ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ

ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ - advert banner 728 90 728x90 - ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ

       ຈຳນວນ​ຜູ້​ເສຍ​ຊີວິດ​ຈາກ​ພະຍາດ​ຫັດຢູ່​ຟີ​ລິບ​ປິນນັບ​ແຕ່​ຕົ້ນ​ເດືອນ​ນີ້​ເພີ່ມ​ຂຶ້ນຢ່າງ​ວ່ອງ​ໄວ​ເປັນ​ຢ່າງ​ໜ້ອຍ 136 ຄົນ, ສ່ວນ​ລັດຖະບານ​ເນັ້ນ​ເຕືອນ​ປະຊາຊົນ​ເລື່ອງ “ຄວາມ​ສຳຄັນ” ຂອງ​ການ​ສັກ​ວັກ​ແຊັງ ​ແລະ ນຳ​ລູກ​ຫລານ​ໄປ​ຮັບ​ວັກ​ແຊັງ​ໂດຍ​ໄວ.

ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ - new3 - ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ

       ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ສາທາລະນະ​ສຸກ​ຂອງ​ຟີ​ລິບ​ປິນລາຍ​ງານ​ສະຖານະ​ການ​ການ​ແຜ່​ລະບາດ​ຂອງ​ພະຍາດ​ຫັດ​ພາຍ​ໃນ​ປະ​ເທດ​ວ່າ: ນັບ​ແຕ່​ປະກາດ​ໃຫ້​ເປັນ​ພາວະ​ສຸກ​ເສີນ​ດ້ານ​ສາທາລະນະ​ສຸກ​ແຫ່ງ​ຊາດ ​ໃນ​ວັນ​ທີ 6 ກຸມພາ ພົບ​ຜູ້​ຕິດ​ເຊື້ອຢ່າງ​ໜ້ອຍ 8.443 ຄົນ ​ໃນ​ຈຳນວນ​ນີ້​ເສຍ​ຊີວິດ​ແລ້ວ 136 ຄົນ ​ໂດຍ​ໃນ​ສ່ວນ​ຈຳນວນ​ຜູ້​ຕິດ​ເຊື້ອ​ເພີ່ມ​ຂຶ້ນສູງ​ເຖິງ 253% ​ເມື່ອ​ທຽບ​ໃສ່​ໄລຍະ​ເວລາ​ດຽວ​ກັນ​ຂອງ​ປີຜ່ານມາ, ສ່ວນ​ຈຳນວນ​ຜູ້​ເສຍ​ຊີວິດ​ເພີ່ມ​ຂຶ້ນສູງ​ເຖິງ 491% ສ່ວນ​ຫລາຍ​ເປັນ​ເດັກ​ອາຍຸ 1-4 ປີ ​ແລະ ບໍ່​ໄດ້​ຮັບ​ການ​ສັກ​ວັກ​ແຊັງ.

       ຂະນະ​ທີ່​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຖະ​ແຫລ​ງ​ໃນ​ວັນ​ທີ 15 ກຸມພາ ຮຽກຮ້ອງ​ໃຫ້​ປະຊາຊົນ​ເຂົ້າຮັບ​ການ​ສັກ​ວັກ​ແຊັງ​ຕາມ​ໂຮງໝໍ ຫລື ສຸກສາລາ​ໃກ້​​ເຮືອນ ​ໂດຍ​ສະ​ເພາະ​ຜູ້​ປົກ​ຄອງ​ນຳ​ລູກ​ຫລານ​ທີ່​ຍັງ​ນ້ອຍ​ໄປ​ຮັບ​ການ​ສັກ​ວັກ​ແຊັງ​ປ້ອງ​ກັນ​ພະຍາດ​ຫັດ. ທ່ານ ຟຣານຊິ​ສ​ໂກ ດູ​ເກ ລັດຖະມົນຕີ​ກະຊວງ​ສາທາລະນະ​ສຸກ​ຂອງ​ຟີ​ລິບ​ປິນ ກ່າວ​ວ່າ: ພື້ນທີ່​ວິ​ກິດ​ທີ່​ສຸດ​ຄື​ນະຄອນຫລວງ​ມະນິລາ ​ເຊິ່ງມີ​ປະຊາກອນ​ອາ​ໄສ​ໜາ​ແໜ້ນ​ກວ່າ 12 ລ້ານ​ຄົນ ​ແລະ ອັດຕາ​ການ​ຕິດ​ເຊື້ອ​ເພີ່ມ​ຂຶ້ນສູງ​ເຖິງ 1.000%.

ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ - lattana 1 - ບໍ່ຮອດເດືອນພະຍາດຫັດຂ້າຊີວິດ ຄົນຟີລິບປິນແລ້ວ 136 ຄົນ

       ທັງ​ນີ້, ພະຍາດ​ຫັດ​ເປັນ​ພະຍາດ​ທີ່​ຕິດ​ຕໍ່​ກັນ​ໄດ້​ງ່າຍ ​ເນື່ອງ​ຈາກ​ແຜ່​ກະຈາຍ​ໄດ້​ຜ່ານ​ທາງ​ອາກາດ ​ໂດຍ​ການ​ໄອ ​ແລະ ຈາມ ຕະຫລອດ​ຈົນ​ການ​ສຳຜັດ​ກັບ​ນ້ຳລາຍ ຫລື ຂີ້ມູກ​ຂອງ​ຜູ້​ປ່ວຍ. ​ເບື້ອງຕົ້ນຜູ້​ຕິດ​ເຊື້ອຈະ​ມີ​ອາການ​ໄຂ້, ຖ້າ​ບໍ່​ໄດ້​ຮັບ​ການ​ປິ່ນປົວ​ທີ່​ຖືກຕ້ອງ​ເກີນ 1 ອາທິດ ອາດ​ເກີດ​ພາວະ​ແຊກ​ຊ້ອນ ​ເຊິ່ງລວມ​ເຖິງ​ສະໝອງ​ອັກ​ເສບ, ປອດ​ອັກ​ເສບ ​ແລະ ຕາບອດ ​ໂດຍ​ການ​ໄດ້​ຮັບ​ວັກ​ແຊັງ​ສາມາດ​ຫລຸດ​ຄວາມ​ສ່ຽງ​ການ​ຕິດ​ເຊື້​ອ​ໄດ້​ສູງ​ເຖິງ 75%.

error: Content is protected !!