ຄະນະປະຈໍາສະພາສະເໜີຫລາຍບັນຫາໃນວຽກງານຟື້ນຟູປ່າໄມ້

- advert banner 728 90 728x90 - ຄະນະປະຈໍາສະພາສະເໜີຫລາຍບັນຫາໃນວຽກງານຟື້ນຟູປ່າໄມ້

ໃນວາລະດໍາເນີນກອງປະຊຸມສະພາແຫ່ງຊາດໃນວັນທີ 10 ມິຖຸນານີ້, ທ່ານ ບຸນປອນ ສີສຸລາດ ກໍາມະການຄະນະປະຈໍາສະພາແຫ່ງຊາດ ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ໄດ້ສະເໜີຫລາຍບັນຫາໃຫ້ລັດຖະບານເອົາໃຈໃສ່ໃນວຽກງານຟື້ນຟູປ່າໄມ້ ເປັນຕົ້ນແມ່ນສະເໜີໃຫ້ພາກສ່ວນກ່ຽວຂ້ອງເພີ່ມທະວີຄວາມເອົາໃຈໃສ່ສ້າງກົນໄກປະສານງານ ແລະ ເຮັດວຽກຮ່ວມກັນ, ໂດຍຊຸກຍູ້ໃຫ້ຜູ້ພັດທະນາໂຄງການປະຕິບັດພັນທະຕ່າງໆເຂົ້າກອງທຶນພັດທະນາປ່າໄມ້ ແລະ ຊັບພະຍາກອນປ່າໄມ້ຕາມລະບຽບກົດໝາຍ, ພ້ອມທັງສ້າງແຜນການນໍາໃຊ້ງົບປະມານດັ່ງກ່າວເຂົ້າໃນວຽກງານຟື້ນຟູປ່າໄມ້ ແລະ ປູກໄມ້, ໂດຍການມີສ່ວນຮ່ວມຂອງປະຊາຊົນໃນເຂດດັ່ງກ່າວ ເພື່ອເພີ່ມເນື້ອທີ່ປ່າປົກຫຸ້ມໃຫ້ໄດ້ຕາມຄາດໝາຍ, ພ້ອມທັງເພີ່ມທະວີເອົາໃຈໃສ່ການສ້າງນິຕິກໍາໃຫ້ຮັດກຸ່ມ ເພື່ອຄຸ້ມຄອງການປູກໄມ້ອຸດສາຫະກໍາເປັນສິນຄ້າ, ມີແຜນການທີ່ຊັດເຈນໃນການຕັດໄມ້ ແລະ ປູກໄມ້ ລວມທັງການປູກໄມ້ຂອງພາກເອກະຊົນ ເພື່ອໃຫ້ຮັບປະກັນຄວາມສົມດູນ, ກໍານົດພື້ນທີ່ຈະປູກຕົ້ນໄມ້ທົດແທນໃນຂອບເຂດພື້ນທີ່ໂຄງການ ແລະ ເຂດອື່ນທີ່ມີເງື່ອນໄຂເໝາະສົມ, ພ້ອມທັງອອກລະບຽບການ ເພື່ອປົກປັກຮັກສາເນື້ອທີ່ປູກໄມ້ດັ່ງກ່າວໃຫ້ມີຄວາມເຕີບໃຫຍ່, ໂດຍການມີສ່ວນຮ່ວມຂອງປະຊາຊົນໃນທ້ອງຖິ່ນ, ຄົ້ນຄວ້າສ້າງເງື່ອນໄຂໃຫ້ທຸກພາກສ່ວນໃນສັງຄົມໄດ້ປະກອບສ່ວນສະໜັບສະໜູນ ແລະ ເຂົ້າຮ່ວມໃນວຽກງານຟື້ນຟູປ່າ ແລະ ປູກໄມ້ໃຫ້ເປັນປ່າ ເພື່ອປົກປັກຮັກສາສິ່ງແວດລ້ອມຕາມທິດສີຂຽວ ແລະ ຍືນຍົງ ແລະ ເພື່ອຮັບປະກັນໃຫ້ແກ່ການຄຸ້ມຄອງ, ການນໍາໃຊ້ງົບປະມານຂອງກອງທຶນເຂົ້າໃນວຽກງານຟື້ນຟູປ່າ ແລະ ປູກໄມ້ໃຫ້ມີປະສິດທິຜົນນັ້ນ, ສະເໜີໃຫ້ພິຈາລະນາເອົາເງິນຄ່າພັນທະຟື້ນຟູປ່າ ແລະ ປູກໄມ້ທົດແທນຄືນ ແລະ ພັນທະອື່ນໆ ເຂົ້າກອງທຶນພັດທະນາປ່າໄມ້ ແລະ ຊັບພະຍາກອນປ່າໄມ້ ຕາມກໍານົດໄວ້ໃນດໍາລັດວ່າດ້ວຍປ່າສະຫງວນໃຫ້ເປັນຮູບປະທໍາ, ພ້ອມທັງສືບຕໍ່ແບ່ງດິນແບ່ງປ່າໃຫ້ແກ່ບ້ານຄຸ້ມຄອງນໍາໃຊ້ໄມ້ໃຫ້ມີປະໂຫຍດ, ເຂົ້າຮ່ວມການບົວລະບັດຮັກສາຕົ້ນໄມ້, ຄົ້ນຄວ້າອອກນິຕິກໍາ ເພື່ອຄຸ້ມຄອງປະຊາຊົນທີ່ຕັ້ງຖິ່ນຖານໃນເຂດປ່າປ້ອງກັນ, ປ່າສະຫງວນມາແຕ່ກ່ອນໃຫ້ຮັດກຸມ ແລະ ໃຫ້ເຂົາເຈົ້າມີສ່ວນຮ່ວມໃນການປົກປັກຮັກສາ ແລະ ຟື້ນຟູປ່າໃຫ້ແຂງແຮງກວ່າເກົ່າ.

- 1 1 - ຄະນະປະຈໍາສະພາສະເໜີຫລາຍບັນຫາໃນວຽກງານຟື້ນຟູປ່າໄມ້
- Tiger Head 728x90 - ຄະນະປະຈໍາສະພາສະເໜີຫລາຍບັນຫາໃນວຽກງານຟື້ນຟູປ່າໄມ້
- lattana 1 - ຄະນະປະຈໍາສະພາສະເໜີຫລາຍບັນຫາໃນວຽກງານຟື້ນຟູປ່າໄມ້