​ເບິ່ງ​ຕື່ມ​ຄຸນ​ນະພາ​ບ​ໂຮງຮຽນ​ການ​ຂັບ​ຂີ່

- advert banner 728 90 728x90 - ​ເບິ່ງ​ຕື່ມ​ຄຸນ​ນະພາ​ບ​ໂຮງຮຽນ​ການ​ຂັບ​ຂີ່

ໂດຍ: ທ່ຽງ​ທຳ

- new3 - ​ເບິ່ງ​ຕື່ມ​ຄຸນ​ນະພາ​ບ​ໂຮງຮຽນ​ການ​ຂັບ​ຂີ່

ສະບາຍດີ, ເພື່ອຜູ້ອ່ານທີ່ຮັກແພງ, ເວົ້າແນວນີ້ກໍບໍ່ໝາຍ ຄວາມວ່າ ໂຮງຮຽນການຂັບ ຂີ່ເຮົາບໍ່ມີຄຸນນະພາບດອກ.

ແຕ່ທ່ຽງທຳຢາກຂໍເນັ້ນຕື່ມເລື່ອງການຍົກສູງຈັນຍາບັນ,  ຈັນຍາທຳຂອງຜູ້ຂັບຂີ່ໃຫ້ດີກວ່ານີ້. ເພາະປັດຈຸ ບັນເບິ່ງຄື ວ່າບັນຫາອຸປະຕິເຫດນັບມື້ ຮ້າຍແຮງຂຶ້ນ ແລະ ຜູ້ເສຍຊີວິດ, ເສຍອົງຄະຈາກ ອຸປະຕິເຫດດັ່ງກ່າວກໍນັບມື້ ເພີ່ມທະວີຈົນກາຍເປັນກະແສລາຍວັນໄປແລ້ວນອກ ຈາກການດື່ມ ສິ່ງມືນເມົາເປັນຕົ້ນເຫດແລ້ວ, ທັດລົງມາ ກໍແມ່ນຄຸນສົມບັດຂອງຜູ້ຂັບຂີ່, ການລ່ວງລະເມີດບໍ່ປະຕິບັດລະບຽບຈະລາຈອນກໍເກີດຂຶ້ນຫລາຍ ແລະ ຮ້າຍ ແຮງກວ່ານັ້ນກໍແມ່ນການໜີ່ນປະໝາດລະບຽບກົດໝາຍ ແລະ ອື່ນໆ.

ສິ່ງນີ້ກໍເນື່ອງມາຈາກນັກ ຂັບຂີ່ເຮົາຮູ້ພຽງກຳພວງມະໄລເທົ່ານັ້ນສ່ວນເລື່ອງຈັນຍາ ບັນຈັນຍາທຳຂອງຜູ້ຂັບຂີ່ນັ້ນສ່ວນໜຶ່ງແມ່ນເອົາໄວ້ເບື້ອງຫລັງ.

- lattana 1 - ​ເບິ່ງ​ຕື່ມ​ຄຸນ​ນະພາ​ບ​ໂຮງຮຽນ​ການ​ຂັບ​ຂີ່

ນີ້ກໍອາດເປັນຍ້ອນເວລາຮ່ຳຮຽນ, ຂັບຂີ່ຢູ່ໂຮງຮຽນຕ່າງໆ ນັ້ນພວກເຮົາຍັງຖືເບົາ ໃນການສຶກສາອົບຮົມເລື່ອງ ກິລິຍາຂອງຜູ້ຂັບຂີ່, ເຊິ່ງສ່ວນ ຫລາຍເລັ່ງໃສ່ແຕ່ເຕັກນິກການຂັບຂີ່ເທົ່ານັ້ນແຕ່ຍັງຂາດອັນຕົ້ນຕໍຂອງມັນ, ເຈິ່ງກໍໃຫ້ເກີດມີປາກົດການຂັບຂີ່ລົດໄວເກີນກຳນົດ, ແຊງຊາຍແຊງຂວາ ຢ່າງບໍ່ມີລະບຽບ, ກະທັ້ງຮອດຜູ້ຂັບຂີ່ລົດໂດຍສານກໍຍັງມີປາກົດການນີ້ ເຊັ່ນກັນ, ຈິ່ງກໍ່ໃຫ້ເກີດສິ່ງບໍ່ ເພິ່ງປາຖະໜາຕ່າງໆ  ອັນໄດ້ ຂ້າຊີວິດຂອງຜູ້ໂດຍສານໄປ ແລ້ວນັບຫລາຍສົບ, ດັ່ງເຫດການເກີດຂຶ້ນຢູ່ເສັ້ນທາງ 13 ໃຕ້ເຂດເມືອງປາກກະ ດິງເມື່ອໄລຍະສົງການຜ່ານມາສົ່ງຜົນໃຫ້ຜູ້ໂດຍສານນັບ ເປັນ 5-6 ສົບຕ້ອງຈາກໂລກນີ້ໄປ.

ນີ້ກໍເນື່ອງຈາກການຂາດສະຕິຂອງຜູ້ຂັບຂີ່ ແລະ ຫລາຍບັນຫາອື່ນໆ ອີກ, ເຊິ່ງຂະແໜງການກ່ຽວຂ້ອງຄວນ ເບິ່ງຕື່ມຄຸນນະພາບໂຮງຮຽນການຂັບຂີ່ ແລະ ເລື່ອງມາລະຍາດຂອງຜູ້ຂັບຂີ່ໃຫ້ເຂັ້ມງວດກວ່າເກົ່າ./.

- 5741777444 - ​ເບິ່ງ​ຕື່ມ​ຄຸນ​ນະພາ​ບ​ໂຮງຮຽນ​ການ​ຂັບ​ຂີ່
(ພາບປະກອບ)
error: Content is protected !!