ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ

ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ - advert banner 728 90 728x90 - ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ

ໃນໂອກາດເປັນປະທານກອງປະຊຸມຄະນະກໍາມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດຂອງທ່ານພົນຕີ ສົມຫວັງ ທໍາມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ເມື່ອວັນທີ 23 ກໍລະກົດນີ້, ທ່ານໄດ້ເນັ້ນໃຫ້ຄະນະກໍາມະການດັ່ງກ່າວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດໃຫ້ເປັນຮູບປະທໍາຫລາຍຂຶ້ນ. ຫລັງຈາກເຫັນວ່າສະພາບການຄ້າຂາຍ ແລະ ຈໍານວນຜູ້ມີຄວາມສ່ຽງຕິດຢາເສບຕິດມີທ່າອ່ຽງເພີ່ມຂຶ້ນນັບມື້ ແລະ ຖ້າບໍ່ແກ້ໄຂຢ່າງເດັດຂາດຈິງຈັງ ກໍຈະສົ່ງຜົນກະທົບບໍ່ດີຫລາຍດ້ານຕໍ່ການພັດທະນາເສດຖະກິດ-ສັງຄົມຂອງປະເທດເຮົາ, ຊຶ່ງ 9 ແຜນງານດັ່ງກ່າວປະກອບມີ: ການສ້າງ ແລະ ປັບປຸງນິຕິກໍາທີ່ພົວພັນກັບບັນຫາຢາເສບຕິດ, ການເກັບກໍາ ແລະ ວິໄຈຂໍ້ມູນຂ່າວສານ, ການສຶກສາອົບຮົມ, ໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ, ການປິ່ນປົວ ແລະ ຝຶກວິຊາຊີບໃຫ້ຜູ້ຕິດຢາເສບຕິດ, ການພັດທະນາທາງເລືອກ ເພື່ອທົດແທນການປູກຝິ່ນ-ກັນຊາ ແລະ ການປະຕິບັດມາດຕະການຕ່າງໆທາງກົດໝາຍ, ການຄວບຄຸມສານເຄມີຕົ້ນ, ການວິໄຈ ແລະ ກວດສອບການຊົມໃຊ້ຢາເສບຕິດ, ການຮ່ວມມືກັບສາກົນ ແລະ ການປັບປຸງກົງຈັກການຈັດຕັ້ງຂອງຄະນະກໍາມະການກວດກາ ແລະ ຄວບຄຸມຢາເສບຕິດແຕ່ລະຂັ້ນນັບແຕ່ສູນກາງລົງຮອດທ້ອງຖິ່ນໃຫ້ເຂັ້ມແຂງ.

ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ - new3 - ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ

  ຕາມການລາຍງານຂອງຄະນະກໍາມະການດັ່ງກ່າວ ໃຫ້ຮູ້ວ່າ: ນັບແຕ່ປີ 2016-2018 ການສໍາຫລວດເນື້ອທີ່ປູກຝິ່ນຢູ່ປະເທດຍັງພົບວ່າມີຈໍານວນຫລາຍເຖິງ 15.640 ກວ່າເຮັກຕາ, ມີຜູ້ສ່ຽງຕິດຢາເສບຕິດຫລາຍກວ່າ 65 ພັນຄົນ ແລະ ຕະຫລອດ 3 ປີຜ່ານມາເຈົ້າໜ້າທີ່ສາມາດມ້າງຄະດີຢາເສບຕິດໄດ້ 9.430 ກວ່າເລື່ອງ, ຈັບຜູ້ຕ້ອງຫາໄດ້ 13.910 ກວ່າຄົນ, ໃນນີ້ມີຄົນຕ່າງປະເທດມີ 260 ກວ່າຄົນ, ຢຶດຂອງກາງປະເພດຢາບ້າໄດ້ 37 ລ້ານກວ່າເມັດ, ເຮໂຣອິນ ຫລາຍກວ່າ 735 ກິໂລ, ຢາໄອ 2 ພັນກວ່າກິໂລ, ກັນຊາ 6.220 ກວ່າກິໂລ, ຝິ່ນ 490 ກວ່າກິໂລ, ໂຄເຄນ 8 ກິໂລ ແລະ ສານເຄມີຜະລິດຢາເສບຕິດປະເພດຕ່າງໆອີກຈໍານວນຫລາຍ. ນອກນີ້ກໍໄດ້ຢຶດພາຫະນະ ແລະ ຊັບສີນຕ່າງໆ ທີ່ນໍາໃຊ້ເຂົ້າໃນການເຄື່ອນໄຫວກະທໍາຜິດມີຄື: ລົດໃຫຍ່ 344 ຄັນ, ລົດຈັກ 1.335 ຄັນ, ເຮືອ 2 ລໍາ, ເງິນ-ຄໍາ ແລະ ຊັບສີນອື່ນອີກຈໍານວນໜຶ່ງ.  

ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ - lattana 1 - ລາວເລັ່ງປະຕິບັດ 9 ແຜນງານແກ້ໄຂບັນຫາຢາເສບຕິດ
error: Content is protected !!