ພາຍຸໂຊນຮ້ອນໂພດຸລ

ໂພດຸລ (PODUL) ເປັນຊື່ຂອງພາຍຸໂຊນຮ້ອນອັນໜຶ່ງທີ່ຖືກຕັ້ງຊື່ໂດຍ ສປປ ເກົາຫຼີ ຄຳວ່າ ໂພດຸລ ແປວ່າ ຕົ້ນຫຼິວ (ຕົ້ນໄມ້ຕະກຸນຕົ້ນສົນທີ່ມີງ່າ ແລະ ໃບຫ້ອຍລົງເປັນພຸ່ມ).

ພາຍຸດັ່ງກ່າວນີ້ມີ ການເຄື່ອນທີ່ດ້ວຍຄວາມໄວຢູ່ປະມານ 63 ກິໂລແມັດຕໍ່ຊົ່ວໂມງຂຶ້ນໄປຈົນຮອດ 117 ກິໂລແມັດຕໍ່ຊົ່ວໂມງ ມັກກໍ່ຕົວຂຶ້ນກາງມະຫາສະໝຸດ ໃນລະດູຮ້ອນແລ້ວພັດຂຶ້ນຝັ່ງຕາມການໝູນຮອບຂອງເຂັມໂມງ.

ເຂດທີ່ພາຍຸໂພດຸລພັດຜ່ານຈະເຮັດໃຫ້ມີລົມພັັດແຮງເຖິງຂັ້ນຫຼັງຄາເຮືອນໄມ້ເລີກ,  ຕົ້ນໄມ້ໂຄ່ນລົ້ມ ແລະ ເສົາໄຟຫັກໄດ້ ພ້ອມນັ້ນຍັງມີຝົນຕົກແຮງເຮັດໃຫ້ເກີດນ້ຳນອງກະທັນຫັນໄດ້ເຊັ່ນດຽວກັນ.

ພາຍຫຼັງທີ່ພາຍຸໂພດຸລອ່ອນຕົວລົງຈະເອີ້ນວ່າ ພາຍຸດີເປຣຊັນ ເຊິ່ງມີລະດັບຄວາມໄວຕໍ່ກວ່າ 63 ກິໂລແມັດລົງມາ.

ຖ້າໄດ້ຮັບການແຈ້ງເຕືອນຈາກກົມອຸຕຸນິຍົມ ແລະ ອຸທົກກະສາດວ່າຈະມີພາຍຸພັດຜ່ານໃຫ້ມີສະຕິລະມັດລະວັງຕົວ, ເກັບມ້ຽນເຄື່ອງຂອງຂຶ້ນທີ່ສູງ ແລະ ຫ້າມຢູ່ໃກ້ຕົ້ນໄມ້ປ່ຽວ ຫຼື ສະຖານທີ່ໆຈະມີດິນໂຢດເຈື່ອນ.