ເຕືອນປະຊາຊົນ ໃນລະດູຝົນນີ້ ໃຫ້ລະວັງເຫັດເບື່ອ

ເຫັດເປັນ​ເຊື້ອ​ລາຊະນິດໜຶ່ງ, ປະຊາຊົນລາວເຮົາມັກບໍລິໂພກເປັນອາຫານທີ່ແສນແຊບນົວ. ​​​ເຫດ​ຕາມ​ທຳ​ມະ​ຊາດ​ມັກ​ເກີດ​ໃນ​ລະດູຝົນ ມັນງອກເງີຍຂຶ້ນມາຈາກພື້ນດິນຕາມປ່າດົງທຳມະຊາດ, ​ເຂດພື້ນ​ທີ່​ ​ເຊິ່ງອາດ​ຈະ​ມີ​ທັງ​ເຫັດ​ທີ່​ກິດ​ໄດ້ ​ແລະ​ເບື່ອ.  ດັ່ງ​ນັ້ນ, ສູນສື່ສານເພື່ອສຸຂະພາບ ແລະ ສຸກຂະສຶກສາ ກະຊວງສາທາລະນະສຸກຂໍເໜີ ແຈ້ງເຕືອນມາຍັງປະຊາຊົນ​ທຸກ​ຂົງ​ເຂດທົ່ວປະເທດ ໃຫ້ລະມັດລະວັງອັນຕະລາຍຈາກເຫັດມີພິດ ຄື ບໍ່ຄວນຊື້ເຫັດທີ່ບໍ່ຮູ້ຈັກມາກິນຊື້ເຫັດຕາມທ້ອງຕະຫຼາດ ຫຼື ວາງຂາຍຕາມແຄມທາງ ໂດຍສະເພາະເຫັດທີ່ມີສີສັນສວຍງາມ, ເປັນເກັດ, ມີຂົນ, ມີກິ່ນຂິວ ເພາະອາດຈະເປັນອັນຕະລາຍເຖິງຂັ້ນເສຍຊີວິດໄດ້.

- lattana 1 - ເຕືອນປະຊາຊົນ ໃນລະດູຝົນນີ້ ໃຫ້ລະວັງເຫັດເບື່ອ

“ເຫັດພິດ” ຫຼື “ເຫັດເບື່ອ” ເປັນເຫັດທີ່ມີອັນຕະລາຍຕໍ່ຜູ້ບໍລິໂພກ ຄວາມເປັນພິດອາດຈະເຮັດໃຫ້ເປັນອັນຕະລາຍຕໍ່ສຸຂະພາບໄດ້ ເຫັດທີ່ສາມາດນຳມາບໍລິໂພກໄດ້ຢ່າງປອດໄພມີຢູ່ເປັນຈຳນວນຫຼາຍ ແຕ່ຈະມີເຫັດພິດບໍ່ເຖິງ 100 ຊະນິດ ເຫັດພິດທີ່ຮ້າຍແຮງທີ່ສຸດໄດ້ແກ່ ເຫັດໃນສະກຸນ Amannita ສະກຸນ Helvella ເຊິ່ງເຫັດເຫຼົ່ານີ້ສາມາດສ້າງສານພິດຊີວະພາບທີ່ກໍ່ໃຫ້ເກີດອັນຕະລາຍຕໍ່ມະນຸດໄດ້ ເຫັດຕະກູນນີ້ພົບໄດ້ໃນປະເທດລາວ ເຊັ່ນ ເຫັດໂງກຫີນ, ເຫັດໄຂ່ຕາຍຊາກ ແລະ ເຫັດເກັດດາວເປັນຕົ້ນ.

ຂໍ້ແນະນໍາໃນການບໍລິໂພກເຫັດ:

  1. ຫ້າມກິນເຫັດດິບ ແລະ ຄວນກິນສະເພາະເຫັດທີ່ເຄີຍກິນ ຫຼື ຮູ້ຈັກ.
  2. ຕ້ອງຮູ້ແຫຼ່ງທີ່ມາຂອງເຫັດ ບໍ່ຄວນເກັບເຫັດໃນບໍລິເວນທີ່ມີສານພິດຕົກຄ້າງຢູ່.
  3. ຄວນສອບຖາມເບິ່ງວ່າເຄີຍມີຜູ້ບໍລິໂພກເຫັດນັ້ນມາກ່ອນຫຼືບໍ່ ບໍ່ຄວນລອງກິນໂດຍບໍ່ຮູ້ຈັກ.
  4. ບໍ່ຄວນປຸງອາຫານໂດຍການໃຊ້ເຫັດປ່າຫຼາຍຊະນິດລວມກັນ.
  5. ຫາກບໍ່ແນ່ໃຈ ບໍ່ມີຂໍ້ມູນພຽງພໍ ບໍ່ຄວນບໍລິໂພກເປັນອັນຂາດ.
  6. ຢ່ານຳເຫັດທຳມະຊາດໄປປຸງຈົນໝົດ ຄວນເກັບໄວຢ່າງລະ 1 ດອກ ເພື່ອນຳສົ່ງແພດເພື່ອໃຊ້ວິເຄາະເພື່ອເກີດອາການຜິດປົກກະຕິ.
  7. ການພິສູດເຫັດພິດຈະໃຊ້ບ່ວງເງິນ, ງາຊ້າງ, ເຂົ້າສານ, ຫົວຫອມ ຫຼື ຮອຍກັດທຳລາຍຈາກໜອນແມງ ແລະ ສັດບໍ່ໄດ້ ເພາະສານພິດໃນເຫັດມີຫຼາກຫຼາຍບໍ່ຄືສານພິດສັງເຄາະທີ່ມີທາດໂລຫະໜັກທົ່ວໄປ.

ການ​ພະ​ຍາ​ບານເບື້ອງຕົ້ນເມື່ອກິນເຫັດ​ເປັນພິດ


1. ເມື່ອພົບອາການຜິດປົກກະຕິໃຫ້ພົບແພດທັນທີ ແລະ ບັນເທົາອາການເລີ່ມຕົ້ນດ້ວຍການຮາກອອກມາໃຫ້ໄດ້ຫຼາຍທີ່ສຸດ ໂດຍການດື່ມນໍ້າອຸ່ນ 1 ລິດ ປະສົມກັບເກືອ 1 ບ່ວງແກງ  ແລ້ວຈົກຄໍ (ວິທີນີ້ຫ້າມໃຊ້ກັບເດັກທີ່ຕໍ່າກວ່າ 5 ປີ)

2. ລວບລວມເຫັດທີ່ເຫຼືອເກັບໄວ້ ເສດອາຫານຈາກການປຸງ ແລະ ສ່ວນທີ່ຮາກອອກມາ ນຳສົ່ງແພດເພື່ອການກວດວິເຄາະ.

ຂໍ້ມູນຈາກ: http://news.com.la

error: Content is protected !!