ແລະ ການພັດທະນາແບບຍືນຍົງໃນໂລກນໍາອີກ.

  (4) ໃນວັນທີ 10-11 ພະຈິກ 2018 ສະຫາຍ ມີເກັນ ດີເອັດສ-ກາແນນ ແບຣມູເດັດສ ປະທານສະພາແຫ່ງລັດ ແລະ ປະທານສະລັດຖະມົນຕີແຫ່ງສາທາລະນະລັດ ກູບາ ໄດ້ມາຢ້ຽມຢາມ ສປປ ລາວ ແລະ ໄດ້ພົບປະກັບສະຫາຍ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ, ໂດຍສອງຝ່າຍໄດ້ຢືນຢັນເຖິງແນວທາງສະເໝີຕົ້ນສະເໝີປາຍຂອງພັກ-ລັດຖະບານ ໃນການ ສືບຕໍ່ເພີ່ມທະວີການພົວພັນຮ່ວມມືລະຫວ່າງສອງປະເທດໃນອານາຄົດ ເພື່ອເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດໄດ້ຮັບການເສີມຂະຫຍາຍ ແລະ ຈະເລີນງອກງາມຂຶ້ນເລື້ອຍໆ.

ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018 - Tiger Head 728x90 - ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018
ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018 - 1 1 - ເຫດການທາງການເມືອງພາຍໃນປະເທດທີ່ພົ້ນເດັ່ນໃນປີ 2018

  (5) ໃນວັນທີ 30 ພະຈິກ 2018 ສປປ ລາວ, ໄດ້ຈັດ​ໂຮມ​ຊຸມນຸມ​ໃຫຍ່ສະ​ເຫລີ​ມສະຫລອງ​ວັນ​ສ້າງຕັ້ງ​ເມືອງ​ວຽງ​ໄຊ-ຖານ​ທີ່​ໝັ້ນຂອງ​ການ​ປະຕິວັດ​ລາວ ຄົບຮອບ 50 ປີ (30 ພະຈິກ 1968-30 ພະຈິກ 2018) ​ໄດ້​ຈັດ​ຂຶ້ນດ້ວຍ​ບັນຍາກາດ​ຟົດຟື້ນຢູ່​ສະໜາມກິລາ​ເມືອງ​ວຽງ​ໄຊ​ແຂວງ​ຫົວພັນ ​ໂດຍ​ໄດ້​ຮັບ​ກຽດ​ເຂົ້າຮ່ວມ​ຂອງ​ສະຫາຍ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ, ປະທານ​ປະ​ເທດ​ແຫ່ງ ສປປ ລາວ ບຸນ​ຍັງ ວໍລະ​ຈິດ, ມີ​ບັນດາ​ການ​ນຳ​ຂັ້ນສູງ​ພັກ-ລັດ, ກຳລັງ​ປະກອບ​ອາວຸດ, ພະນັກງານ​ປະຕິວັດ​ອາວຸ​ໂສ-ບຳນານ ພ້ອມ​ດ້ວຍ​ຊາວ​ເມືອງ​ວຽງ​ໄຊ​ເຂົ້າຮ່ວມ​ເປັນ​ຈຳນວນ​ຫລວງຫລາຍ, ເພື່ອລະນຶກມູນເຊື້ອບ່ອນຕົ້ນກຳ​ເນີ​ດລະບອບ​ປະຊາທິປະ​ໄຕ​ປະຊາຊົນ​ຢູ່​ປະ​ເທດ​ເຮົາ ແລະ ​ໃນ​ໂອກາດ​ນີ້, ທ່ານ​ປະທານ​ປະ​ເທດ ​ໄດ້​ໃຫ້​ກຽດ​ປະດັບ​ຫລຽນ​ດາວ​ຄຳ​ແຫ່ງ​ຊາດ​ໃຫ້​ແກ່​ເມືອງ​ວຽງ​ໄຊຢ່າງສົມກຽດ.

  (6) ໃນ​ວັນ​ທີ 5-6 ທັນວາ​ 2018, ທ່ານ ສົມ​ເດັດ ອັກຄະມະຫາ​ເສນາ​ບໍດີ ​ເຕ​ໂຈ ຮຸນ​ແຊນ ນາຍົກລັດຖະມົນຕີ​ແຫ່ງຣາຊະ​ອານາຈັກ​ກຳປູ​ເຈຍ ​ໄດ້​ຢ້ຽມຢາມ ສປປ ລາວ ຢ່າງ​ເປັນ​ທາງ​ການ ແລະ ພົບປະສອງຝ່າຍກັບທ່ານ ທອງ​ລຸນ ສີ​ສຸ​ລິດ ​ນາຍົກລັດຖະມົນຕີແຫ່ງ ສປປ ລາວ, ເພື່ອຫາລືເຖິງ​ການ​ຮ່ວມ​ມື​ດ້ານ​ການ​ເມືອງ, ​ເສດຖະກິດ, ການ​ຄ້າ, ການ​ລົງທຶນ, ການ​ສຶກສາ, ການທ່ອງທ່ຽວ, ລວມເຖິງສະພາບຊາຍແດນຈຸດບໍລິເວນແກ້ງຕໍມໍຄອຍ-ຫວ້ຍຕະເຫງົາ ຊຶ່ງເປັນບໍລິເວນຄົງຄ້າງທີ່ຍັງບໍ່ທັນໄດ້ຮັບການແກ້ໄຂ, ໂດຍສອງຝ່າຍໄດ້ຕົກລົງເຫັນດີເປັນເອກະພາບກັນຄື: 1. ບໍ່ໃຫ້ມີກຳລັງທະຫານຢູ່ໃນບໍລິເວນດັ່ງກ່າວ, 2 ບໍ່ໃຫ້ມີປະຊາຊົນອາໄສຢູ່ ຫລື ດຳເນີນທຸລະກິດຢູ່ບໍລິເວນດັ່ງກ່າວ ແລະ 3. ໃຫ້ມີການກວດກາຮ່ວມກັນທັງທາງບົກ, ທາງນ້ຳ ແລະ ທາງອາກາດ, ​ໂດຍ​ສອງ​ຝ່າຍ​ເຫັນ​ດີ​ໃຫ້​ຮັກສາ​ສະຖານະ​ພາບ​ເດີມ​ໃນ​ບໍລິ​ເວນ​ຊາຍ​ແດນ​ທີ່​ຍັງ​ຄົງ​ຄ້າງ, ໃນໂອກາດນີ້, ນາຍົກລັດຖະມົນຕີລາວ ​ແລະ ກຳປູ​ເຈຍ ​ໄດ້​ເຂົ້າຮ່ວມ​ເປັນ​ສັກຂີ​ພິຍານ​ໃນ​ພິທີ​ລົງ​ນາມ​ເອກະສານ​ສຳຄັນ​ຄື: ບົດ​ບັນທຶກ​ຄວາມ​ເຂົ້າ​ໃຈ​ລະຫວ່າງ​ລັດຖະບານລາວ ​ແລະ ກຳປູ​ເຈຍ ວ່າ​ດ້ວຍ​ການ​ຮ່ວມ​ມື​ດ້ານ​ວັດທະນະທຳ ​ແລະ ສິລະ​ປະກຳສົກ​ປີ 2019-2021, ສັນຍາ​ວ່າ​ດ້ວຍ​ການ​ຮ່ວມ​ມື​ດ້ານ​ການ​ສຶກສາ​ໃນ​ໄລຍະ​ປີ 2019-2023, ບົດ​ບັນທຶກ​ຄວາມ​ເຂົ້າ​ໃຈ​ວ່າ​ດ້ວຍ​ການ​ສົ່ງ​ຊ້າງ​ລ້ຽງ​ໄປສະ​ແດງ​ສິລະ​ປະ ​ແລະ ​ແລກປ່ຽນ​ວັດທະນະທຳ​ທີ່​ສວນສັດ​ຊາ​ຟາຣີ ນະຄອນຫລວງ​ພະນົມ​ເປັນ ຣາຊະ​ອານາຈັກ​ກຳປູ​ເຈຍ ​ແລະ ບົດ​ບັນທຶກ​ຄວາມ​ເຂົ້າ​ໃຈ​ກ່ຽວ​ກັບ​ສັນຍາ​ຊື້-ຂາຍ​ໄຟຟ້າ​ແຮງ​ສູງ​ຂະໜາດ 230 Kv ​ແລະ 500 Kv ຈາກ​ສະຖານີ​ໄຟຟ້າ​ບ້ານ​ຫາດ ສປປ ລາວ ຫາ​ສະຖານີ​ໄຟຟ້າ​ສະຕຣອງ​ແຕຣງກຳປູ​ເຈຍ.

  (7) ໃນວັນທີ 17 ທັນວາ 2018 ກອງ​ປະ​ຊຸມ​ລັດ​ຖະ​ມົນ​ຕີຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຄັ້ງ​ທີ 4 ໄດ້​ໄຂ​ຂຶ້ນທີ່ນະຄອນຫລວງພະບາງ,​ ໂດຍມີ​ບັນດາລັດ​ຖະ​ມົນ​ຕີຕ່າງ​ປະ​ເທດ​ດັ່ງກ່າວ ເຊັ່ນ: ລາວ, ຫວຽດ​ນາມ. ຈີນ, ກຳ​ປູ​ເຈຍ, ມ​ຽນ​ມາ ແລະ ໄທ ເຂົ້າ​ຮ່ວມ, ພາຍໃຕ້ຄໍາຂວັນ “ເພີ່ມທະວີການເປັນຄູ່ຮ່ວມມືເພື່ອຄວາມສົມບູນພູນສຸກຮ່ວມກັນ”.

   (8) ໃນວັນທີ 28 ພະຈິກ 2018 ໄດ້ມີພິທີ​ເປີດ​ຄາ​ລະວາ​ນລົດ​ທ່ອງ​ທ່ຽວຈາກນະຄອນຫລວງວຽງຈັນສູ່​ຖານ​ທີ່​ໝັ້ນເມືອງວຽງ​ໄຊ, ​ໂດຍ​ການ​ເຂົ້າ​ຮ່ວມ​ເປີດ​ພິທີ​ຂອງທ່ານ ສອນ​ໄຊ ສີ​ພັນ​ດອນ ຮອງນາຍົກລັດຖະມົນຕີ ແລະ ​ມີ​ຈຳນວນ​ລົດ​ເຂົ້າຮ່ວມ​ຫລາຍກວ່າ 120 ຄັນ, ​ຄາ​ລະວາ​ນດັ່ງກ່າວຈັດຂຶ້ນເພື່ອ​ເປັນ​ການ​ສຶກສາ​ຮຽນຮູ້ ​ແລະ ​ເຜີຍ​ແຜ່​ຄວາມ​ເອກ​ອ້າງ​ທະ​ນົງ​ໃຈຕໍ່ມູນ​ເຊື້ອ​ປະຫວັດສາດ​ການ​ຕໍ່ສູ້​ອັນ​ຍືດ​ເຍື້ອຍາວ​ນານພິລະ​ອາດ​ຫານຂອງ​ປະຊາຊົນ​ບັນດາ​ເຜົ່າ ​ແລະ ວິລະ​ກຳ​ອັນ​ລ້ຳ​ເລີດ​ຂອງ​ບັນດາ​ວິລະ​ຊົນ, ນັກຮົບ​ແຂ່ງຂັນ​ໃນ​ພາລະກິດ​ຕໍ່ສູ່​ປົດ​ປ່ອຍ​ຊາດ, ການ​ປົກ​ປັກ​ຮັກສາ ​ແລະ ພັດທະນາ​ປະ​ເທດ​ຊາດ. ພ້ອມດຽວກັນ, ຍັງ​ເປັນ​ການ​ປຸກລະດົມ​ຂົນຂວາຍ ​ແລະ ສ້າງ​ຂະ​ບວນການ​ໂຄສະນາ​ສົ່ງ​ເສີມ​ປີ​ທ່ອງ​ທ່ຽວລາວ 2018 ໃຫ້ຟົດຟື້ນຍິ່ງຂຶ້ນ.

error: Content is protected !!