ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ

ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ - advert banner 728 90 728x90 - ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ

      ບັນດາ​ຜູ້ນຳ​ໂລກ​ຮ່ວມ​ປະນາມ​ເຫດ​ລະ​ເບີດ​ຫລາຍ​ຄັ້ງຢູ່​ສີ​ລັງກາ ​ໃນ​ວັນ​ທີ 21 ​ເມສາ ​ເຊິ່ງຈຳນວນ​ຜູ້​ເສຍ​ຊີວິດ​ເພີ່ມ​ເປັນ 290 ຄົນ​ແລ້ວ ​ໂດຍ​ເຊື່ອ​ວ່າ​ໃນ​ຈຳນວນ​ດັ່ງກ່າວ​ມີ​ຊາ​ວຕ່າງປະ​ເທດ​ລວມຢູ່​ນຳ.

ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ - new3 - ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ

      ທັງ​ນີ້, ຍີ່ປຸ່ນ ຢືນຢັນ​ວ່າ​ມີ​ພົນລະ​ເມືອງ​ຂອງ​ຕົນ​ເສຍ​ຊີວິດ​ໃນ​ເຫດການ​ຄັ້ງນີ້​ນຳ. ນອກຈາກ​ນີ້ ຍັງ​ເຊື່ອ​ວ່າ: ມີ​ພົນລະ​ເມືອງ​ຂອງ​ອັງກິດ, ​ໂຮ​ນລັງ ​ແລະ ອາ​ເມ​ລິ​ກາ​ລວມຢູ່​ນຳ.

      ລາຍ​ງານ​ລະບຸ​ວ່າ: ສົມ​ເດັດ​ພະ​ສັນຕະປາປາ​ຟຣານຊິ​ສ​ແຫ່ງ​ຄຣິສຕະຈັກ​ນິກາຍ​ໂຣມັນ​ຄາ​ທໍ​ລິກ ສະ​ແດງ​ຄວາມ​ເສຍ​ໃຈ​ຕໍ່​ກໍລະ​ນີ​ເຫດ​ໂຈມ​ຕີ​ຕໍ່​ຊຸມ​ຊົນ​ຊາວ​ຄຣິສ​ໃນ​ຂະນະ​​ຈັດ​ພິທີ​ທາງ​ສາສະໜາ. ຂະນະ​ທີ່ ນູ​ແວນ​ເຊ​ລັງ, ນາຍົກລັດຖະມົນຕີ ຈາ​ຊິນ​ດາ ອາ​ເດິ​ນ ກ່າວ​ປະນາມ​ການ​ກໍ່​ການ​ຮ້າຍ​ທຸກ​ຮູບ​ແບບ, ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ກ່າວ​ສະ​ແດງ​ຄວາມ​ເສຍ​ໃຈ​ໃນ​ນາມ​ຂອງ​ຊາວ​ອາ​ເມ​ລິ​ກາ ​ແລະ ພ້ອມ​ຈະ​ໃຫ້ການ​ຊ່ວຍ​ເຫລືອ​ແກ່​ສີ​ລັງກາ, ສ່ວນ​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ ອອກ​ຖະ​ແຫລ​ງການ​ປະນາມ​ເຫດການ ​ເຊັ່ນ​ດຽວ​ກັບ​ຜູ້ນຳ​ປາ​ກິດ​ສະຖານ ​ແລະ ຜູ້ນຳ​ອິນ​ເດຍ.

ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ - lattana 1 - ຫລາຍປະເທດຮ່ວມປະນາມ ເຫດລະເບີດຢູ່ສີລັງກາ

       ສ່ວນ​ທ່ານ ມອງ ​ໂຄດ ຍຸງ​ເກີ ປະທານ​ຄະນະ​ກຳມາ​ທິການ​ເອີຣົບ ອອກ​ຖະ​ແຫລ​ງການສະ​ແດງ​ຄວາມ​ເສຍ​ໃຈ, ຂະນະ​ທີ່​ທ່ານ ນາງ ​ເຟ​ເດຣິກາ ​ໂມ​ເກຣິນີ ຫົວໜ້າ​ນະ​ໂຍບາຍ​ຕ່າງປະ​ເທດ​ຂອງ EU ກ່າວ​ວ່າ: ​ເປັນ​ມື້ທີ່​ໜ້າ​ເສົ້າສຳລັບ​ສີ​ລັງກາ ​ແລະ ທົ່ວ​ໂລກ. ຂະນະ​ທີ່ ປະທານາທິບໍດີ ​ເອມາ​ນູ​ແອ​ລ ມາຄຣົງ ຂອງຝຣັ່ງ ກ່າວ​ປະນາມ​ການ​ໂຈມ​ຕີ ​ເຊັ່ນ​ດຽວ​ກັບ ​ນາຍົກລັດຖະມົນຕີ ອັງ​ເກ​ລາ ​ແມຣ​ເຄິລ ຂອງ​​ເຢຍລະ​ມັນ, ນາຍົກລັດຖະມົນຕີ ​ເທ​ເຣຊາ ​ເມ ຂອງ​ອັງກິດ, ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ, ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຂອງ​ອິດສະ​ລາ​ແອນ ​ແລະ ປະທານາທິບ​ໍດີ ມາ​ມຸດ ອັບ​ບັດ ຂອງ​ປາ​ແລັສຕິນ.

error: Content is protected !!