ຮອງນາຍົກເນັ້ນຂະແໜງການເງິນເອົາໃຈໃສ່ວຽກງານກວດກາຕ້ານການສໍ້ລາດບັງຫລວງໃຫ້ມີປະສິດທິຜົນ

ໃນໂອກາດທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ​ໄດ້​ມີ​ຄຳ​ເຫັນ​ໂອ້​ລົມ​ຕໍ່ກອງ​ປະຊຸມສະຫລຸບ​ວຽກງານ​ການຈັດ​ຕັ້ງກໍ່ສ້າງ​ພັກ-​ພະນັກງານ ​ແລະ ວຽກງານ​ກວດກາ​ປະຈໍາປີ 2018 ​ໃນ​ວັນ​ທີ 13 ມີນານີ້, ​ໂດຍ​ໄດ້​ເນັ້ນ​ໃຫ້ຄະນະ​ພັກ, ຄະນະ​ນຳກະຊວງ ກໍ​ຄືພະນັກ ງານ-ລັດຖະກອນຂະ​ແໜງການ​ເງິນ​ໃນ​ຂອບ​ເຂດ​ທົ່ວ​ປະ​ເທດ ​ຈົ່ງເພີ່ມທະວີຄວາມໜັກແໜ້ນເຂັ້ມແຂງຕໍ່ການແກ້ໄຂບັນຫາຫຍໍ້ທໍ້ທີ່ເກີດຂຶ້ນໃຫ້ຫລຸດໜ້ອຍຖອຍລົງ ແລະ ເອົາ​ໃຈ​ໃສ່ຈັດຕັ້ງປະຕິບັດບັນດາຄາດໝາຍ ກໍຄືເນື້ອໃນມະຕິ, ຄໍາສັ່ງ, ຂໍ້ກໍານົດຕ່າງໆຂອງພັກ ແລະ ລັດຖະບານວາງອອກຢ່າງເຂັ້ມ

ງວດ. ໂດຍສະເພາະແມ່ນມະຕິ, ຄໍາສັ່ງກ່ຽວກັບວຽກງານຕິດຕາມກວດກາ, ສະກັດກັ້ນ ແລະ ຕ້ານການສໍ້ລາດບັງຫລວງໃຫ້ມີຄວາມໜັກແໜ້ນ ແລະ ເກີດຜົນເປັນຈິງ. ພ້ອມນັ້ນ ຕ້ອງມີການສະຫລຸບຕີລາຄາຊອກຫາສາເຫດ ແລະ ຖອດຖອນບົດຮຽນວຽກງານຕິດຕາມ ກວດກາຢູ່ບັນດາກົມ ແລະ ທ້ອງຖິ່ນຂອງຕົນ ໃຫ້ເລິກເຊິ່ງຖືກຕົວຈິງ ເພື່ອວາງທິດທາງແຜນການແກ້ໄຂ. ສຳລັບວຽກງານຈຸດສຸມທີ່ຕ້ອງສືບຕໍ່ສູ້ຊົນປະຕິບັດໃນປີ 2019, ພາກສ່ວນກ່ຽວຂ້ອງ ຕ້ອງມີຈິດໃຈບຸກບືນກວ່າເກົ່າ ເຮັດໃຫ້ວຽກງານຕິດຕາມ ກວດກາ ສະກັດກັ້ນ ແລະ ຕ້ານການສໍ້ລາດບັງຫລວງ ມີການຫັນປ່ຽນໃໝ່ຢ່າງຕັ້ງໜ້າ; ກົມກວດກາ ຂະແໜງກວດກາ ຕ້ອງມີແຜນເຄື່ອນໄຫວຕິດຕາມກວດກາ, ຊຸກຍູ້ບັນດາກົມກອງ ແລະ ທ້ອງຖິ່ນ ປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບ.

ທ່ານ ຮອງນາຍົກລັດຖະມົນຕີ ຍັງຢ້ຳໃຫ້ເອົາໃຈໃສ່ຊີ້ນໍາ ແລະ ສຸມໃສ່ຕິດຕາມ ກວດກາການຄຸ້ມຄອງບໍລິຫານລັດໃນແຕ່ລະກົມ ເຊັ່ນ: ຕິດຕາມ, ກວດກາ, ການປະຕິບັດພາລະບົດບາດ ໜ້າທີ່ການໃຊ້ສິດອໍານາດຂອງແຕ່ລະຂະແໜງການ ແລະ ທ້ອງຖິ່ນ; ການເກັບລາຍຮັບເຂົ້າງົບປະມານ-ແກ້ໄຂການຮົ່ວໄຫລ, ການຄຸ້ມຄອງລາຍຈ່າຍ ລວມທັງບ້ວງທຶນແກ້ໄຂໄພພິບັດຕ່າງໆ; ສືບຕໍ່ປະຕິບັດມາດຕະການ ຕິດຕາມ, ກວດກາເລີ່ມແຕ່ຫົວທີ ຕໍ່ການປະຕິບັດໂຄງການລົງທຶນຂອງລັດ ໂດຍສະເພາະ ໂຄງການກໍ່ສ້າງພື້ນຖານໂຄງລ່າງປີ 2019; ເພີ່ມທະວີການຕິດຕາມ ກວດກາ ຢູ່ດ່ານຊາຍແດນກ່ຽວກັບການລັກລອບຄ້າຂາຍເຖື່ອນ ເມື່ອພົບເຫັນຜູ້ລະເມີດຕ້ອງແກ້ໄຂຢ່າງເຂັ້ມງວດ, ທັນການຕາມລະບຽບກົດໝາຍ, ພ້ອມທັງເຂັ້ມງວດຕໍ່ການປະຕິ

ບັດກົດໝາຍພາສີ-ອາກອນ ແລະ ລະບຽບກົດໝາຍອື່ນໆທີ່ກ່ຽວຂ້ອງ, ສ້າງກົນໄກການປະສານງານໃຫ້ມີຄວາມຄ່ອງແຄ້ວຊັດເຈນກວ່າເກົ່າ.