ລາວຟອດ ເປີດສູນບໍລິການເຄາະ ແລະ ພົ່ນສີລົດ ພີມ້ຽນ

ພິທີເປີດສູນບໍລິການເຄາະ ແລະ ພົ່ນສີລົດ ພີມ້ຽມ ຂອງບໍລິສັດລາວຟອດ ຊີຕີ, ໄດ້ຈັດຂຶ້ນໃນວັນທີ 21 ກຸມພານີ້, ໂດຍການເຂົ້າຮ່ວມຂອງທ່ານ ໂກບິນັດ ດີນາດາຢາລັບ ຜູ້ຈັດການສູນບໍລິການດັ່ງກ່າວ ແລະ ທ່ານ ຈັດມິນ ຜູ້ຈັດການສູນເຄາະ-ພົ່ນສີໃນພາກພື້ນອາຊີ, ທ່ານ ຄຣິດ ແຈັກແມນ ຜູ້ຈັດການຝ່າຍບໍລິຫານກົນລະຢຸດ ການບັນຊີໃນພາກພື້ນອາຊີ ຂອງທຸລະກິດເຄືອບແກ້ວ ແລະ ມີບັນດາຕົວແທນເຄາະ ແລະ ພົ່ນສີລົດ ໃນນະຄອນຫຼວງວຽງຈັນເຂົ້າຮ່ວມເປັນຈໍານວນຫຼາຍ.

    ຜູ້ຈັດການສູນບໍລິການເຄາະ ແລະ ພົ່ນສີລົດ ພີມ້ຽນ ໄດ້ມີຄໍາເຫັນໃນພິທີວ່າ: ການບໍລິການໃໝ່ຂອງ RMA Lao ນີ້, ແມ່ນເພື່ອເປັນການເພີ່ມຄວາມໝັ້ນໃຈໃຫ້ແກ່ລູກຄ້າ ເພາະສະນັ້ນ ສູນບໍລິການເຄາະ ແລະ ພົ່ນສີລົດ ດັ່ງກ່າວ ຈຶ່ງໄດ້ສ້າງຂຶ້ນມາເພື່ອບໍລິການລູກຄ້າທີ່ໄດ້ນໍາໃຊ້ ເຄື່ອງມື ແລະ ອຸປະກອນທີ່ທັນສະໄໝ ເພື່ອເຮັດໃຫ້ວຽກມີຄຸນນະພາບ, ນອກນີ້, ທາງສູນຍັງມີຊ່າງທີ່ມີສີມື ແລະ ປະສົບການຊໍານານງານມາຫຼາຍກວ່າ 20 ປີແລ້ວ ກ່ຽວກັບວຽກງານເຄາະ ແລະ ພົ່ນສີລົດ ແລະ ປະຕິບັດວຽກງານໃນລະດັບດຽວກັບມາດຕະຖານຂອງໂຮງງານ. ພິເສດຜູ້ມາໃຊ້ບໍລິການເຮັດສີລົດຈະໄດ້ ຮັບປະກັນ 1 ປີ. ພ້ອມນີ້, ຜູ້ເຂົ້າຮ່ວມງານຍັງໄດ້ຮັບຊົມການສາທິດແບບສົດໆຕໍ່ກັບ 3 ປັດໄຈຫຼັກໃນການສ້ອມແປງຢ່າງວ່ອງໄວ, ໂດຍໃຊ້ວິທີການຂອງຊ່າງທີ່ມີຝີມືຊໍານານງານສູງ.

     ສູນບໍລິການເຄາະ ແລະ ພົ່ນສີລົດ ດັ່ງກ່າວ ເປີດໃຫ້ບໍລິການແຕ່ວັນຈັນ-ວັນສຸກ ເວລາ 8:00-17:00 ແລະ ວັນເສົາແຕ່ເວລາ 9:00-16:00, ມີສະຖານທີ່ຕັ້ງຢູ່: ຖະໜົນທ່າເດື່ອ ບ້ານ ສົມສະໜຸກ ເມືອງ ຫາດຊາຍຟອງ ນະຄອນຫຼວງວຽງຈັນ, ໂທ: (021) 813 048 ແລະ (021) 813 049 ໄດ້ຕາມວັນເວລາດັ່ງກ່າວ.