ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ

- 1495421321426 960x0 - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ
- Untitled design - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ

- 1495421321426 960x0 - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ

 

ກອງ​ປະຊຸມ​ລັດຖະມົນຕີ​ການ​ຄ້າ​ກຸ່ມ​ການ​ຮ່ວມ​ມື​ທາງ​ເສດຖະກິດ​ໃນ​ພາກພື້ນອາຊີ-ປາຊີ​ຟິກ (​ເອ​ເປ​ກ) ວັນ​ທີ 19-21 ພຶດສະພາ​ນີ້ ບໍ່​ມີ​ຖະ​ແຫລ​ງການ​ຮ່ວມ ​ເນື່ອງ​ຈາກ​ອາ​​ເມ​ລິ​ກາ​ຄັດຄ້ານ​ເນື້ອ​ໃນ​ຮ່າງ​ຖະ​ແຫລ​ງການ.

 

ຣອຍ​ເຕີ​ເປີດ​ເຜີຍ​ວ່າ: ​ເຈົ້າໜ້າ​ທີ່​ອາ​ເມ​ລິ​ກາ​ທີ່​ເຂົ້າຮ່ວມ​ກອງ​ປະຊຸມ 21 ​ເຂດ​ເສດຖະກິດ​ເອ​ເປ​ກ ຢູ່​ນະຄອນຫລວງ​ຮ່າ​ໂນ້ຍ ຂອງ​ຫວຽດນາມ ຄັດຄ້ານ​ປະ​ໂຫຍກທີ່​ກ່າວ​ເຖິງ​ທ່າ​ອ່ຽງການ​ປົກ​ປ້ອງ​ທາງ​ການ​ຄ້າ​ທີ່​ອາດ​ມີ​ຜົນ​ກະທົບ​ຮຸນ​ແຮງ​ຕໍ່​ຂະ​ບວນການ​ຟື້ນຕົວ​ຂອງ​​ເສດຖະກິດ​ໂລກ ​ແລະ ບູລະນະ​ການ​ທາງ​ເສດຖະກິດ, ​ແຕ່​ຂໍ​ໃຫ້​ມີ​ປະ​ໂຫຍ​ກທີ່​ກ່າວ​ເຖິງ​ການ​ຄ້າ​ແບບ​ບໍ່​ເປັນ​ທຳ​ທີ່​ສົ່ງ​ຜົນ​ໃຫ້ການ​ຄ້າ​ບໍ່​ສົມ​ດູ​ນ ​ແລະ ຮຽກຮ້ອງ​ໃຫ້​ກຳຈັດ​ອຸປະສັກ​ທີ່​ບິດ​ເບືອນ​ການ​ຄ້າ ​ເພື່ອ​ສ້າງ​ຄວາມ​ໝັ້ນ​ໃຈ​ວ່າການ​ຄ້າ​ຈະ​ເສລີ ​ແລະ ​ເປັນ​ທຳ ​ເຮັດ​ໃຫ້​ກອງ​ປະຊຸມ​ລັດຖະມົນຕີ​ການ​ຄ້າ​ເອ​ເປ​ກບໍ່​ສາມາດ​ອອກ​ຖະ​ແຫລ​ງການ​ຮ່ວມ​ໃນ​ວັນ​ທີ 21 ພຶດສະພາ, ​ແຕ່​ມີ​ຖະ​ແຫລ​ງການ​ຂອງ​ຫວຽດນາມ​ໃນ​ຖານະ​ປະທານ​ເອ​ເປ​ກ ​ແລະ ຖະ​ແຫລ​ງການ​ປະຕິບັດ​ການ​ຮ່ວມ​ຂອງ​ລັດຖະມົນຕີ.

- Wave100S AD to Website 2020 0 - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ

 

ທ່ານ ​ເຈິ​ນຕວນອັນ ລັດຖະມົນຕີ​ການ​ຄ້າ​ຫວຽດນາມ ​ເປີດ​ເຜີຍ​ວ່າ: ກອງ​ປະຊຸມ​ມີ​ຄວາມ​​ເຫັນ​ແຕກ​ຕ່າງ​ກັນ​ບາງ​ປະການ, ຖະ​ແຫລ​ງການ​ຂອງ​ປະທານ​ອ້າງ​ອີງ​ເນື້ອ​ໃນ​ທີ່​ກອງ​ປະຊຸມ​ໄດ້​ຫາລື​ກັນ​ກ່ອນ​ໜ້າ​ນີ້, ບໍ່​ມີ​ຂໍ້​ສະ​ເໜີ​ແກ້​ໄຂ​ຂອງ​ອາ​ເມ​ລິ​ກາ​ ​ແຕ່​ມີ​ປະ​ໂຫຍ​ກທີ່​ກ່າວ​ເຖິງ​ການ​ຕໍ່ສູ້​ກັບ​ການ​ປົກ​ປ້ອງ​ທາງ​ການ​ຄ້າ​ໃນ​ທຸກ​ຮູບ​ແບບ. ​ເຈົ້າໜ້າ​ທີ່​ອາ​ເມ​ລິ​ກາ​ທ່ານ​ໜຶ່ງ​ເປີດ​ເຜີຍ​ວ່າ: ອາ​ເມ​ລິ​ກາ​ບໍ່​ສາມາດ​ເຫັນ​ພ້ອມ​ຕໍ່​ຄຳ​ຖະ​ແຫລ​ງຂອງ​ປະທານ ​ແລະ ສາມາດ​ເຮັດ​ໃຫ້​ຄຳ​ຖະ​ແຫລ​ງຂອງ​ປະທານ​ລະບຸ​ຈະ​ແຈ້ງວ່າ​ກອງ​ປະຊຸມ​ບໍ່​ມີ​ຄວາມ​ເຫັນ​ພ້ອມ​ເປັນ​ເອກະ​ສັນ. ນອກ​ຈາກ​ນີ້ ອາ​ເມ​ລິ​ກາ​ຍັງ​ບໍ່​ເຫັນ​ພ້ອມ​ຕໍ່​ຖະ​ແຫລ​ງການ​ປະຕິບັດ​ການ​ຮ່ວມ​ຂອງ​ລັດຖະມົນຕີ​ເອ​ເປ​ກ ​ແລະ ​ໄດ້​ຈັດການ​ຫາລື​ທະວີ​ພາຄີ​ສ້າງ​ມິດຕະພາບ​ກັບປະ​ເທດ​ຄູ່​ຄ້າ​ຫລາຍ​ປະ​ເທດ.

- WhatsApp Image 2020 05 27 at 5 - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ
- WhatsApp Image 2020 05 27 at 5 - ກອງປະຊຸມລັດຖະມົນຕີການຄ້າເອເປັກບໍ່ມີຖະແຫລງການຮ່ວມເພາະອາເມລິກາຄັດຄ້ານເນື້ອໃນ
error: Alert: ເນື້ອຫາຂ່າວມີລິຂະສິດ !!