ເຫລົ້າ ໃນຄວາມໝາຍທາງວັດທະນະທຳ-ສັງຄົມ

ເຫລົ້າ ໃນຄວາມໝາຍທາງວັດທະນະທຳ-ສັງຄົມ - 52414 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ
ເຫລົ້າ ໃນຄວາມໝາຍທາງວັດທະນະທຳ-ສັງຄົມ - Untitled design - ເຫລົ້າ ໃນຄວາມໝາຍທາງວັດທະນະທຳ-ສັງຄົມ

ໂດຍ: ຄຳພຸດ ເທບພະນົມ

ເຫຼົ້າ ຫຼື ເອີ້ນກັນອີກຊື່ ໜຶ່ງວ່າ “ສຸລາ” ໝາຍເຖິງນໍ້າເມົາຊະນິດໜຶ່ງທີ່ຜະລິດດ້ວຍ ການໝັກດອງຈາກເຂົ້າ, ສາລີ ແລະໝາກໄມ້. ເຫຼົ້າທີ່ບໍ່ຕົ້ມ ກັ່ນເອີ້ນວ່າເຫຼົ້າສາໂທ, ເຫຼົ້າທີ່ຜ່ານການຕົ້ມກັ່ນອອກມາ ແລ້ວເອີ້ນວ່າ “ເຫຼົ້າເດັດ” ຫຼື ເຫຼົ້າຂາວ ເຊິ່ງມັນມີຄວາມ ໝາຍຕໍ່ວັດທະນະທຳ-ສັງຄົມລາວບໍ່ໜ້ອຍ ແລະ ມີຄວາມຜູກພັນກັບວິຖີຊີວິດຂອງຄົນລາວມາຕັ້ງແຕ່ດຶກດຳບັນຕິດ ພັນກັບພິທີກຳທາງຄວາມ ເຊື່ອຖື ແລະເປັນຮີດຄອງປະເພນີໜຶ່ງທີ່ຂາດບໍ່ໄດ້. ດັ່ງທີ່ເຮົາມັກໄດ້ຍິນໄດ້ເຫັນຢູ່ ໃນງານ ພິທີກຳຕ່າງໆຂອງ ລາວເຮົາເຊັ່ນ: ພິທີການສູ່ຂວັນ, ການລ້ຽງຜີມັກມີ “ເຫຼົ້າແກ້ວໄຂ່ໜ່ວຍ” ຖ້າພິທີ ກຳໃຫຍ່ແດ່ກໍຈະເວົ້າວ່າ  “ເຫຼົ້າ ໄຫ ໄກ່ໂຕ” ແລະ ອື່ນໆ.

ເຫລົ້າ ໃນຄວາມໝາຍທາງວັດທະນະທຳ-ສັງຄົມ - 2695 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ
(ພາບປະກອບ)

ເລື່ອງທ້າວຮຸ່ງ ທ້າວ ເຈືອງ ວັນນະຄະດີລາວ ບູ ຮານກໍມັກກ່າວເຖິງການກິນເຫຼົ້າໃນງານບຸນ, ພິທີ ກຳຕ່າງໆ ເຊິ່ງມັນໄດ້ຕິດ ແໜ້ນໃນຊີວິດ ປະຈຳວັນ ຂອງ ຄົນເຮົາເຊັ່ນ: ການວານ ແຂກລົງນາ ກໍມີການລ້ຽງ ເຫຼົ້າ, ການໂຫ່ເນື້ອສຳເລັດ, ການກິນດອງ, ງານສົ່ງສະການສະຫຼອງໄຊຊະນະ ແລະ ງານ, ປະເພນີຕ່າງໆ ລ້ວນແຕ່  ມີການກິນເຫຼົ້າ ຢ່າງມ່ວນ ຊື່ນລື່ນເລີງ ແລະ ຖ້າກ່າວ ເຖິງເຫຼົ້າແລ້ວກໍບໍ່ພຽງແຕ່ ຢູ່ປະເທດເຮົາເທົ່ານັ້ນ ເຊິ່ງ ປະເທດອື່ນໆໃນທົ່ວໂລກຕ່າງກໍມີການດື່ມເຫຼົ້າ, ດື່ມເບຍມາ ແຕ່ດຶກດຳບັນເຊັ່ນກັນຍັງມີປຶ້ມຂຽນ ແລະ ເອກະສານ ຕ່າງໆຍັງໄດ້ກ່າວເຖິງຄວາມສຳຄັນ ແລະ ສັບພະຄຸນ ຂອງເຫຼົ້າວ່າ: “ນໍ້າອັນນີ້ເອີ້ນ ນໍ້າກ້ານໍ້າຫານ ໃຜຈັດທຳ ການມຸງຄຸນ ຫາກເອົາຍັງ     ນໍ້າ ເຫຼົ້າ ນັບແຕ່ເພິ່ນຫຼໍ່ພະ ເຈົ້າຍັງເອົາໄປເຮັດຄາຍພິດ ສະນຸ ຫວິດໄປຮອດຜີພູ ຜີ ແຖນ ແລະ ຜີຟ້າ ຊາວເມືອງ ພະມ້າຍັງເອົາໄປຂຶ້ນຜີທຳ ມະດານໍ້າອັນນີ້ມີມາສຳລັບ ໂລກ ໃຜໄດ້ກິນກໍຫາຍໂສກ ຫາຍໂລກໂພຍໄພ ຜູ້ຂີ້ໄຮ້ໄດ້ ກິນ ກໍກ່າວຄວາມຮັ່ງຄວາມມີ ດີກວ່າພໍ່ກວ່າແມ່ ດີກວ່າຜີ ດໍ້າຜີດວງ …”

ນອກຈາກນີ້ເຫຼົ້າຍັງ ເປັນ ເຄື່ອງມືສື່ສານສາຍສຳພັນບາງຄົນຮູ້ຈັກນິດໄສໃຈ ຄໍສະໜິດສະໜົມກັນ, ໄດ້ສ່ຽວຮັກສ່ຽວແພງເວົ້າຖືກ ຄໍກັນກໍຍ້ອນການຮ່ວມວົງ  ເຫຼົ້າ ອີກດ້ວຍ.

ເຫລົ້າ ໃນຄວາມໝາຍທາງວັດທະນະທຳ-ສັງຄົມ - Wave100S AD to Website 2020 0 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ

ແຕ່ເຖິງຢ່າງໃດ ກໍດີການດື່ມເຫຼົ້າ ຫຼື ສຸລາ ຍັງຖືວ່າເປັນ ສິ່ງທີ່ໃຫ້ໂທດສຳລັບຜູ້ທີ່ດື່ມ ຈົນເກີນຄວາມພໍດີ, ດື່ມໃຫ້ມຶນເມົາຈົນເກີດຄວາມ ປະໝາດຂາດສະຕິ ແລ້ວກໍ່ ເຫດອາລະວາດ, ຂີ່ລົດໄວ ເຊິ່ງເປັນໄປໃນທາງປາກົດການຫຍໍ້ທໍ້ຕໍ່ສັງຄົມ ແລະ ຍັງເປັນການລະເມີດລະບຽບກົດໝາຍບ້ານເມືອງ, ຜິດຕໍ່ ເຈດຈຳນົງຮີດຄອງປະເພນີ ອັນດີງາມຂອງເຖົ້າແກ່ບູ ຮານທີ່ນັບຖືນໍ້າເຫຼົ້າເປັນໜຶ່ງ ໃນວັດທະນະທຳການກິນ ດື່ມສັງສັນທີ່ຂາດບໍ່ໄດ້ຂອງ ສັງຄົມລາວເຮົາ./.

ເຫລົ້າ ໃນຄວາມໝາຍທາງວັດທະນະທຳ-ສັງຄົມ - 52414 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ
(ພາບປະກອບ)

ເຫລົ້າ ໃນຄວາມໝາຍທາງວັດທະນະທຳ-ສັງຄົມ - WhatsApp Image 2020 05 27 at 5 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ
ເຫລົ້າ ໃນຄວາມໝາຍທາງວັດທະນະທຳ-ສັງຄົມ - WhatsApp Image 2020 05 27 at 5 - ເຫລົ້າ ໃນຄວາມໝາຍທາງວັດທະນະທຳ-ສັງຄົມ
error: Alert: ເນື້ອຫາຂ່າວມີລິຂະສິດ !!