ອັງກິດເລີ່ມຕົ້ນລຶບລ້າງຄຳວ່າ: ສຳພັນທະມິດເອີຣົບ ອອກຈາກໜັງສືຜ່ານແດນຂອງປະຊາຊົນແລ້ວ
# ລູກເມືອງພວນ
ໜັງສືຜ່ານແດນທີ່ອອກໃຫ້ປະຊາຊົນອັງກິດນັບແຕ່ວັນທີ 30/3 ເປັນຕົ້ນມາ ແມ່ນບໍ່ມີຄຳວ່າ: “ສຳພັນທະມິດເອີຣົບ” ອີກແລ້ວ, ເຖິງວ່າອັງກິດຍັງບໍ່ທັນຖອນຕົວອອກຈາກ ສຳພັນທະມິດເອີຣົບ ກໍຕາມ.
ອີງຕາມຄຳໃຫ້ການຂອງກະຊວງພາຍໃນອັງກິດ ໃຫ້ຮູ້ວ່າ: ເພື່ອປະຕິບັດຕາມຂໍ້ຕົກລົງແຕ່ປີ 2017 ນັ້ນ, ໜັງສືຜ່ານແດນທີ່ອອກໃຫ້ປະຊາຊົນ ນັບແຕ່ວັນທີ 30/3 ເປັນຕົ້ນມາ ແມ່ນບໍ່ມີຄຳວ່າ: ສຳພັນທະມິດເອີຣົບ ອີກແລ້ວ, ແຕ່ເອກະສານອື່ນໆນັ້ນແມ່ນຍັງມີຄຳວ່າ: EU ຢູ່ ເພື່ອປະຢັດງົບປະມານ.
ວັນທີ 29/3 ໃນເບື້ອງຕົ້ນຄິດວ່າຈະເລີ່ມຕົ້ນເວລາໃດອັງກິດພົ້ນອອກຈາກ EU ຫລື ອັນທີ່ເອີ້ນກັນວ່າ: Brexit, ແຕ່ການຖອນຕົວນັ້ນຖືກຢຸດສະງັກໄປ ຍ້ອນສະພາຂອງອັງກິດຍັງມີການສູ້ຢັນກັນຢູ່ຢ່າງຕໍ່ເນື່ອງ. ສຳພັນທະມິດເອີຣົບ ໄດ້ຂີດເສັ້ນຕາຍໃຫ້ອັງກິດມີຄວາມແນ່ນອນກ່ອນວັນທີ 12/4.
“ພວກເຮົາຍັງສືບຕໍ່ອອກໜັງສືຜ່ານແດນໃຫ້ປະຊາຊົນຍັງມີຄຳວ່າ: “ສຳພັນທະມິດເອີຣົບ” ຢູ່ໃນໄລຍະເວລາດັ່ງກ່າວ”. ປະຊາຊົນບໍ່ມີສິດເລືອກວ່າຈະເອົາໜັງສືຜ່ານແດນປະເພດໃດ. ກະຊວງພາຍໃນໃຫ້ຮູ້ຕື່ມວ່າ: ໜັງສືຜ່ານແດນສອງຢ່າງນັ້ນແມ່ນມີຄຸນຄ່າເທົ່າທຽມກັນ.
ໃນຂະນະດຽວກັນ, ປະຊາຊົນຈຳນວນໜຶ່ງມີຄວາມຕົກສະເງີ້ກັບໜັງສືຜ່ານແດນໃໝ່ນີ້ ເພາະອັງກິດບໍ່ທັນຖອນຕົວອອກຈາກ ສຳພັນທະມິດເອີຣົບ ຢ່າງຖາວອນເທື່ອ. ນັ້ນແມ່ນຄຳເຫັນຂອງທ່ານນາງ Susan Hindle Barone ຂຽນລົງໃນທະວິດເຕີຂອງເຂົາ ພາຍຫລັງທີ່ເຂົາມີໜັງສືຜ່ານແດນຫົວໃໝ່.
ເດືອນ 6/2016 ລັດຖະບານອັງກິດໄດ້ຢັ່ງຫາງສຽງຂອງປະຊາຊົນ ເຊິ່ງໃຫ້ຜົນຕອບຮັບ 52% ແມ່ນເຫັນດີໃຫ້ຖອນຕົວອອກຈາກສຳພັນທະມິດເອີຣົບ. ເດືອນ 11/2018 ສຳພັນທະມິດເອີຣົບໄດ້ຮັບຮູ້ການຖອນຕົວຂອງອັງກິດ ແລະ ໄດ້ອອກຄຳຖະແຫລງການການເມືອງກ່ຽວກັບການພົວພັນຂອງລອນດອນກັບສຳພັນທະມິດເອີຣົບ. ການຂັດແຍ່ງຢ່າງເຄັ່ງຕຶງລະຫວ່າງນາຍົກ May ອັງກິດ ກັບສະພາອັງກິດເພີ່ມທະວີການກົດດັນໃຫ້ອັງກິດຖອນຕົວອອກຈາກເອີຣົບ ເຊິ່ງບໍ່ມີຂໍ້ຕົກລົງກັນແຕ່ຢ່າງໃດ.
ອີງຕາມ https://vnexpress.net, ລົງວັນທີ 8/4
