ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ

ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ - advert banner 728 90 728x90 - ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ

      ​ເຮືອບິນ​ໂດຍສານ​ໂບອິ້ງ 737 ຂອງ​ສາຍ​ການບິນ​ເຊົາ​ເວສ ​ແອ​ລາຍ ຕ້ອງ​ລົງ​ຈອດ​ສຸກ​ເສີນ ​ໃນ​ວັນ​ທີ 26 ມີນາ​ນີ້ ຫລັງ​ຈາກ​ເກີດ​ບັນຫາ​ຢູ່​ເຄື່ອງ​ຈັກ​ໃນ​ຂະນະ​ກຳລັງ​ຍ້າຍ​ເຮືອບິນ​ຈາກ​ຟໍຣິດາ​ໄປ​ກາ​ລິ​ຟໍ​ເນຍ.

ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ - new3 - ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ

      ສຳນັກງານ​ບໍລິຫານ​ການ​ບິນ​ແຫ່ງ​ຊາດ​ອາ​ເມ​ລິ​ກາ ຫລື FAA ກ່າວ​ໃນ​ຖະ​ແຫລ​ງການ​ວ່າ: ​ເຮືອບິນ​ລຳ​ດັ່ງກ່າວ​ເດີນທາງ​ກັບ​ສະໜາມ​ບິນ​ຕົ້ນທາງ ​ແລະ ລົງ​ຈອດ​ຢ່າງ​ປອດ​ໄພ​ໃນ​ເມືອງ​ອໍ​ແລນ​ໂດ ​ໃນ​ຟໍ​ຣິດາ, ​ເຮືອບິນ​ລຳ​ນີ້​ບໍ່​ມີ​ຜູ້​ໂດຍສານ, ​ເປັນ​ການ​ຍ້າຍ​ເຮືອບິນ​ໄປ​ວິກ​ເຕີວິວ ​ໃນ​ກາ​ລິ​ຟໍ​ເນຍ ​ເປັນ​ການ​ເກັບ​ຮັກສາ ​ໂດຍ FAA ກຳລັງ​ສອບ​ສວນ​ກໍລະນີ​ທີ່​ເກີດ​ຂຶ້ນນີ້. ກ່ອນ​ໜ້າ​ນີ້ FAA ປະກາດ​ໃນ​ວັນ​ທີ 13 ມີນາ​ ຫ້າມ​ສາຍ​ການບິນ​ຕ່າງໆ​ໃຊ້​ເຮືອບິນ​ໂບອິ້ງ 737 ​ແມັກ ຫລັງ​ຈາກ​ເກີດ​ເຫດ​ເຮືອບິນ​ຮຸ້ນ​ນີ້​ຕົກ 2 ​ເຫດການ ​ເປັນ​ເຮືອບິນ​ຂອງ​ສາຍ​ການບິນ​ເອທິ​ໂອ​ປີ ​ແອ​ລາຍ ​ແລະ ​ໄລ​ອອນ ​ແອ ທີ່​ມີ​ຜູ້​ເສຍ​ຊີວິດ​ຈຳນວນ​ຫລາຍ, ​ແຕ່​ຍັງ​ອະນຸຍາດ​ໃຫ້​ຍ້າຍ​ເຮືອບິນ​ຈາກ​ສະໜາມ​ບິນ​ໜຶ່ງ​ໄປ​ຫາ​ສະໜາມ​ບິນ​ໜຶ່ງ. ທາງ​ສາຍ​ການບິນ​ເຊົາ​ເວສ ​ແອ​ລາຍ ກ່າວ​ວ່າ: ​ເຮືອບິນ​ລຳ​ດັ່ງກ່າວ​ປະສົບ​ບັນຫາ​​ເຄື່ອງ​ຈັກ ຫລັງ​ຈາກ​ບິນ​ຂຶ້ນ​ໄດ້​ບໍ່​ດົນ, ນັກ​ບິນ​ໄດ້​ປະຕິບັດ​ຕາມ​ລະບຽບ​ວິທີ​ການ ​ແລະ ນຳ​ເຮືອບິນ​ກັບ​ມາ​ລົງ​ຈອດ​ໄດ້​ຢ່າງ​ປອດ​ໄພ ​ໂດຍ​ທາງ​ສາຍ​ການບິນ​ກຳລັງ​ຈະ​ນຳ​ເອົາ​ເຮືອບິນ ​ໂບອິ້ງ 737 ​ແມັກ 8 ລຳ​ນີ້​ໄປ​ໄວ້​ຢູ່​ສູນ​ສ້ອມ​ແປງ​ໃນ​ເມືອງ​ອໍ​ແລນ​ໂດ.

ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ - lattana 1 - ເຮືອບິນໂບອິ້ງ 737 ແມັກຕ້ອງລົງຈອດສຸກເສີນ ຢູ່ອາເມລິກາລະຫວ່າງເຄື່ອນຍ້າຍ
error: Content is protected !!