ລັດເອົາແທ້ ແກ້ບັນຫາທີ່ດິນ

ລັດເອົາແທ້ ແກ້ບັນຫາທີ່ດິນ - advert banner 728 90 728x90 - ລັດເອົາແທ້ ແກ້ບັນຫາທີ່ດິນ

​ໂດຍ : ມຶກ​ບໍ່​ແຫ້ງ

ລັດເອົາແທ້ ແກ້ບັນຫາທີ່ດິນ - new3 - ລັດເອົາແທ້ ແກ້ບັນຫາທີ່ດິນ
ລັດເອົາແທ້ ແກ້ບັນຫາທີ່ດິນ - 38490789 1869548903108839 2170041761131397120 o 1024x682 - ລັດເອົາແທ້ ແກ້ບັນຫາທີ່ດິນ

ບັນຫາທີ່ດິນ ໂດຍສະເພາະກ່ຽວຂ້ອງກັບການໃຫ້ເຊົ່າ-ສຳປະທານທີ່ດິນນັ້ນ ມີມາດົນສົມຄວນແລ້ວ ແຕ່ມາຮອດດຽວນີ້ ລັດຖະບານໄດ້ມີຄວາມພະຍາຍາມໃນການແກ້ໄຂຢ່າງຈິງຈັງຂຶ້ນກວ່າເກົ່າ.

ບັນຫາ ກ່ຽວຂ້ອງ ກັບການໃຫ້ເຊົ່າ, ສຳປະທານທີ່ດິນນັ້ນ ແມ່ນມີມາແຕ່ເຫິງແລ້ວ ໂດຍສະເພາະ ການຂາດຄວາມຮັບຜິດຊອບຂອງບັນດານັກລົງທຶນຈຳນວນໜຶ່ງ ພາຍຫຼັງທີ່ໄດ້ຮັບສຳປະທານແລ້ວ ພັດບໍ່ດຳເນີນການ ຕາມການຕົກລົງຕາມສັນຍາສຳປະທານ ທີ່ໄດ້ກຳນົດໄວ້ ອັນໄດ້ສ້າງຄວາມເສຍຫາຍ ທັງປະຊາຊົນ ແລະລັດຖະບານ.

ໃນກອງປະຊຸມສະໄໝສາມັນ ປະຈຳເດືອນກຸມພາ ຂອງລັດຖະບານ ລະຫວ່າງ ວັນທີ 19-20 ກຸມພາ 2019 ທີ່ຜ່ານມານັ້ນ ລັດຖະບານໄດ້ຕົກລົງເຫັນດີ ໃນການຍົກເລີກ ສັນຍາ ຫຼືການປັບໄໝ ຜູ້ເຊົ່າ-ສຳປະທານທີ່ດິນ ທີ່ບໍ່ເຄື່ອນໄຫວຈຳນວນ 201 ໂຄງການ ເຊິ່ງກວມເອົາເນື້ອທີ່ດິນຮອດ 81,879 ເຮັກຕາ ເຊິ່ງເປັນເນື້ອທີ່ກວ້າງ ໃຫຍ່ສົມຄວນ.

ເຊິ່ງການນຳໃຊ້ມາດຕະການດັ່ງກ່າວ ເຫັນວ່າເປັນບາດກ້າວໃໝ່ໃນການແກ້ໄຂບັນຫາທີ່ດິນຢ່າງຈິງຈັງໃນ ສປປລາວ. ໃນຈຳນວນເນື້ອທີ່ຂອງ 201 ໂຄງການທີ່ກ່າວມາຂ້າງເທິງນັ້ນເຫັນວ່າ ກວມເອົາເນື້ອທີ່ກວ້າງຂວາງ ສົມຄວນ, ລັດຖະບານ ອາດຈະເສຍໂອກາດ ໃນການສ້າງລາຍຮັບ ຜ່ານການເກັບພາສີທີ່ດິນ ແລະປະຊາຊົນກໍອາດ ເຄີກການທຳມາຫາກິນ ໂດຍສະເພາະ ຖ້າໃນຈຳນວນ ທີ່ດິນເຫຼົ່ານັ້ນ ແມ່ນປ່າໄມ້ ທີ່ປະຊາຊົນສາມາດ ຫາເຄື່ອງປ່າຂອງດົງ ເພື່ອການບໍລິໂພກ ແລະຂາຍ ເພື່ອສ້າງລາຍຮັບ.

ພ້ອມນັ້ນ ບັນຫາໜຶ່ງທີ່ສຳຄັນ ພົວພັນກັບການດຳເນີນການຂອງ ພາກເອກະຊົນທີ່ສຳປະທານ ຫຼືເຊົ່ານັ້ນ ແມ່ນການຂາດການສຳຫຼວດເນື້ອທີ່ດິນ ໃນການໃຫ້ສຳປະທານຢ່າງລະອຽດກ່ອນໃຫ້ສຳປະທານ ຕົວຢ່າງ ຢູ່ແຂວງພາກເໜືອ ບ່ອນທີ່ມີການສຳປະທານເນື້ອທີ່ດິນຂະໜາດໃຫຍ່ ໃຫ້ແກ່ນັກລົງທຶນ ເຊິ່ງກໍລະນີນີ້ ບໍ່ແມ່ນວ່າ ນັກລົງທຶນບໍ່ດຳເນີນການ ແຕ່ປະຊາຊົນພົບພໍ້ບັນຫາ ຢູ່ບ່ອນວ່າ ເມື່ອເນື້ອທີ່ດິນ ທີ່ເຂົາເຈົ້າເຄີຍໄປຫາເຄື່ອງປ່າດົງ, ຫຼື ເນື້ອທີ່ທຳການຜະລິດນັ້ນ ນອນໃນໂຄງການຂອງລັດຖະບານທີ່ໃຫ້ ເອກະຊົນສຳປະທານ ໂດຍຂາດການ ປຶກສຶກສາຫາລືຢ່າງເຕັມສ່ວນລະຫວ່າງພາກສ່ວນທີ່ກ່ຽວຂ້ອງ ແລະປະຊາຊົນ.

ລັດເອົາແທ້ ແກ້ບັນຫາທີ່ດິນ - lattana 1 - ລັດເອົາແທ້ ແກ້ບັນຫາທີ່ດິນ

ດັ່ງນັ້ນ, ເພື່ອຫຼີກຫຼ່ຽງບັນຫາດັ່ງກ່າວຈຶ່ງເຫັນດີທີ່ສຸດ ເມື່ອລັດຖະບານໄດ້ຕົກລົງໃນກອງປະຊຸມສະໄໝສາມັນ ປະຈຳເດືອນກຸມພາ 2019 ວ່າ  “ໃຫ້ບັນດາກະຊວງອົງການ ແລະ ອົງການປົກຄອງທ້ອງຖິ່ນ ເອກະພາບກັບກະຊວງຊັບພະຍາກອນ ທໍາມະຊາດ ແລະ ສິ່ງແວດລ້ອມ ລົງສໍາຫຼວດວັດແທກຕົວຈິງ ເພື່ອອອກແຜນທີ່ດິນລັດ ກ່ອນເຊັນສັນຍາສໍາປະທານ ເພື່ອເປັນເອກະສານໃຫ້ກະຊວງການເງິນ, ສາມາດເກັບຄ່າເຊົ່າ-ສໍາປະທານດິນໄດ້”

ນອກນັ້ນ ຜູ້ຂຽນຍັງເຊື່ອວ່າ ມັນເປັນສິ່ງຈຳເປັນທີ່ສຸດທີ່ພວກເຮົາຕ້ອງຢຶດໝັ້ນຫຼັກການທີ່ວ່າ ກ່ອນການເຊັນສັນຍາສຳປະທານທີ່ດິນແກ່ເອກະຊົນນັ້ນ ຕ້ອງໃຫ້ແນ່ໃຈວ່າ ປະຊາຊົນໃນຂົງເຂດ ທີ່ຈະໃຫ້ສຳປະທານນັ້ນ ເຫັນດີເຫັນພ້ອມ ຜ່ານຂະບວນການ ປຶກສາຫາລືນຳເຂົາເຈົ້າ ຢ່າງເຕັມສ່ວນ ໂດຍການສະໜອງຂໍ້ມູນ ກ່ຽວກັບການສຳປະທານ ໃຫ້ປະຊາຊົນຮັບຮູ້ລ່ວງໜ້າສາກ່ອນ.

ອີກເທື່ອໜຶ່ງ, ການເກີດມີ ໂຄງການທີ່ບໍ່ດຳເນີນການພາຍຫຼັງເຊັນສັນຍາ ຫຼື ດຳເນີນການໄປໃນທາງທີ່ຜິດກົດໝາຍບ້ານເມືອງ ເຊັ່ນ ການທຳລາຍ ສິ່ງແວດລ້ອມທຳມະຊາດນັ້ນ ກໍຢ້ອນກັບມາຫາພວກເຮົາ ຢູ່ບ່ອນວ່າ ພວກເຮົາເລືອກນັກລົງທຶນທີ່ດີ ແລ້ວຫຼືຍັງ?

error: Content is protected !!