ປະເພນີ 6 ຢ່າງ ທີ່ບໍ່ຄວນເບິ່ງຂ້າມ
ໂດຍ: ລູກເມືອງພວນ
ຄົນລາວເປັນຄົນມີນິໄສອ່ອນນ້ອມຖອມຕົນ, ນັບຖືສາສະໜາພຸດຮູ້ບາບ-ບຸນ- ຄຸນ- ໂທດ, ເປັນຄົນເມດຕາ ອາລີ, ເອື້ອເຜື້ອເພື່ອແຜ່ເກື້ອກູນຊ່ວຍເຫລືອເຊິ່ງກັນ ແລະ ກັນ. ຄົນລາວມີປະເພນີດີງາມຫຼາຍຢ່າງທີ່ເປັນໜ້ານັບຖື, ຍົກຍ້ອງ ເຊິ່ງແຕກຕ່າງກັບ ຊາດອື່ນໆໃນໂລກນັ້ນຄື:
1.ເຂົ້າວັດຕ້ອງນຸ່ງເຄື່ອງເປັນລະບຽບຮຽບຮ້ອຍຈົບງາມ, ຜູ້ຍິງຕ້ອງນຸ່ງສີ້ນ, ເກົ້າຜົມ, ບ່ຽງແພ. ອັນນີ້ແມ່ນ ຮີດຄອງປະເພນີ – ວັດທະນະທຳຂອງລາວມາແຕ່ບູຮານນະການ.ພວກເຮົາຄວນຮັກສາໄວ້ໃຫ້ດີ.
2.ຜູ້ຍິງບໍ່ໄດ້ໄປໃກ້ ແລະ ຊູນເອົາພະສົງ.
3.ບໍ່ເອົາຕີນຂຶ້ນຫ້າງ ຫຼື ໄວ້ບ່ອນສູງບ່ອນມີຫຼາຍຄົນ.
ໂດຍສະເພາະແມ່ນຜູ້ຍິງແມ່ນຫ້າມເດັດຂາດ.ຖ້າປະພຶດສິ່ງນັ້ນຖືວ່າບໍ່ມີມາລະຍາດ, ບໍ່ໃຫ້ກຽດແລະບໍ່ນັບຖືຄົນອື່ນ, ບໍ່ຮູ້ຕໍ່າຮູ້ສູງ.
4.ບໍ່ສະແດງຄວາມຮັກຢູ່ ໃນສະຖານທີ່ສາທາລະນະ.
ການສະແດງຄວາມຮັກຢູ່ບ່ອນຫຼາຍຄົນ ຫຼື ຢູ່ສະຖານທີ່ສາທາລະນະເຊັ່ນການກອດ,ຈູບກັນບໍ່ແມ່ນປະເພນີ ແລະ ວັດທະນະທຳຂອງລາວ.
5.ລູບຫົວຄົນອື່ນ.
ການລູບຫົວຄົນອື່ນຖື ວ່າ ເປັນການບໍ່ນັບຖື ແລະ ບໍ່ໃຫ້ກຽດຄົນອື່ນ, ມັນເປັນການໝິ່ນປະໝາດຄົນອື່ນ.
6.ບໍ່ຄວນເວົ້າດັງຢູ່ໃນສະຖານທີ່ສາທາລະນະ.
ນິໄສຂອງຄົນລາວເປັນຄົນຄ່ອຍເວົ້າຄ່ອຍຈາ, ມາລະຍາດອ່ອນນ້ອມຖອມຕົນ ບໍ່ ເວົ້າດັງໃນບ່ອນມີຫຼາຍຄົນຄ່ອຍເວົ້າຄ່ອຍຈາຈິ່ງເປັນ ຄົນມີມາລະຍາດ./.
