ຜູ້ນຳ IS ປະກາດແກ້ແຄ້ນໃຫ້ບັນດານັກຮົບ

- advert banner 728 90 728x90 - ຜູ້ນຳ IS ປະກາດແກ້ແຄ້ນໃຫ້ບັນດານັກຮົບ

     ອັລ ​ເຟີ​ຄານ ​ເຄືອ​ຂ່າຍ​ສື່​ຂອງ​ກຸ່ມ​ຕິດ​ອາວຸດ​ລັດ​ອິດສະ​ລາມ (IS) ​ໄດ້​ເຜີຍ​ແຜ່​ຄຳ​ກ່າວ​ໃນ​ວີ​ດີ​ໂອ ​ເຊິ່ງມີ​ການ​ອ້າງ​ວ່າ​ເປັນ​ຂອງ​ ອາ​ບູ ບັກ ອັລ ບັກ​ດາ​ດີ ຜູ້ນຳ IS. ຖື​ເປັນ​ການ​ປາກົດ​ຕົວ​ເປັນຄັ້ງທຳ​ອິດ​ໃນ​ຮອບ 5 ປີ.

- lattana 1 - ຜູ້ນຳ IS ປະກາດແກ້ແຄ້ນໃຫ້ບັນດານັກຮົບ

      ວີ​ດີ​ໂອ​ດັ່ງກ່າວ​ມີ​ຄວາມ​ຍາວ 18 ນາທີ ​ໂດຍ ບັກ​ດາ​ດີ ກ່າວ​ເຕືອນ​ວ່າ: ກຸ່ມ IS ຈະ​ແກ້​ແຄ້ນ​ບັນດາ​ນັກຮົບ​ຖືກ​ຄຸມ​ຂັງ ​ແລະ ຖືກ​ສັງຫານ ທັງ​ຍອມຮັບ​ເຖິງ​ການ​ເສຍ​ໄຊ​ຂອງ​ກຸ່ມ IS ​ໃນ​ການ​ເຮັດ​ສົງຄາມ ​ເພື່ອ​ຮັກສາ​ເມືອງ​ແບກ​ໂຮ ​ເຊິ່ງ​ເປັນ​ຖານ​ທີ່​ໝັ້ນສຸດ​ທ້າຍ​ຂອງ​ກຸ່ມ IS ​ຢູ່​ຊີຣີ ລວມທັງ​ມີ​ການ​ຫາລື​ກ່ຽວ​ກັບ​ເຫດ​ໂຈມ​ຕີ​ດ້ວຍ​ລະ​ເບີດ​ຢູ່​ສີ​ລັງກາ ທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ຫລາຍ​ກວ່າ 250 ຄົນ.

     ລາຍ​ງານ​ລະບຸ​ວ່າ: ວີ​ດີ​ໂອ​ນີ້ສ້າງ​ຂຶ້ນນັບ​ແຕ່​ຕົ້ນ​ເດືອນ​​ເມສາ​ນີ້, ​ແຕ່​ປັດຈຸບັນ​ຍັງ​ບໍ່​ສາມາດ​ພິສູດ​ຄວາມ​ຖືກຕ້ອງ ​ແລະ ວັນ​ທີ​ບັນທຶກ​ວີ​ດີ​ໂອ.

      ຜູ້ນຳ IS ຄົນ​ນີ້ ປາກົດ​ຕົວ​ຄັ້ງສຸດ​ທ້າຍ​ຕໍ່​ສາທາລະນະ​ໃນ​ເມືອງ​ໂມ​ຊຸລປີ 2014 ທີ່​ມີ​ກາ​ນສະຖາປະນາ​ການ​ປົກຄອງ​ແບບກາ​ຫລິບ​ອິດສະ​ລາມ​ເໜືອ​ພື້ນທີ່ຢຶດຄອງ​ຂອງ IS ​ໃນ​ພື້ນທີ່​ຕິດ​ຕໍ່​ລະຫວ່າງ ຊີຣີ ​ແລະ ອີຣັກ ​ແລະ ນັບ​ແຕ່​ນັ້ນມາ​ກໍ​ມີ​ຂ່າວ​ວ່າ​ລາວ​ຖືກ​ສັງຫານ.

- Tiger Head 728x90 - ຜູ້ນຳ IS ປະກາດແກ້ແຄ້ນໃຫ້ບັນດານັກຮົບ
- 1 1 - ຜູ້ນຳ IS ປະກາດແກ້ແຄ້ນໃຫ້ບັນດານັກຮົບ
error: Content is protected !!