ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ

ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ - advert banner 728 90 728x90 - ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ

ໃນງານສະເຫລີມສະຫລອງວັນສື່ມວນຊົນແຫ່ງຊາດແລະການພີມຈໍາໜ່າຍຄົບຮອບ 69 ປີໃນວັນທີ 13 ສິງຫາຜ່ານມານີ້, ທ່ານສະຫວັນຄອນ ຣາຊມຸນຕຣີຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາແລະທ່ອງທ່ຽວໄດ້ຍົກໃຫ້ເຫັນວ່າ: ຕະຫລອດໄລຍະຫລາຍປີຜ່ານມາ, ສື່ມວນຊົນລາວໄດ້ຕັ້ງໜ້າບຸກບືນຜ່ານຜ່າຫລາຍສິ່ງທ້າທາຍເພື່ອເຮັດຫລ້ອນໜ້າທີ່ຂອງພັກ-ລັດຖະບານມອບໝາຍໃຫ້, ພ້ອມທັງໄດ້ລົງທຶນຢ່າງຫລວງຫລາຍເຂົ້າໃສ່ການພັດທະນາສື່ມວນຊົນເພາະຖືວ່າເປັນອາວຸດອັນແຫລມຄົມ, ເປັນກໍາລັງຍູ້ດັນການພັດທະນາປະເທດຊາດໃຫ້ເຕີບໃຫຍ່ຂະຫຍາຍຕົວຂຶ້ນເລື້ອຍໆ, ໂດຍມີໂຄງລ່າງພື້ນຖານທີ່ໄດ້ຮັບການພັດທະນາໄປສູ່ຄວາມທັນສະໄໝຈາກລະບົບອານາລ໋ອກໄປສູ່ລະບົບດີຈີຕອນໄດ້ໂດຍພື້ນຖານ. ອັນພົ້ນເດັ່ນແມ່ນການນໍາໃຊ້ເຄືອຂ່າຍອິນເຕີເນັດໃນການສະໜອງຂໍ້ມູນຂ່າວສານ, ສາລະຄວາມຮູ້, ສະລະບັນເທິງໃຫ້ແກ່ເປົ້າໝາຍຜູ້ອ່ານ, ຜູ້ຟັງແລະຜູ້ຊົມຕາມນະໂຍບາຍຂອງພັກແລະລັດເຮົາ. ເວົ້າໄດ້ວ່າ: ສື່ມວນຊົນຍັງດໍາລົງບົດບາດເປັນຜູ້ນໍາໜ້າພາທາງ, ແນະນໍາຫາງສຽງແລະສ້າງຄວາມເຂົ້າໃຈທີ່ຖືກຕ້ອງແກ່ສັງຄົມແລະສາມາດເຊື່ອມຕໍ່ການກະຈາຍຂໍ້ມູນຂ່າວສານໃນພາກພື້ນແລະໃນໂລກ.

ຮອງລັດຖະມົນຕີກ່າວວ່າ: ເຖິງວ່າພວກເຮົາໄດ້ມີຜົນງານອັນພົ້ນເດັ່ນດັ່ງກ່າວມານັ້ນ, ແຕ່ວຽກງານສື່ມວນຊົນກໍຍັງມີຄວາມຫຍຸ້ງຍາກແລະສິ່ງທ້າທາຍຫລາຍຢ່າງທີ່ຈະຕ້ອງໄດ້ພ້ອມກັນປັບປຸງແກ້ໄຂເປັນຕົ້ນ: ການສ້າງລາຍຮັບວິຊາການຂອງອົງການສື່ທີ່ມີທ່າອ່ຽງຫລຸດລົງ,ເນື່ອງຈາກສັງຄົມຫັນໄປບໍລິໂພກຂໍ້ມູນຂ່າວສານແລະໃຊ້ບໍລິການຢູ່ສື່ອອນລາຍ.ຄຽງຄູ່ກັນນັ້ນງົບປະມານໃນການສົ່ງເສີມວິຊາການຍັງມີຈໍາກັດ,ຜູ້ມີຄວາມຮູ້ຄວາມສາມາດແລະຄວາມເປັນມືອາຊີບໃນວຽກງານມີໜ້ອຍ, ໂຄງລ່າງພື້ນຖານດ້ານພາຫະນະແລະອຸປະກອນຮັບໃຊ້ສ່ວນໃຫຍ່ເກົ່າແກ່ເປ່ເພລົງຫລາຍແລ້ວ.ສະນັ້ນໃນຕໍ່ໜ້ານີ້, ພວກເຮົາຕ້ອງໄດ້ເລັ່ງສູ້ຊົນພັດທະນາສື່ມວນຊົນໃຫ້ມີຄຸນະພາບ, ທັນສະໄໝ, ວ່ອງໄວ, ທັນເຫດການ, ຖືກຕ້ອງຊັດເຈນທັງເປັນເວທີຂອງມະຫາຊົນ ແລະສືບຕໍ່ພັດທະນາບຸກຄະລາກອນໃຫ້ເກັ່ງແລະພຽງພໍກັບຄວາມຮຽກຮ້ອງຕ້ອງການຂອງວຽກງານ, ປັບປຸງພັດທະນາການນໍາສະເໜີບົດຂ່າວຜ່ານວີດີໂອ, ລາຍງານຂ່າວສົດຜ່ານລະບົບອອນລາຍໃຫ້ຫລາຍຂຶ້ນແລະຫັນການຄຸ້ມຄອງດ້ວຍລະບຽບກົດໝາຍຢ່າງເຂັ້ມງວດ.

ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ - 1 1 - ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ
ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ - lattana 1 - ສື່ມວນຊົນລາວໄດ້ເຮັດຫລ້ອນໜ້າທີ່ຂອງຕົນ
error: Content is protected !!