ວິທີເສີມພູມຕ້ານທານເພື່ອປ້ອງກັນມົນລະພິດທາງອາກາດ

- advert banner 728 90 728x90 - ວິທີເສີມພູມຕ້ານທານເພື່ອປ້ອງກັນມົນລະພິດທາງອາກາດ

    ເມື່ອຕ້ອງຢູ່ກັບຂີ້ຝຸ່ນ ແລະ ມົນລະພິດ ຈະຕ້ອງກິນແນວໃດໃຫ້ຮ່າງກາຍມີພູມຕ້ານທານ. ເຖິງວ່າບັນຫາຝຸ່ນລະອອງ PM2,5 ຈະຈາງລົງໄປແລ້ວ ແຕ່ອາກາດໃນບ້ານເຮົາ ແລະ ໂຕເມືອງໃຫຍ່ກໍຍັງມີມົນລະພິດໃຫ້ສືບດົມກັນທຸກມື້ ແນ່ນອນວ່າເຮົາຕ້ອງໄດ້ຮັບຜົນກະທົບນີ້ໄປເຕັມໆ ໜຶ່ງໃນວິທີທີ່ຈະດູແລໂຕເອງໃຫ້ມີສຸຂະພາບດີໄດ້ ແມ່ນການກິນອາຫານທີ່ມີປະໂຫຍດ, ຊ່ວຍເສີມສ້າງພູມຕ້ານທານຮ່າງກາຍໃຫ້ແຂງແຮງເພື່ອຕ້ານມົນລະພິດ ມາເບິ່ງກັນເລີຍວ່າອາຫານເຫລົ່ານັ້ນມີຫຍັງແດ່.

- new3 - ວິທີເສີມພູມຕ້ານທານເພື່ອປ້ອງກັນມົນລະພິດທາງອາກາດ

     – ຜັກໃນຕະກູນຜັກກະລໍ່າ ໄດ້ແກ່ ຜັກກະລໍ່າຫລາກຫລາຍສີ, ຜັກກະລໍ່າດອກ, ຜັກກາດນາ, ຜັກກາດກວາງຕຸ້ງ, ຜັກກາດຂາວ ລ້ວນແຕ່ອຸດົມໄປດ້ວຍສານອາຫານ ແລະ ວິຕາມິນຫລາຍຊະນິດ ໂດຍສະເພາະສານຊັລໂຟຣາເຟນທີ່ຊ່ວຍໄລ່ສານພິດອອກຈາກຮ່າງກາຍ ຈຶ່ງຫລຸດຄວາມສ່ຽງໃນການເປັນມະເຮັງປອດຈາກຂີ້ຝຸ່ນ ແລະ ຍັງຊ່ວຍເສີມສ້າງລະບົບພູມຕ້ານທານໃຫ້ແຂງແຮງນຳອີກ.

     – ໝາກໄມ້ຫລາຍວິຕາມິນເຊ : ນອກຈາກຊ່ວຍບຳລຸງຜິວແລ້ວ ຍັງມີສານຕ້ານອະນຸມູນອິດສະລະສູງ ເສີມພູມຕ້ານທານຮ່າງກາຍໃຫ້ແຂງແຮງ ແລະ ຍັງຊ່ວຍໄລ່ສິ່ງແປກປອມອອກຈາກຮ່າງກາຍທີ່ອາດໄດ້ຮັບຈາກບັນຫາມົນລະພິດ, ຫລຸດອາການພູມແພ້ ແລະ ເຮັດໃຫ້ປອດແຂງແຮງຂຶ້ນ ພົບຫລາຍໃນໝາກໄມ້ຈຳພວກໝາກສີດາ, ໝາກກີວີ, ໝາກຂ້າມປ້ອມ, ໝາກກ້ຽງໃຫຍ່, ໝາກຫຸ່ງສຸກ, ໝາກນາວ, ໝາກໄມ້ຕະກູນເບີຣີ.

     – ປາ ແລະ ອາຫານທະເລ : ເປັນອາຫານທີ່ມີກົດໄຂມັນໂອເມກ້າ 3 ສູງ, ຊ່ວຍເສີມສ້າງຜິວໜັງແຊນໃນຮ່າງກາຍ ຈຶ່ງອາດມີສ່ວນຊ່ວຍດູແລສຸຂະພາບຈາກຜົນກະທົບຂອງຂີ້ຝຸ່ນໄດ້ ພົບໄດ້ໃນປາທະເລ ແລະ ປານຳ້ຈືດບາງຊະນິດ ເຊັ່ນ : ປາແຊວມັອນ, ປາຊາດີນ, ປາທູ, ປາສະຫວາຍ, ປາດຸກ, ປາຄໍ່, ກຸ້ງ, ຫອຍ ລວມເຖິງນຳ້ມັນປາ ເຊິ່ງການກິນປາດ້ວຍວິທີຕົ້ມ, ແກງ ຫລື ໜຶ້ງ ຈະໄດ້ປະໂຫຍດທີ່ສຸດ ເພາະໂອເມກ້າ 3 ຈະຫາຍໄປຫາກຜ່ານຄວາມຮ້ອນສູງໆ ເປັນຕົ້ນແມ່ນການຈືນ.

- lattana 1 - ວິທີເສີມພູມຕ້ານທານເພື່ອປ້ອງກັນມົນລະພິດທາງອາກາດ

     – ໝາກໄມ້ສີສົ້ມ, ເຫລືອງ, ແດງ ເຕັມໄປດ້ວຍວິຕາມິນອາ ແລະ ເບຕ້າແຄໂຣທີນສູງ ຊ່ວຍເສີມສ້າງລະບົບທາງເດີນຫາຍໃຈ ແລະ ລະບົບພູມຕ້ານທານຂອງຮ່າງກາຍໃຫ້ແຂງແຮງ ໂດຍສະເພາະເສີມປະສິດທິພາບການເຮັດວຽກຂອງປອດໃຫ້ດີຂຶ້ນ ພົບຫລາຍໃນກຸ່ມຜັກ – ໝາກໄມ້ທີ່ມີສີສົ້ມ, ສີເຫລືອງ ແລະ ສີແດງ ເຊັ່ນ : ໝາກອຶ, ໝາກເລັ່ນ, ຫົວກະຫລົດ, ມັນດ້າງ, ໝາກຫຸ້ງ, ໝາກສາລີ ລວມເຖິງຜັກໃບຂຽວເຂັ້ມດັ່ງຜັກບົ້ງ ແລະ ຜັກຕຳນິນ ກໍຊ່ວຍຕ້ານລິດຂອງມົນລະພິດໄດ້.

     – ທັນຍາພືດຕ່າງໆ ເຊັ່ນ : ຖົ່ວ, ໝາກງາ, ແກ່ນດອກຕາເວັນ, ແກ່ນໝາກອຶ, ແກ່ນອິຕູ່, ເຂົ້າໜົມປັງໂຮຫວີດ, ຊີຣຽວຊະນິດໂຮເກຣນ ລ້ວນມີສ່ວນຊ່ວຍດູແລສຸຂະພາບໄດ້ຄືກັນ ເພາະມີຄຸນຄ່າທາງອາຫານສູງ ບາງຊະນິດນອກຈາກຈະໃຫ້ກົດໂອເມກ້າ 3 ຄືກັບຊີ້ນປາແລ້ວ ຍັງມີວິຕາມິນເອີ ເຊິ່ງເປັນສານຕ້ານອະນຸມູນອິດສະຫລະທີ່ດີ ຊ່ວຍຫລຸດຜ່ອນການເສື່ອມສະມັດຕະພາບຂອງແຊນ ແລະ ປົກປ້ອງປອດຈາກມົນລະພິດໄດ້.

error: Content is protected !!