ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ

ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ - advert banner 728 90 728x90 - ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ

ໃນ​ວັນ​ທີ 5 ມີນາ​ນີ້, ສະຫະພັນ​ແມ່ຍິງ​ສະພາ​ແຫ່ງ​ຊາດ​ໄດ້​ຈັດ​ກອງ​ປະຊຸມ​ສະຫລຸບ​ວຽກງານ​ປີ 2018 ​ແລະ ວາງ​ທິດ​ທາງ​ແຜນການ​ປີ 2019 ພ້ອມ​ທັງ​ຖືໂອກາດນີ້ສະ​ເຫລີ​ມສະຫລອງ​ວັນ​ແມ່ຍິງ​ສາກົນ ວັນ​ທີ 8 ມີນາ ຄົບຮອບ 109 ປີ ຂຶ້ນ​ຢູ່ຫໍສະພາແຫ່ງຊາດ​, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ນາງ ສີ​ໃສ ລື​ເດດ​ມູນ​ສູນ ຮອງ​ປະທານສະພາ​ແຫ່ງ​ຊາດ ພ້ອມດ້ວຍເອື້ອຍນ້ອງ​ແມ່ຍິງໃນສະພາ​ເຂົ້າ​ຮ່ວມ​ເປັນ​ຈໍານວນ​ຫລາຍ.

ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ - new3 - ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ

ຮອງ​ປະທານສະພາ​ແຫ່ງ​ຊາດ ກ່າວ​ວ່າ: ຜ່ານ​ມາສະຫະພັນ​ແມ່ຍິງ​ສະພາ​ແຫ່ງ​ຊາດ​ໄດ້​ປະຕິບັດໜ້າທີ່​ຂອງ​ຕົນ​ຕາມ​ພາລະ​ບົດບາດ, ສິດ ​ແລະ ໜ້າທີ່ ທີ່​ກໍານົດ​ໄວ້​ໃນ​ກົດໝາຍວ່າ​ດ້ວຍ​ສະຫະພັນ​ແມ່ຍິງ​ລາວ ​ແລະ ພາຍ​ໃຕ້​ກາ​ນຊີ້​ນໍາ-​ນໍາພາ ຂອງ​ຄະນະ​ສະພາ​ແຫ່ງ​ຊາດ ​ແລະ ສູນ​ກາງ​ສະຫະພັນ​ແມ່ຍິງ​ລາວ ເຮັດພາລະ​ບົດບາດ​ສຶກສາ​ອົບຮົມ ​ແລະ ຊຸກຍູ້​ສະມາຊິກ​ສະຫະພັນ​ແມ່ຍິງ​​ເຊື່ອມ​ຊຶມ​ແນວທາງ​ນະ​ໂຍບາຍ​ຂອງ​ພັກ, ລັດຖະທໍາ​ມະນູນ, ກົດໝາຍ ​ແລະ ນິຕິ​ກໍ​າ​ຕ່າງໆ, ສຶກສາ​ມູນ​ເຊື້ອອັນດີງາມຂອງເອື້ອຍນ້ອງແມ່ຍິງລາວ ​ແລະ ຊຸກຍູ້​ສົ່ງ​ເສີມ​ການ​ອະນຸລັກຮັກສາ​ວັດ​ທະນະ​ທໍາ, ຮີດຄອງ​ປະ​ເພນີ​ອັນ​ດີງາມ​ຂອງ​ຊາດ, ເສີມ​ຂະຫຍາຍ​ຄຸນ​ລັກສະນະ​ທີ່​ເປັນ​ມູນ​ເຊື້ອ​ຂອງ​ແມ່ຍິງ​ລາວໃຫຍ່ຍືນຍົງຕະຫລອດໄປ.

ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ - lattana 1 - ສະພາ​ແຫ່ງ​ຊາດສະຫລອງ​ວັນ​ແມ່ຍິງ​ສາກົນ

ໃນຕໍ່ໜ້ານີ້ ສະຫະພັນແມ່ຍິງສະພາຈະເລັ່ງປັບປຸງ​ການ​ເຄື່ອນ​ໄຫວ​ວຽກງານ​ຂອງ​ຕົນ​ໃຫ້​ໄປ​ສູ່​ຄຸນ​ນະພາ​ບ, ຊຸກຍູ້​ຈັດ​ຕັ້ງ​ຜັນ​ຂະຫຍາຍ​ຄໍາ​ຂວັນ 3 ດີ ແລະອອກແຮງ​ເຕົ້າ​ໂຮມຄວາມ​ສາມັກຄີ​ຂອງ​ເອື້ອຍນ້ອງແມ່ຍິງໃນສະພາໃຫ້ມີ ຄວາມໜັກແໜ້ນ, ​ສົ່ງ​ເສີມ​ໃຫ້​ເອົາໃຈໃສ່ສ້າງ​ເສດຖະກິດ ​ແລະ ສ້າງ​ລາຍ​ຮັບ​ຂອງຄອບຄົວຖືກຕ້ອງ​ຕາມລະບຽບກົດໝາຍ, ປຸກລະດົມ​ເຂົ້າ​ຮ່ວມ​ຂະ​ບວນເຄື່ອນໄຫວການ​ຂອງ​ຄະນະ​ພັກ ​ແລະ ​ຍົກ​ສູງ​ຄວາມ​ຮັບຜິດຊອບ​ວຽກງານ​ວິຊາ​ສະ​ເພາະ ຂອງຕົນໃຫ້ມີຄຸນນະພາບສູງຂຶ້ນ.

error: Content is protected !!