ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ

ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ - advert banner 728 90 728x90 - ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ

​ໂດຍ: ມຶກ​ບໍ່​ແຫ້ງ

ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ - new3 - ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ

ການ​ເກີດ​ອຸປະຕິ​ເຫດ​ຢູ່​ສ​ປ​ປ​ລາວ ບໍ່​ມີ​ທີ່​ທ່າ​ຈະຫລຸດ​ໜ້ອຍຖອຍ​ລົງ, ພົນ​ລະ​ເມືອງ​ລາ​ວ​ຈຳ​ນວນຫລາຍ​ກຳ​ລັງດຳ​ລົງ​ຊີ​ວິດຢູ່​ທ່າມ​ກາງຄວາມບໍ່​ປອດ​ໄພ​ຂອງ​ເສັ້ນ​ທາງ ແລ້ວ​ຈະ​​ແກ້​ໄຂ​ແນວ​ໃດ?

ຖ້າ​ພວກ​ເຮົາ​ສົມ​ມຸດ​ວ່າ ພາຍ​ໃນ​​ໜຶ່ງເດືອນ​ມີ​ຄົນ​ຕາຍ​ຍ້ອນ​ການ​ລະ​ບາດ​ຂອງ​ໄຂ້​ຍຸງ​ລາຍ ຫລື ຖືກເສືອ​ກັດຈຳ​ນວນ 100 ກວ່າ​ຄົນ ​ອາດ​ຈະ​ເປັນ​ຂ່າວ​ຄາວ​ທີ່​ແຕກ​ຕື່ນ ແລະ​ປະ​ກາດ​ເຫດ​ສຸກ​ເສີ​ນ​ຂຶ້ນ​ມາ​ທັນ​ທີ ແຕ່​ເປັນ​ຫຍັງຈຶ່ງບໍ່​ເປັນ​ແບບນັ້ນ ສຳ​ລັບອຸປະຕິເຫດ​ລະ?

ເມື່ອບໍ່​ດົນ​ຜ່ານ​ມາ ທາງ​ເຈົ້າ​ໜ້າ​ທີ​ຕຳຫລວດ ເພິ່ນ​ອອກ​ມາ​ແຈ້ງ​ໃຫ້​ພວກ​ເຮົາ​ຮູ້​ວ່າ ພຽງ​ພາຍ​ໃນ 3 ເດືອນ​ຕົ້ນ​ປີ 2019 ຄົນ​ລາວ​ຕາຍ​ຍ້ອນອຸປະຕິເຫດ​ເຖິງ 300 ກວ່າ​ຄົນ ສະ​ແດງວ່າ ເດືອນ​ລະ 100 ກວ່າ​ຄົນ, ມື້​ລະ 3-4 ຄົ​ນ ໂດຍ​ສະ​ເລ່ຍ ເຊິ່ງ​ສະ​ຖິ​ຕິນີ້ ແມ່ນ​ເປັນ​ຕາ​ຢ້ານຫລາຍ​ທີ່​ສຸດ. ຈາກ​ຕົວ​ເລກນີ້ ອຸປະຕິເຫດ ໄດ້​ກາຍ​ເປັນ​ສາ​ເຫດ​ຂອງ​ການ​ເສຍ​ຊີ​ວິດ​ຂອງ​ຄົນ​ລາວຫລາຍ​ທີ່​ສຸດ.

​    ເປັນ​ສິ່ງ​ຈະ​ແຈ້ງວ່າ ສາ​ເຫດ​ຂອງ​ການ​ເກີດ​ອຸປະຕິເຫດຢູ່​ລາວ​ສ່ວນ​ໃຫຍ່ ແມ່ນ​ເກີດ​ຈາກ​ ຄວາມ​ປະ​ໝາດ ແລະ​ຂາດ​ສະ​ຕິ ຂາດ​ຄວາມ​ຮັບ​ຜິດ​ຊອບ ໂດຍ​ສະ​ເພາະ​ການ​ດື່ມ​ສິ່ງ​ມຶນ​ເມົາ​ແລວ​ຂັບ​ຂີ່, ການ​ລະ​ເມີດ​ກົດ​ຈາ​ລະ​ຈອນ ກໍແມ່ນ​ເປັນ​ສາ​ເຫດ​ໜຶ່ງ ທີ່​ເຈົ້າ​ໜ້າ​ທີ່ ມີ​ຄວາມ​ເປັນ​ຫ່ວງ ເພາະ​ຄົນ​ສ່ວນຫລາຍ ຍັງ​ບໍ່​ໃຫ້​ຄວາມ​ເຄົາ​ລົບ​, ພວກ​ເຮົາ​ຈະ​ເຫັນຜູ້​ຄົນ​ລ່ວງ​ໄຟ​ແດງ​ເລື້ອຍໆ, ຂັບ​ຂີ່​ລົດ​ໄວ, ສະ​ພາບ​ຮ່າງ​ກາຍບໍ່​ພ້ອມ​ຂອງ​ນັກ​ຂັບ​ຂີ່ (ເຊັ່ນ ຫລັບ​ໃນ), ສະ​ພາບ​ເສັ້ນ​ທາງ (ການກໍ່​ສ້າງ ທີ່ບໍ່​ເປັນ​ລະ​ບຽບ, ທາງ​ມືດ…), ຫລື ຮ້າຍ​ແຮງ​ໄປ​ກວ່ານັ້ນກໍ​ແມ່ນ​ມາດ​ຕະ​ຖານຂອງ​ນັກ​ຂັບ​ຂີ່ຢູ່​ປະ​ເທດ​ເຮົາ​ຍັງ​ຕ່ຳ ເພາະ​ໃບ​ຂັບ​ຂີ່ທີ່​ໄດ້​ມາ​ແບບປອມໆຍັງ​ມີຫລາຍ.

ແຕ່​ສາ​ເຫດ​ຕົ້​ນ​ຕໍ​ກໍ​ຍັງ​ແມ່ນ​ການ ດື່ມ​ສິ່ງ​ມຶນ​ເມົາ​ແລ້ວ​ຂັບ​ຂີ່ ແລະ​ການ​ລະ​ເມີດ​ຈາ​ລະ​ຈອນ, ການ​ຂັບ​ຂີ່ທີ່​ເຮັດ​ຕາມ​ໃຈ ເທິງ​ທ້ອງ​ຖະ​ໜົນ.

ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ - lattana 1 - ອຸ​ປະຕິ​ເຫດ ຄວນ​ເປັນ​ເຫດ​ສຸກ​ເສີນ

ການ​ເກີດ​ອຸປະຕິເຫດໄດ້​ສ້າງ​ຄວາມ​ເສຍ​ຫາຍ​ຢ່າງຫລວງຫລາຍແກ່ ສ​ປ​ປ​ລາວ, ການ​ເສຍ​ຊີ​ວິດ ຂອງ​ຜູ້​ຄົນ ກໍ​ຖື​ວ່າ ເປັນ​ການ​ສູນ​ເສຍ​ທີ່​ປະ​ເມີນ​ຄ່າບໍ່​ໄດ້ແລ້ວ, ຍິ່ງ​ເຮັດ​ໃຫ້​ຄົນ​ເສຍ​ອົງ​ຄະເພີ່ມ​ຂຶ້ນ​ເປັນ​ຈຳ​ນວນຫຼວງຫລາຍ, ພາ​ຫະ​ນະ​ເປ່​ເພກໍ​ເປັນ​ການ​ສູນ​ເສຍ​ຊັບ​ສິນ. ຈາກ​ສາ​ເຫດ ການ​ເກີດ​ອຸ​ປະຕິ​ເຫດ​ຂ້າງ​ເທິງ, ຜູ້​ທີ່ບໍ່​ເມົາແລ້ວ​ຂັບ​ຂີ່, ຜູ້​ທີ່​ມີ​ສະ​ຕິ​ດີໃນ​ການ​ຂັບ​ຂີ່ກໍ​ອາດ​ມີ​ຄວາມ​ສ່ຽງຈາກ​ກຸ່ມ​ຄົນຂັບ​ຂີ່ໃນ​ຂະ​ນະ​ມຶນ​ເມົາ, ບໍ່​ເກງ​ກົວຕໍ່​ລະ​ບຽບ​ຈາ​ລະ​ຈອນເຊັ່ນ​ກັນ.

ໃນ​ປັດ​ຈຸ​ບັນ ປະ​ຊາ​ຊົນ​ເຮົາ​ຈຳ​ນວນຫຼວງຫລາຍມີ​ຄວາມ​ຢ້ານ​ກົ​ວໃນ​ການ​ນຳ​ໃຊ້​ລົດນຳ​ໃຊ້​ຖະ​ໜົນ ເນື່ອງ​ຈາກວ່າຄວາມ​ເປັນ​ລະ​ບຽບ​ຮຽບ​ຮ້ອຍເທິງ​ທ້ອງ​ຖະ​ໜົນ​ພວກ​ເຮົາ​ຍັງ​​ເຮັດ​ບໍ່​ໄດ້​ດີ​ຢ່າງ​ເຕັມ​ສ່ວນ ເຖິງວ່າການ​ໂຄ​ສະ​ນາ, ການ​ເຜີຍ​ແຜ່ຂໍ້​ມູນ​ຂ່າວ​ສານ​ຢ່າງ​ຕໍ່​ເນື່ອງຂອງ​ເຈົ້າ​ໜ້າ​ທີ່​ກໍ​ຕາມ.

ສິ່ງ​ທີ່​ເໜືອ​ການ​ຄວບ​ຄຸມຂອງ​ເຈົ້າ​ໜ້າ​ທີ​ ກໍ​ຄືການ​ຂາດສະ​ຕິ​ຄວາມ​ຮັບ​ຜິດ​ຊອບ​ຕໍ່​ສັງ​ຄົມຂອງ​​ຜູ້​ຄົນໃນ​ສັງ​ຄົມ​ເຮົາທີ່​ເຮັດ​ໄດ້​ຕາມ​ໃຈໃນ​ການ​ຂັບ​ຂີ່ ເຊິ່ງ​ຕ້ອງ​ຊອກ​ຫາ​ວິ​ທີ​ທາງ ໃນ​ການ​ປູກ​ຈິດ​ສຳ​ນຶກ​ໃຫ້ເລິກ​ເຊິ່ງ​ເຖິງ​ຖອງ​ແທ້ໆ. ສິ່ງ​ສຳ​ຄັນ ໄປ​ກວ່ານັ້ນ ແມ່ນ​ມັນ​ເຖິງ​ເວ​ລາ​ແລ້ວ ​ຂັ້ນວາງ​ນະ​ໂຍ​ບາຍ ຕະຫຼອດ​ຮອດ​ຂອດ​ການ​ຈັດ​ຕັ້ງ​ປະ​ຕິ​ບັດກ່ຽວ​ກັບ​ການ​ເຄັ່ງ​ຄັດເລື່ອງ​ການ​ຂັບ​ຂີ່ ​ເພື່ອຫລຸດ​ຜ່ອນ​ອຸປະຕິເຫດຕ້ອງ​ເຮັດ​ຢ່າງ​ຮີບ​ຮ້ອນ ແລະ​ ຈິງ​ຈັງ, ເວົ້າ​ແທ້ເຮັດ​ໃຫ້​ໄດ້, ຄວນ​ຖື​ເອົາ​ການຕາຍ​ຂອງ​ຄົນ​ລາວ​ຈາກ​ອຸປະຕິ​ເຫດ ເປັນ​ບັນ​ຫາ​ທີ່​ຕ້ອງ​ໄດ້​ຮັບ​ການ​ແກ້​ໄຂຢ່າງ​ຮີບ​ດ່ວນ ບໍ່​ດັ່ງ​ນັ້ນ ພວກ​ເຮົາ​ຈະ​ສູນ​ເສຍ​ຊັບ​ພະ​ຍາ​ກອນ​ມະ​ນຸດ​ຂອງ​ຊາດ ດ້ວຍ​ສາ​ເຫດ​ທີ່​ປ້ອງ​ກັນ​ໄດ້​ນີ້ ຫລາຍ​ຕື່ມ​ອີກ​ຊັກ​​ໄຊ້

error: Content is protected !!