ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ

- 1495592019614 960x0 - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ
- Untitled design - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ

- 1495592019614 960x0 - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ

ມະນິລາ 24 ພຶດສະພາ: ປະທານາທິບໍດີ ໂຣດຣິໂກ ດູເຕີເຕ ຂອງຟີລິບປິນ ເປີດເຜີຍວ່າ: ກົດໄອຍະການເສິກ ທີ່ປະກາດໃຊ້ໃນພື້ນທີ່ທາງໃຕ້ຂອງປະເທດອາດໃຊ້ເວລາເຖິງ 1 ປີ ແລະ ຈະເຂັ້ມງວດຄືກັບປະກາດໃຊ້ໃນສະໄໝປະ ທານາທິບໍດີ ເຟີດິນັນ ມາຣກອສ.

 

ລັດຖະບານຟີລິບປິນເອົາວີດີໂອຂອງປະທານາທິບໍດີ ດູເຕີເຕ ມາເຜີຍແຜ່ອອນລາຍວ່າ: ຖ້າຕ້ອງໃຊ້ເວລາ 1 ປີ ແລ້ວສະຖານະການດີຂຶ້ນພາຍໃນ 1 ເດືອນ ທ່ານກໍຍິນດີຈະປະຕິບັດ. ຊາວຟີລິບປິນເຄີຍຜ່ານການໃຊ້ກົດໄອຍະ ການເສິກເຖິງ 2 ທົດສະວັດແລ້ວ ໃນສະໄໝປະທານາທິບໍດີ ມາຣກອສ ເທື່ອນີ້ອາດຈະບໍ່ແຕກຕ່າງກັນຫລາຍ. ທ່ານຈະກຳຈັດການກໍ່ການຮ້າຍຢ່າງເດັດຂາດຕາມທີ່ໄດ້ຫາສຽງໄວ້ໃນປີກ່ອນ ເພາະເຄີຍເຕືອນແລ້ວວ່າຢ່າບີບໃຫ້ ຕ້ອງລົງມືເອງ, ທ່ານຈະເຮັດເພື່ອປົກປ້ອງປະເທດ ແລະ ປະຊາຊົນ. ທ່ານ ດູເຕີເຕີ ບັນທຶກວີດີໂອດັ່ງກ່າວກ່ອນ ຫລຸດເວລາຢ້ຽມຢາມຣັດເຊຍລົງ 1 ວັນ ແລະ ເດີນທາງກັບປະເທດທັນທີ.

- Wave100S AD to Website 2020 0 - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ

 

ກ່ອນໜ້ານີ້ໂຄສົກປະທານາທິບໍດີຖະແຫລງວ່າ: ປະທານາທິບໍດີໄດ້ປະກາດໃຊ້ກົດໄອຍະການເສິກເຖິງ 60 ວັນ ຕາມກຳນົດໄວ້ໃນລັດຖະທຳມະນູນຢູ່ມິນດາເນົາ ທາງຕອນໃຕ້ທີ່ມີປະຊາກອນທັງໝົດ 20 ລ້ານຄົນ ມີຜົນນັບແຕ່ ຕອນຄໍ່າວັນທີ 23 ພຶດສະພາ, ພາຍຫລັງກຸ່ມອາບູໄຊຍາບທີ່ເປັນພັນທະມິດກັບກຸ່ມລັດອິສລາມ (IS) ບຸກຍຶດ ເມືອງມາຣາວີ ເຊິ່ງມີປະຊາກອນ 200.000 ກວ່າຄົນ ຫ່າງຈາກນະຄອນຫລວງມະນິລາໄປທາງໃຕ້ 830 ກິໂລ ແມັດ. ຊາວເມືອງມາຣາວີເຜີຍແຜ່ພາບກຸ່ມຄົນຮ້າຍຈັບປືນຍ່າງເລາະໄປຕາມຖະໜົນ ມີທຸງສີດຳຄືທຸງຂອງ IS. ທາງການສັນນິຖານວ່າ: ກຸ່ມຄົນຮ້າຍມີປະມານ 100 ຄົນ ບຸກຍຶດໂຮງໝໍ ແລະ ຄຸກ, ຈູດອາຄານຫລາຍຫລັງ ລວມທັງໂບດ. ອີກທັງຍັງມີນັກແມ້ນປືນຢູ່ຕາມອາຄານຕ່າງໆ ເຮັດໃຫ້ທາງການຍາກຈະເຂົ້າເຖິງ. ຕຳຫລວດ 1 ຄົນ ແລະ ທະຫານ 2 ຄົນ ຖືກຍິງເສຍຊີວິດລະຫວ່າງການບຸກເຮືອນຫລັງໜຶ່ງທີ່ເຊື່ອວ່າແກນນຳຄົນໜຶ່ງລີ້ຊ້ອນ ຢູ່.

- WhatsApp Image 2020 05 27 at 5 - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ
- WhatsApp Image 2020 05 27 at 5 - ດູເຕີເຕ ເຜີຍອາດໃຊ້ກົດໄອຍະການເສິກຢູ່ພາກໃຕ້ເປັນເວລາ 1 ປີ
error: Alert: ເນື້ອຫາຂ່າວມີລິຂະສິດ !!