3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ

3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ - advert banner 728 90 728x90 - 3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ

1. ຫລີກເວັ້ນການຮັບສານອະນຸ ມູນອິດສະລະ : ເພາະສານອະນຸມູນອິດສະລະແມ່ນສ່ວນໜຶ່ງທີ່ເຮັດໃຫ້ເກີດຄວາມເຖົ້າຂອງຜິວ ແລະ ຮ່າງກາຍ ເຊິ່ງເກີດໄດ້ຈາກຂະບວນການເຜົາຜານອາຫານຂອງຮ່າງກາຍ ແລະ ຈາກປັດໄຈພາຍນອກ ເຊັ່ນ : ການຕິດເຊື້ອ, ການອັກເສບ, ສິ່ງແວດລ້ອມ ຫລື ແມ່ນແຕ່ການອອກກຳລັງກາຍຫລາຍຈົນເກີນໄປກໍມີສ່ວນ.

3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ - new3 - 3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ

     ເມື່ອຮ່າງກາຍໄດ້ຮັບສານອະນຸມູນອິດສະລະຫລາຍໆຈະເຂົ້າໄປແຊກຊຶມໃນຊີ້ນສະໝອງຜ່ານການສູບຢາ ຫລື ສືບດົມເອົາຄັວນຕ່າງໆ  ລວມເຖິງການກິນໄຂມັນໃນປະລິມານຫລາຍ ເຊັ່ນ : ປີ້ງໝູ, ໝູຕິດມັນ ເຊິ່ງວິທີທີ່ດີສຸດແມ່ນຫລຸດການສືບດົມຄັວນຢາສູບ ຫລື ຫລີກເວັ້ນການກິນຊີ້ນແດງ, ໃຊ້ຜັກເຂົ້າມາຕ້ານອະນຸມູນອິດສະລະແທນ ໂດຍກິນຜັກ ແລະ ໝາກໄມ້ໃຫ້ຫລາຍຂຶ້ນຢ່າງໜ້ອຍ 5 ສ່ວນຕໍ່ມື້.

     2. ກະຕຸ້ນການຟອກເລືອດໃຫ້ສະໝອງ : ໃນທຸກໆນາທີສະໝອງຈະມີເລືອດທີ່ລຳລຽງອາຫານ ແລະ ອົກຊີແຊນຜ່ານເຂົ້າໄປເພື່ອທີ່ຈະເຮັດໃຫ້ສະໝອງເຮັດວຽກໄດ້ເປັນປົກກະຕິ ເມື່ອທາງເດີນສູ່ສະໝອງມີອາການຕິດຂັດ ຫລື ຂາດເລືອດໄປລ້ຽງສະໝອງທີ່ພຽງພໍ ນັ້ນສະແດງໃຫ້ເຫັນວ່າຈະເກີດເສັ້ນເລືອດໃນສະໝອງອັດຕັນໄດ້ ຫາກລອງຄິດແບບງ່າຍໆວິທີເຮັດໃຫ້ເລືອດຟອກໄດ້ດີ ທີ່ສຸດແມ່ນການອອກກຳລັງກາຍ ເພາະຊ່ວຍໃຫ້ຫລອດເລືອດລຳລຽງອົກຊີແຊນໄດ້ດີ ລວມເຖິງສົ່ງອາຫານໄປຍັງແຊນສະໝອງໄດ້ຢ່າງມີປະສິດທິພາບ ແລ້ວຖ້າເຮົາບໍ່ອອກກຳລັງກາຍໄດ້ບໍ່ ? ຄຳຕອບຄື ໄດ້ຄືກັນ, ແຕ່ທ່ານຕ້ອງຫາວິທີອື່ນທີ່ເໝາະສົມໃນການກະຕຸ້ນການຟອກເລືອດໄປຫາສະໝອງ.

3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ - lattana 1 - 3 ວິທີຊ່ວຍເບິ່ງແຍງສະໝອງຊ່ວຍໃຫ້ເຮົານານເຖົ້າ

     3. ເຮັດກິດຈະກຳຍາມວ່າງ : ເປັນຫຍັງເຮົາຈຶ່ງສະໜັບສະໜູນການເຮັດກິດຈະກຳຍາມວ່າງ ກໍຍ້ອນກິດຈະກຳຍາມວ່າງມັກຈະເປັນສິ່ງທີ່ເຮົາທຸກຄົນມັກເຮັດ ຫລື ລຶ້ງເຄີຍ ລວມເຖິງເຮັດມັນໄດ້ຢ່າງມີຄວາມສຸກ ແລະ ໃຊ້ເວລາຢູ່ກັບມັນໄດ້ໝົດມື້ ກິດຈະກຳຍາມວ່າງປະເພດສົ່ງຜົນຕໍ່ການສ້າງຄວາມເປັນບ່າວສາວໃຫ້ສະໝອງ ເຊັ່ນ : ການຫລິ້ນດົນຕີ ເພາະການຫລິ້ນດົນຕີຕ້ອງໃຊ້ຄວາມຈື່ຈຳ ແລະ ທັກສະຫລາຍຢ່າງ ລວມເຖິງບາງເທື່ອຕ້ອງແຍກສະໝອງໃນການກົດ ຫລື ປ່ອຍນິ້ວມືເພື່ອສ້າງຈັງຫວະທີ່ແຕກ ຕ່າງອອກໄປ. ການຫລິ້ນດົນຕີປຽບດັ່ງການບັງຄັບໃຫ້ສະໝອງຕ້ອງເອີ້ນຂໍ້ມູນກັບໄປກັບມາຢ່າງວ່ອງໄວ ເຮັດໃຫ້ກະຕຸ້ນຄວາມຈື່ຈຳຂອງທ່ານໄດ້ດີ. ການຫລິ້ນໝາກດ້າມມັກຈະເຫັນຜູ້ເຖົ້າຫລິ້ນ ເຊິ່ງບໍ່ພຽງໃຫ້ຄວາມມ່ວນ, ແຕ່ການຫລິ້ນນີ້ຍັງອາໄສທັກສະທາງສະໝອງໃນ ການຄິດ, ວິເຄາະ, ໄຈ້ແຍກ ເພື່ອຫົນທາງຊະນະເກມ ເຊິ່ງກົນລະຍຸດ ຫລື ວິທີການຕ່າງໆນັ້ນຕ້ອງໃຊ້ສະໝອງພາກສ່ວນໜ້າ ເຊິ່ງເປັນພາກສ່ວນທີ່ກ່ຽວຂ້ອງກັບສະໝອງສ່ວນທີ່ເອີ້ນວ່າ working memory ເຊິ່ງເປັນສ່ວນທີ່ເຮົາໃຊ້ຕະຫລອດເວລາໃນຊີວິດປະຈຳວັນ. ຖ້າສ່ວນນີ້ໄດ້ຮັບການພັດທະນາ ແລະ ຝຶກຝົນຫລາຍເທົ່າໃດກໍຍິ່ງເຮັດໃຫ້ເກີດຜົນດີຕໍ່ພັດທະນາການຂອງສະຕິປັນຍາຫລາຍຂຶ້ນເທົ່ານັ້ນ. ການອ່ານໜັງສື ຫລື ເລືອກຮັບຂ່າວສານຜ່ານພາບ ແລະ ສຽງແທນຫລາຍກ່ວາໃນປະຈຸບັນ ຈະຊ່ວຍໃຫ້ເກີດຈິນຕະນາການພາບຂອງຄວາມໝາຍ ແລະ ສິ່ງເຫລົ່ານີ້ຊ່ວຍໃຫ້ແຊນສະໝອງມີການຈັດລຽງຮູບແບບໃໝ່ໃຫ້ເປັນການຈັດລະບຽບໃຫ້ສະໝອງໄດ້ຈື່ຈຳ.

error: Content is protected !!