ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ.

ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ. - advert banner 728 90 728x90 - ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ.

ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນນະຄອນຫລວງວຽງຈັນຊຸດທີ I ໄດ້ອັດລົງໃນທ້າຍອາທິດຜ່ານມານີ້, ພາຍຫລັງດໍາເນີນມາເປັນເວລາ 3 (24-26 ກໍລະກົດນີ້), ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫລວງວຽງຈັນ. ກອງປະຊຸມໄດ້ຮັບຮອງເອົາການຊັບຊ້ອນບຸກຄະລາກອນໃນກົງຈັກບໍລິຫານຂອງອົງການປົກຄອງນະຄອນຫລວງຕາມການສະເໜີຂອງທ່ານເຈົ້າຄອງນະຄອນຫລວງວຽງຈັນ ຫລາຍຕໍາແໜ່ງຄື: ແຕ່ງຕັ້ງທ່ານ ຄຳປະດິດ ເຂັມມານິດ ຫົວໜ້າພະແນກຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນໄປຮັບໜ້າທີ່ໃໝ່ເປັນເຈົ້າເມືອງໄຊທານີຄົນໃໝ່ ແທນທ່ານ ຈັນທະລາ ຈັນທະລັງສີ ເຈົ້າເມືອງໄຊທານີຜູ້ເກົ່າ ທີ່ພັກຜ່ອນເຂົ້າຮັບນະໂຍບາຍບຳນານ. ແຕ່ງຕັ້ງທ່ານ ນາງ ວິໄລວອນ ຈັນທະລາຕີ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ເປັນຫົວໜ້າພະແນກຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວນະຄອນຫລວງວຽງຈັນຄົນໃໝ່ ແລະ ແຕ່ງຕັ້ງທ່ານ ບຸນຈັນ ແກ້ວສີທໍາມະ ຮອງຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ ເປັນຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນຄົນໄໝ່. 

ນອກນີ້, ກອງປະຊຸມໄດ້ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ 6 ເດືອນຕົ້ນປີ ແລະ ແຜນດັດແກ້ 6 ເດືອນທ້າຍປີ 2019 ຂອງນະຄອນຫລວງວຽງຈັນແລະ ຮັບຟັງການຊີ້ແຈງບັນຫາພົ້ນເດັ່ນຈໍານວນໜຶ່ງ ເປັນຕົ້ນ: ການແກ້ໄຂຂໍ້ຂັດແຍ້ງທີ່ດິນ, ຄວາມຄືບໜ້າຂອງການຊົດເຊີຍທີ່ດິນ ແລະ ສິ່ງປຸກສ້າງໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໂຄງການທາງດ່ວນນະຄອນຫລວງວຽງຈັນ-ບໍ່ເຕັນໄລຍະທີ 1 (ນະຄອນຫລວງວຽງຈັນ-ວັງວຽງ), ໂຄງການກໍ່ສ້າງເສັ້ນທາງດອນນົກຂຸ້ມ, ໂຄງການກໍ່ສ້າງສະໜາມກ໊ອຟລອງແທັງ, ການຄຸ້ມຄອງການປູກກ້ວຍຂອງຕ່າງປະເທດ, ບັນຫາໄຟເຍືອງທາງບໍ່ຮຸ່ງ, ບັນຫານໍ້າເປື້ອນໃນຕົວເມືອງ, ລວມເຖິງການຕິດຕາມກວດກາຂອງອົງການໄອຍະການ, ການຄຸ້ມຄອງກອງທຶນບໍາບັດຜູ້ຕິດຢາເສບຕິດ, ຜູ້ຖືກຫາ ແລະ ນັກໂທດຢູ່ຄ້າຍຄຸມຂັງດັດສ້າງໃນນະຄອນຫລວງວຽງຈັນ.

ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ. - lattana 1 - ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ.
ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ. - 1 1 - ສະພາປະຊາຊົນນະຄອນຫລວງຮັບຮອງການຊັບຊ້ອນບຸກຄະລາກອນຫລາຍຕໍາແໜ່ງ.
error: Content is protected !!