ງົບສຸກເສີນສ້ອມແປງຊົນລະປະທານຫຼັງນໍ້າຖ້ວມ ປະຕິບັດສໍາເລັດແລ້ວເປັນສ່ວນ

ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ:​ ການສະໜອງນໍ້າໃຫ້ແກ່ການຜະລິດລະດູແລ້ງ ສົກປີ 2018-2019 ໃນຂອບທົ່ວປະເທດ ມີເນື້ອທີ່ທັງໝົດ 165.000 ເຮັກຕາ, ໃນນັ້ນ, ສະໜອງນໍ້າໃຫ້ເນື້ອທີ່ປູກເຂົ້ານາແຊງ 1 ແສນເຮັກຕາ ແລະ ພືດ 65 ພັນເຮັກຕາ ໃນຈໍານວນ 7.800 ໂຄງການ ແລະ ໂຄງການສຸກເສີນສ້ອມແປງຊົນລະປະທານຫຼັງນໍ້າຖ້ວມ ສາມາດປະຕິບັດສໍາເລັດແລ້ວ 25 ໂຄງການ ເທົ່າກັບ 93% ແລະ ກວດກາໂຄງການຟື້ນຟູປ່ຽງຖ່າຍຈັກສູບນໍ້າ ຈໍານວນ 6 ໂຄງການ, ໃນນັ້ນ, ທຶນກູ້ຢືມຈາກລັດຖະບານອິນເດຍ ມີ 3 ໂຄງການຄື: ເມືອງຫາດຊາຍຟອງ, ນາຊາຍທອງ ແລະ ໄຊທານີ ນະຄອນຫຼວງວຽງຈັນ.

    ສ່ວນການສ້ອມແປງຈັກສູບນໍ້າ ແລະ ລວງຄອງເໝືອງຢູ່ໃນ 5 ເມືອງ ຄື: ສີໂຄດຕະບອງ, ໄຊທານີ, ປາກງື່ມ, ນາຊາຍທອງ ແລະ ຫາດຊາຍຟອງ ນະຄອນຫຼວງວຽງຈັນ, ໃນບ້ວງເງິນສຸກເສີນ ຈໍານວນ 3 ຕື້ກີບນັ້ນ ມາຮອດປັດຈຸບັນປະຕິບັດໄດ້ 2,3 ຕື້ກີບ ເທົ່າກັບ 91% ຂອງມູນຄ່າທັງໝົດ.