ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ

ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ - advert banner 728 90 728x90 - ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ

ພາຍຫລັງທີ່ໃຊ້ເວລາເກືອບຫ້າປີໃນການກໍ່ສ້າງ ໂຄງການເຂື່ອນໄຟຟ້ານ້ຳງຽບ 1 ທີ່ຕັ້ງຢູ່ແຂວງບໍລິຄຳໄຊ, ກໍໄດ້ເລີ່ມຕົ້ນຜະລິດກະແສໄຟຟ້າສົ່ງອອກໃຫ້ປະເທດໄທໃນວັນທີ 5 ກັນຍານີ້ ແລະ ໄດ້ກາຍເປັນໂຄງການຜະລິດພະລັງງານອິດສະຫຼະອີກໂຄງການໜຶ່ງໃນສ.ປ.ປ.ລາວ.

ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ - new3 - ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ

        ການກໍ່ສ້າງໂຄງການໄດ້ເລີ່ມຕົ້ນໃນທ້າຍປີ 2014 ແລະ ມາຮອດເດືອນສິງຫາ 2019. ການທົດລອງຄັ້ງສຸດທ້າຍໃນການຜະລິດກະແສໄຟໄດ້ສຳເລັດ ແລະ ສັນຍາຊື້-ຂາຍໄຟ ລະຫວ່າງEGAT ແລະບໍລິສັດໄຟຟ້ານໍ້າງຽບ 1 ຈໍາກັດ ໄດ້ຮັບຮອງເອົາ.

        ທ່ານໂທຊິຮິໂຣທາກາໂນະ (Mr. Toshihiro Takano), ຜູ້ອຳນວຍການບໍລິສັດໄຟຟ້ານ້ຳງຽບ 1 ຈໍາກັດກ່າວວ່າ: “ຂ້າພະເຈົ້າຂໍສະແດງຄວາມຂອບໃຈແລະຮູ້ບຸນຄຸນມາຍັງທຸກພາກສ່ວນທີ່ໄດ້ປະກອບສ່ວນເຂົ້າໃນການກໍ່ສ້າງເຂື່ອນໄຟຟ້ານີ້ມາເປັນໄລຍະປະມານ5 ປີ ແລະ ຂອບໃຈສໍາລັບຄວາມທຸ້ມເທຂອງທຸກຄົນ ເຊິ່ງຜົນສໍາເລັດທີ່ສໍາຄັນນີ້ກໍຍ້ອນການສະໜັບສະໜູນຢ່າງເຂັ້ມແຂງຂອງຊຸມຊົນໃນເຂດໂຄງການ ແລະ ລັດຖະບານລາວທຸກຂັ້ນ.

        ເຂື່ອນໄຟຟ້ານ້ຳງຽບ 1 ແມ່ນໂຄງການໄຟຟ້າພະລັງນ້ຳທີ່ມີຂີດຄວາມສາມາດໃນການຜະລິດກະແສໄຟຟ້າ 290 ເມກາວັດ ທີ່ປະກອບດ້ວຍເຂື່ອນໃຫຍ່ ແລະ ເຂື່ອນນ້ອຍ ຕັ້ງຢູ່ຕາມລ້ອງແມ່ນໍ້າງຽບ, ແຂວງບໍລິຄຳໄຊ, ການກໍ່ສ້າງທັງສອງເຂື່ອນໄດ້ສຳເລັດກ່ອນລະດູຝົນ 2019 ແລະ ການກັກເກັບນໍ້າໃນອ່າງໃຫ້ເຕັມເຂື່ອນກໍໄດ້ສຳເລັດຢ່າງສົມບູນ ແລະ ປັດຈຸບັນໄດ້ມີຄວາມພ້ອມໃນການຜະລິດໄຟຟ້າຢ່າງເຕັມສ່ວນ. ສໍາລັບ, ເຂື່ອນໃຫຍ່ຂອງໂຄງການມີຂີດຄວາມສາມາດໃນການຜະລິດກະແສໄຟຟ້າ 272 ເມກາວັດ ແລະກະແສໄຟຟ້າທີ່ຜະລິດຈາກເຮືອນຈັກດັ່ງກ່າວນີ້ຈະສົ່ງຂາຍໃຫ້ກັບEGAT ຜ່ານສາຍສົ່ງ 230 ກິໂລໂວນ ທີ່ມີຄວາມຍາວປະມານ 120 ກິໂລແມັດຈາກໂຄງການຫາສະຖານີໄຟຟ້ານາບົງທີ່ນະຄອນຫຼວງວຽງຈັນ ແລະ ໃນສະຖານີດັ່ງກ່າວຈະປັບຂຶ້ນມາທີ່ 500 ກິໂລໂວນ ກ່ອນຈະຖືກສົ່ງອອກສູ່ປະເທດໄທ.

        ເຂື່ອນໃຫຍ່ສ້າງດ້ວຍຄອນກຣີດອັດແໜ້ນແລະມີຄວາມສູງ 167 ແມັດແລະເປັນເຂື່ອນທີ່ສູງທີ່ສຸດຂອງເຂື່ອນປະເພດນີ້ໃນ ສ.ປ.ປ. ລາວແລະໃນພາກພື້ນນະປັດຈຸບັນ.

ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ - lattana 1 - ເຂື່ອນໄຟຟ້ານໍ້າງຽບ 1 ເລີ່ມຂາຍໄຟອອກແລ້ວ

        ເຮືອນຈັກເຂື່ອນນ້ອຍສາມາດຜະລິດກະແສໄຟຟ້າໄດ້ 18 ເມກາວັດ ແລະ ຈະຂາຍໄຟຟ້າໃຫ້ລັດວິສາຫະກິດໄຟຟ້າລາວເພື່ອຊົມໃຊ້ພາຍໃນທ້ອງຖິ່ນ.

        ໂຄງການໄຟຟ້ານ້ຳງຽບ 1 ແມ່ນໜຶ່ງໃນບັນດາໂຄງການບູລິມະສິດຂອງລັດຖະບານລາວໂດຍມີເປົ້າໝາຍເພື່ອຜະລິດພະລັງງານທີ່ສະອາດ, ຮັບຜິດຊອບຕໍ່ສັງຄົມແລະສິ່ງແວດລ້ອມ, ສະໜອງພະລັງງານທົດແທນທີ່ສະອາດແລະປະກອບສ່ວນເຂົ້າໃນການຫຼຸດຜ່ອນຄວາມທຸກຍາກຂອງປະຊາຊົນລາວ.

        ໃນໄລຍະເວລາສໍາປະທານ 27 ປີໂຄງການຈະຢູ່ພາຍໃຕ້ການຄຸ້ມຄອງແລະດຳເນີນງານຂອງບໍລິສັດໄຟຟ້ານໍ້າງຽບ 1 ຈໍາກັດເຊິ່ງປະກອບມີສາມຂາຮຸ້ນຄື: ບໍລິສັດໄຟຟ້າຄັນໄຊຍີ່ປຸ່ນ, ບໍລິສັດEGATi ຈໍາກັດແລະລັດວິສາຫະກິດຖືຮຸ້ນລາວ ແລະ ຈະນໍາຜົນປະໂຫຍດທາງກົງ ແລະ ທາງອ້ອມມາສູ່ລັດຖະບານລາວ. ພາຍຫລັງສັນຍາສຳປະທານໄດ້ສິ້ນສຸດລົງ ໂຄງການຈະໂອນມາເປັນກຳມະສິດຂອງລັດຖະບານລາວຢ່າງເຕັມສ່ວນ.

error: Content is protected !!